Ֆրեդի Ռինկոն

Ֆրեդի Ռինկոն; իսպ.՝ Freddy Rincón
Անձնական տվյալներ
Քաղաքացիությունը	Կոլումբիա
Ծննդյան ամսաթիվ	օգոստոսի 14, 1966
Ծննդավայր	Buenaventura, Վալիե դել Կաուկա, Կոլումբիա
Մահվան ամսաթիվ	ապրիլի 13, 2022 (55 տարեկան)
Մահվան վայր	Կալի, Կոլումբիա
Հասակ	185 սմ
Դիրք	կիսապաշտպան
Ակումբային տեղեկություններ
Ներկա ակումբ	ավարտել է կարիերան
Մասնագիտական կարիերա*
1986-1988	Ատլետիկո Բուենավենտուրա
1988-1990	Ինդեպենդենտե Սանտա-Ֆե
1993-1994	Պալմեյրաս
Ազգային հավաքական
Մարզչական կարիերա
2006	Իրատի
2007	Սան-Բենտու
2009	Սան-Ժոզե
2010	Ատլետիկո Մինեյրո
2011	Ֆլամենգո
	* Մասնագիտական կարիերայում ընդգրկված են միայն առաջնության խաղերը և գոլերը:

Ֆրեդի Էուսեբիո Գուստավո Ռինկոն Վալենսիա (իսպ.՝ Freddy Eusebio Gustavo Rincón Valencia, օգոստոսի 14, 1966(1966-08-14)^[1]^[2], Buenaventura, Վալիե դել Կաուկա, Կոլումբիա - ապրիլի 13, 2022(2022-04-13)^[3]^[4], Կալի, Կոլումբիա^[5]^[4]), կոլումբիացի ֆուտբոլիստ, կիսապաշտպան։

Կարիերա

Ակումբային

Ռինկոնն իր կարիերան սկսել է «Ատլետիկո Բուենավենտուրայում» 1986 թվականին։ Ապա նա հանդես է եկել «Ինդեպենդենտե Սանտա Ֆե» և «Ամերիկա Կալի», որի կազմում անցկացրած առաջին տարում Ռինկոնը դարձել է Կոլումբիայի չեմպիոն, իսկ 1992 թվականին կրկնել է այդ ձեռքբերումը։ 1993 թվականին Ռինկոնը տեղափոխվել է բրազիլական «Պալմեյրաս» ակումբ, որի հետ հաղթել Բրազիլիայի առաջնությունում և Պաուլիստա լիգայում։ 1994 թվականի աշխարհի առաջնությունից հոտո Ռինկոնը մեկնել է Իտալիա․ այնտեղ նա միացել է «Նապոլի» ակումբին, որի կազմում անցկացրել է մեկ մրցաշրջան։ 1995 թվականի ամռանը տեղափոխվել է Մադրիդի «Ռեալ» ակումբի այդ ժամանակվա մարզիչ Խորխե Վալդանոյի հրավերով։ «Ռեալի» հիմնական կազմում տեղ գրավել Ռինկոնին չի հաջողվել, նա խաղացել է ոչ հաճախ և իր սխալների համար նույնիսկ ռասիստական բնույթի քննադատությունների է արժանացել մադրիդյան ակումբի երկրպագուների կողմից։ Վալդանովի՝ պաշտոնից հեռացնելուց հետո Ռիոնկոնը նույնպես ստիպված է եղել հեռանալ։ 1996 թվականին Ֆրեդին վերադարձել է «Պալմեյրաս» և դարձել ակումբի փլեյմեյքեր։ Հետագայում նա նույն դերով հանդես է եկել «Կորինտիանս» ակումբում, որին օգնել է հաղթել Բրազիլիայի երկու առաջնություններում, Պաուլիստա լիգայում և աշխարհի ակումբային առաջնությունում։ Ապա Ռինկոնը հանդես է եկել «Սանտոս», «Կրուզեյրո» և «Կորինտիանս» ակումբներում։ Վերջինում էլ նա ավարտել է իր կարիերան։

Միջազգային

Կոլումբիայի ազգային հավաքականում Ռիմկոնը խաղացել է 1990 թվականից մինչև 2001 թվականը՝ մասնակցելով աշխարհի երեք առաջնության և Ամերիկայի գավաթի երեք խաղարկություներում։ 1980 թվականին Իտալիայում անցկացվող աշխարհի առաջնության շրջանակներում հուլիսի 16-ին անցկացված՝ առաջնության ապագա չեմպիոն Գերմանիայի դարպասը Ռինկոնի խփած գոլի շնորհիվ կոլումբիացիներն անցել են առաջնության երկրորդ փուլ։ Հաջորդ առաջնության ընթացքում կոլումբիացիները պարտվել են երեք խաղերից երկուսում, սակայն այդ առաջնության որակավորման փուլում՝ 1993 թվականի սեպտեմբերի 6-ին անցկացված Արգենտինայի հավաքականի դեմ խաղում կոլումբիացիները հաղթել են 5:0 հաշվով, և խաղի առաջին գոլը խփել է Ռինկոնը։

Մարզչական

2007 թվականի սկզբից Ռիկոնը գլխավորել է «Սան Բենտո» ակումբը, սակայն մի քանի անհաջող խաղերից հետո հեռացել է պաշտոնից։

Խնդիրներ օրենքի հետ

2007 թվականին մարտի 10-ին Ռինկոնը ձերբակալվել է Բրազիլիայի ոստիկանության կողմից Սան Պաուլոյում գտնվող իրտանը՝ համաձայն Բրազիլիայի գերագույն դատարանի տված հրամանագրի ըստ Պանամայի դատախազության՝ Ինտերպոլի միջոցով կատարված հարցման։ Ռինկոնը մեղադրվել է Պանամայում փողերի լվացման և թմրանյութերի վաճառքի համար Պաբլո Ռայոն Մոնտանոյի հետ միասին, որը ձերբակալվել էր 2006 թվականի օգոստոսին։ Շուտով Ռինկոնն ազատ է արձարկվել գրավի դիմաց և չհեռանալու մասին ստորագրություն տալուց հետո, ապա մեղանդրանքները չեղարկվել են^[6]։

2015 թվականի ապրիլի վերջին կրկին միջազգային հետախուզում է հայտարարվել Ռինկոնին բռնելու համար^[7]։

Ձեռքբերումներ

Կոլումբիայի չեմպիոն - 1990, 1992
Բրազիլիայի չեմպիոն - 1994, 1998, 1999
Սան Պաոլո նահանգի չեմպիոն - 1994, 1999
Աշխարհի ակումբային առաջնության չեմպիոն - 2000

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 FBref.com(բազմ․)
↑ ^3,0 ^3,1 ^3,2 Muere Freddy Rincón, exjugador de la Selección Colombia (իսպ.)
↑ ^4,0 ^4,1 ^4,2 ^4,3 ^4,4 ^4,5 https://elpais.com/deportes/2022-04-14/muere-freddy-rincon-historico-futbolista-de-la-seleccion-de-colombia-y-del-real-madrid.html
↑ ^5,0 ^5,1 ^5,2 https://www.eltiempo.com/colombia/cali/freddy-rincon-exfutbolista-muere-tras-accidente-en-cali-664796
↑ Бывший игрок сборной Колумбии освобождён из-под стражи — sports.ru
↑ «Бывший футболист «Реала» Фредди Ринкон объявлен в международный розыск». championat.com. Վերցված է 30.4.2015-ին.

Արտաքին հղումներ

Վիճակագրութունը National Football Teams կայքում(անգլ.)
Ֆուտբոլիստի էջը rsssf.com կայքում(անգլ.)

Վիքիպահեստն ունի նյութեր, որոնք վերաբերում են «Ֆրեդի Ռինկոն» հոդվածին։

[_a8e38f70919d2130-1] 1,0 ^1,1 Transfermarkt.com(բազմ․) — 2000.

[_408504a720f4233c-2] 2,0 ^2,1 FBref.com(բազմ․)

[_f1aff8e2ac2c00d2-3] 3,0 ^3,1 ^3,2 Muere Freddy Rincón, exjugador de la Selección Colombia (իսպ.)

[_4998abed809866ed-4] 4,0 ^4,1 ^4,2 ^4,3 ^4,4 ^4,5 https://elpais.com/deportes/2022-04-14/muere-freddy-rincon-historico-futbolista-de-la-seleccion-de-colombia-y-del-real-madrid.html

[_f22e0000b2f37d4f-5] 5,0 ^5,1 ^5,2 https://www.eltiempo.com/colombia/cali/freddy-rincon-exfutbolista-muere-tras-accidente-en-cali-664796

[6] Бывший игрок сборной Колумбии освобождён из-под стражи — sports.ru

[7] «Бывший футболист «Реала» Фредди Ринкон объявлен в международный розыск». championat.com. Վերցված է 30.4.2015-ին.

[1]

[2]

[3]

[4]

[5]

[6]

[7]