Պողոս առաքյալի երկրորդ նամակը թեսաղոնիկեցիներին
Պողոս Առաքյալի երկրորդ նամակը թեսաղոնիկեցիներին (Բ Թուղթ առ Թեսաղոնիկեցիս), Նոր Կտակարանի մաս կազմող գիրք, Պողոս առաքյալի նամակներից մեկը, երկրորդը՝ ուղղված թեսաղոնիկեի քրիստոնյաներին։
Գրության թվականը և վայրը
խմբագրելԳրվել է Կորնթոսում՝ կամ 51-54 թվականների միջև։
Նամակի բովանդակությունը
խմբագրելՔրիստոսի երկրորդ գալուստի շուրջ ստեղծված տարակարծությունները շարունակում էին շփոթություն ստեղծել Թեսաղոնիկեի եկեղեցու հավատացյալների շրջանում։ Պողոսը նրանց ուղղված իր երկրորդ նամակով քննարկում է ոմանց այն տարաձայնությունները, թե Քրիստոսի գալուստն արդեն իսկ հասել է։ Առաքյալը հստակ կերպով պարզաբանում է, որ նախքան Քրիստոսի երկրորդ գալուստը չարը և անօրենությունը կհասնեն ծայրագույն վիճակի՝ «Անօրենության մարմնացումը» կոչված խորհրդավոր մի անձնավորության առաջնորդության ներքո, որը հակառակվելու է Քրիստոսին։ Առաքյալն անհրաժեշտ է համարում, որ ընթերցողները, հակառակ խռովություններին և չարչարանքներին, իրենց հավատի մեջ մնան ուղիղ և հաստատուն, չդադարեն իրենց աշխատանքից և ծուլություն չանեն, այլ իրենց ճակատի քրտինքով վաստակեն իրենց ապրուստը, ինչպես որ անում է ինքը, նվիրվեն աղոթքի և հարատևեն բարիք գործելու մեջ։ Այլ խոսքով՝ հավատը պատրվակ չդարձնեն՝ փախչելու համար այն պատասխանատվություններից, որ Աստված տվել է ամենօրյա կյանքի համար։
Նամակի կառուցվածքը
խմբագրել- Ողջույն (1.1-2)
- Գոհություն և գովասանք (1.3-12)
- Ցուցումներ Քրիստոսի երկրորդ գալուստի մասին (2.1-17)
- Քրիստոնեավայել կյանքի թելադրանքներ (3.1-15)
- Վերջաբան (3.16-18)
Աղբյուրներ
խմբագրել
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |