BioShock
Bioshock-ը (հայերեն՝ Բիոշոկ) շութեր առաջին դեմքից ժանրի համակարգչային խաղ է, որ թողարկվել է 2K Boston (հետագայում անվանափոխվել է Irrational Games-ի) ու 2K Australia-ի կողմից և հրատարակվել է 2K Games ընկերության կողմից[7][8]։ 2007 թվականի օգոստոսին խաղը թողարկվել է Microsoft Windows և Xbox 360 պլատֆորմների համար։ 2008 թվականի հոկտեմբերին Irrational, 2K Marin, 2K Australia և Digital Extremes ընկերությունների շնորհիվ նաև թողարկվել է Playstation 3-ի համար նախատեսված խաղի տարբերակը։ 2009 թվականի հոկտեմբերին Feral Interactive ընկերության կողմից թողարկվել է նաև Mac OS X օպերացիոն համակարգի համար, իսկ խաղի մոբայլ տարբերակը թողարկվել է IG Fun-ի կողմից[9]։ Խաղի գաղափարը ստեղծել է Irrational-ի ստեղծագործական խմբի ղեկավար` [[Կեն Լևին]]ը, ով ոգեշնչվել է Այն Ռենդի Օբյեկտիվիզմ գաղափարից, ինչպես նաև այնպիսի հայտնի գրողներից, ինչպիսին է Զորջ Օրվելը։ Bioshock-ը համարվում է «System Shock» սերիաների շարքի հոգևոր իրավահաջորդը, որի վրա նախկինում աշխատել է Irrational-ի թիմը, այդ թվում նաև Կեն Լևինը[10][11]։
Bioshock-ի դեպքերը տեղի են ունենում 1960 թվականին։ Խաղացողը կառավարում է խաղի գլխավոր հերոս` Ջեքին, ով ինքնաթիռի վթարից հետո գոյատևում է և հայտնվում բաթիսֆերայի կայարանում, որը տանում է ստորջրյա քաղաք` «Rapture» (հայերեն՝ «Հիացմունք»)։ Քաղաքը կառուցել է Էնդրյու Ռայանը ով պատկերացնում էր քաղաք, որպես մեկուսացված ուտոպիա, սակայն ԱԴԱՄ-ի բացահայտումը (գենետիկ նյութ, որ մարդկանց գերմարդկային ուժեր է տալիս) կործանում է ամեն ինչ։ Ջեքը փորձում է փախչել քաղաքից, սպանելով իր ճանապարհին հայտնված թշնամիներին և հանրահայտ Big Daddie-ներին (հայերեն՝ Մեծ Հայրիկներ)։ Խաղի ընթացքում Ջեքը հանդիպում է միայն մի քանի ողջամիտ մարդկանց, որոնց շնորհիվ էլ բացահայտում է «Հիացմունք»-ի անցյալը։ Խաղացողը թշնամիներին սպանելու համար կարող է օգտագործել զենքեր, պլազմիդներ (հերոսին գերմարդկային ուժեր են տալիս) և նույնիսկ քաղաքը պաշտպանող ռոբոտներին։ Bioshock-ը ներառում է RPG ժանրին բնորոշ էլեմենտներ` խաղացողներին հնարավորություն տալով ընտրել կռվի ոճը, ինչպես նաև բարոյական ընտրություն կատարել (սպանել կամ փրկել խաղի հերոսներին)։ Խաղը ունի Բիոփանկ ժանրին բնորոշ թեմա` ներառելով նաև Survival horror ժանրի կոնցեպտներ։
Bioshock-ը հանրության կողմից լավ է ընդունվել։ Հատկապես բարձր է գնահատվել քննադատների կողմից իր` բարոյականության վրա հիմնված սյուժեի և առանձնահատուկ աշխարհի համար։ Այն համարվել է բոլոր ժամանակների լավագույն խաղերից մեկը և նույնիսկ համակարգչային խաղ` որպես արվեստի տեսակի դրսևորում։ Այն ստացել է մի քանի «Տարվա Լավագույն Խաղ» մրցանակ` հայտնի լրատվամիջոցների կողմից, որոնց շարքում են` BAFTA-ն[12], Game Informer-ը[13], Spike TV-ին[14] և X-Play-ը[15]։ Խաղի թողարկումից հետո դուրս է եկել նրա սիկվելը` Bioshock 2-ը (2K Marin-ի կողմից), ինչպես նաև սերիաների շարքի երրորդ խաղը`BioShock Infinite վերնագրով (Irrational Games ընկերության կողմից)։ 2016 թվականի սեպտեմբերի 13-ին թողարկվել է խաղի Remastered (հայերեն՝ բարելավված) տարբերակը BioShock: The Collection անունով, որն իր մեջ նաև ներառում է BioShock 2 and BioShock Infinite-ը։ Այն հասանելի է Microsoft Windows, PlayStation 4 և Xbox One պլատֆորմների համար։
Ծանոթագրություններ
խմբագրել- ↑ 1,0 1,1 Steam — 2003.
- ↑ Humble Store
- ↑ All PS Now games A-Z: Browse the full list of games available to play with your PS Now membership
- ↑ https://web.archive.org/web/20100303012540/http://www.gamebanshee.com/reviews/96980-bioshock-2.html
- ↑ http://www.pegi.info/es/index/global_id/505/?searchString=BioShock
- ↑ PEGI Pan European Game Information - Advanced Search
- ↑ «13 Scariest Games of this Generation». IGN. 2008 թ․ հոկտեմբերի 29.
- ↑ «The Return Of Irrational Games». Game Informer. 2010 թ․ հունվարի 8. Արխիվացված է օրիգինալից 2017-09-22-ին. Վերցված է 2010 թ․ հունվարի 20-ին.
- ↑ «Mobile Gamers: Welcome to Rapture – IG FUN TO BRING THE AWARD WINNING "BIOSHOCK" TO MOBILE» (Press release). IG Fun. 2008 թ․ փետրվարի 11. Արխիվացված է օրիգինալից 2012 թ․ ապրիլի 3-ին. Վերցված է 2011 թ․ սեպտեմբերի 23-ին.
- ↑ Kuo, Li C. (2006 թ․ մայիսի 10). «GameSpy: BioShock Preview». Gamespy. Վերցված է 2007 թ․ նոյեմբերի 4-ին.
- ↑ «IGN BioShock Interview». IGN. 2004 թ․ հոկտեմբերի 4. Արխիվացված է օրիգինալից 2009 թ․ մարտի 15-ին. Վերցված է 2007 թ․ հոկտեմբերի 7-ին.
- ↑ Sliwinski, Alex (2007 թ․ հոկտեմբերի 24). «Bioshock wins BAFTA game of the year». Joystiq. Վերցված է 2014 թ․ հունիսի 18-ին.
- ↑ «Bioshock is Game Informers Game of the Year». Gamespot. Վերցված է 2014 թ․ հունիսի 18-ին.
- ↑ «Video Game Awards». videogamesblogger.com. Վերցված է 2014 թ․ հունիսի 18-ին.
- ↑ «X Play awards Bioshock with Game of the Year». Kotaku. Արխիվացված է օրիգինալից 2015 թ․ օգոստոսի 30-ին. Վերցված է 2014 թ․ հունիսի 18-ին.
 | Վիքիպահեստն ունի նյութեր, որոնք վերաբերում են «BioShock» հոդվածին։ |