KAIST
KAIST (կորեերեն՝ 한국과학기술원; Korea advanced Institute of Science and Technology), Կորեայի առաջատար տեխնոլոգիաների ինստիտուտ, Հարավային Կորեայի առաջատար ուսումնական և հետազոտական համալսարան, որը գտնվում է Դեջոնում։ Հիմնադրվել է Կորեայի կառավարության կողմից 1971 թվականին՝ որպես առաջին ազգային գիտական, հետազոտական և տեխնիկական ինստիտուտ։ 2019 թվականին KAIST-ը աշխարհի առաջատար համալսարանների վարկանիշում (en:QS World University Rankings) զբաղեցրել է 40-րդ հորիզոնականը։
KAIST կորեերեն՝ 한국과학기술원 | |
|---|---|
 | |
 | |
| Տեսակ | հանրային հետազոտությունների համալսարան, Institute of Science and Technology? և ազատ հասանելիության հրատարակություն |
| Հիմնադրված է | փետրվարի 16, 1971 |
| Անդամակցություն | Association of Pacific Rim Universities?[1] և KESLI Consortium?[2] |
| Երկիր |  Հարավային Կորեա[3] |
| Տեղագրություն | Դեջոն |
| Կայք | kaist.ac.kr(կոր.) |
  KAIST, Հարավային Կորեա | |
 KAIST Վիքիպահեստում | |
1971 թվականից KAIST-ը ֆինանսավորվում է պետության կողմից։ Ի սկզբանե հաստատությունը հագեցած էր զգալի թվով տաղանդավոր ինժեներներով և գիտնականներով, ովքեր կրթություն են ստացել ԱՄՆ-ում։ Ի սկզբանե շեշտը դրվել է տեսական և կիրառական հետազոտությունների վրա։ Այժմ KAIST-ը Հարավային Կորեայում ռազմավարական հետազոտական նախագծերի գլխավոր կենտրոնն է։ Համալսարանի շուրջ 400 դասախոսներ հետազոտություններ են իրականացնում՝ համագործակցելով կրթական և արդյունաբերական կազմակերպությունների հետ ամբողջ աշխարհից։ KAIST-ն առաջարկում է կրթաթոշակ և աջակցություն միջազգային ուսանողներին։
Համալսարանը պարբերաբար վարձում է օտարերկրյա դասախոսների։ KAIST-ի նախկին նախագահ Սո Նամպեն տարիներ շարունակ դասավանդել է Մասաչուսեթսի տեխնոլոգիական ինստիտուտում։ Նրա նախորդը՝ Ռոբերտ Լաֆլինը, Նոբելյան մրցանակի դափնեկիր և Սթենֆորդի համալսարանի ֆիզիկայի պրոֆեսոր, առաջին օտարերկրացին էր, ով ղեկավարում էր Կորեայի համալսարանը։ Դասախոսների մեծ մասը եկել են ԱՄՆ-ի բուհերից։ KAIST-ը մասնակցում է բազմաթիվ միջազգային ծրագրերի՝ եվրոպական և ասիական նշանավոր համալսարանների հետ հավասար։ Մասնավորապես, այն ընդգրկված է LAOTSE-ում և AAA RU-ում (Արևելյան Ասիայի հետազոտական համալսարանների ասոցիացիա)։
Ծանոթագրություններ
խմբագրելԱրտաքին հղումներ
խմբագրել- KAIST Արխիվացված 2020-01-18 Wayback Machine, официальный сайт на английском
- KAIST, официальный сайт на корейском
- Daedeok InnopolisԱրխիվացված 2010-12-23 Wayback Machine
- KAIST Business School, Facebook Group
- «KAIST Computer Science Department». Արխիվացված է օրիգինալից 2017 թ․ սեպտեմբերի 6-ին., Facebook Group, Twitter
- Topuniversities.com
 | Վիքիպահեստն ունի նյութեր, որոնք վերաբերում են «KAIST» հոդվածին։ |