Ուպսալա-DLR աստերոիդների հետազոտություն

Ուպսալա-DLR աստերոիդների հետազոտություն (անգլ.՝ Uppsala-DLR Asteroid Survey, UDAS), աստղագիտական հետազոտությունների ծրագիր, որն անց էր կացվում 1999-ի սեպտեմբերից մինչև 2005 թվականը։ Հետազտության հիմնական նպատակն է աստերոիդների և գիսաստղերի որոնում և հետազոտություններ, հատուկ ուշադրություն դարձնելով Երկրին մոտեցող աստերոիդների վրա։ Ծրագիրը իրականացվում էր Կվիստաբերգի աստղադիտարանում, որը հանդիսանում է Ուպսալայի աստղադիտարանի (UAO) մասնաճյուղ, և Գերմանական ավիա-տիեզերական կենտրոնի (Deutschen Zentrum für Luft- und Raumfahrt, DLR) հետ համատեղ։

Ուպսալա-DLR աստերոիդների հետազոտություն
Տեսակ	աստղագիտական հետազոտություն
Հապավում	UDAS
Հիմնադրված	1999
Նպատակներ	Երկրին մոտ աստերոիդների որոնում և քարտեզագրում
Գլխադասային գրասենյակ	Ուպսալայի աստղադիտարան, Գերմանական ավիա-տիեզերական կենտրոն

Հետազոտությունների ծրագիրը շարունակում է ODAS ծրագրի աշխատանքը, որը ավարտվել էր ֆինանսական միջոցների բացակայության պատճառով։

UDAS-ից մի քանի տարի առաջ նույն աստղադիտարանում կատարվել է մեկ այլ հետազոտություն Ուպսալա-DLR տրոյացիների հետազոտություն (UDTS):

Կիրառվող գործիքներ

• Շմիդտի աստղադիտակ (D = 100/135 սմ, F = 300 սմ)

Հետազոտությունների ուղղություններ

• Նոր աստերոիդների և գիսաստղերի որոնում
• Աստերոիդների և գիսաստղերի աստղաչափական հետազոտություններ

Հիմնական նվաճումներ

• Հայտնաբերվել է 209 աստերոիդ 1999-ից 2005 թվականները։
• Հրապարակվել են 38754 աստղաչափական դիտարկումների տվյալներ։
• Մերձերկրյա 2001 FX9 աստերոիդի հայտնաբերում։

Արտաքին հղումներ

• Հետազոտության պաշտոնական էջ Արխիվացված 2009-06-22 Wayback Machine