Ագուստին Լարա
Ագուստին Լարա (իսպ.՝ Agustín Lara, ի ծնե անունը՝ Ángel Agustín María Carlos Fausto Mariano Alfonso del Sagrado Corazón de Jesús Lara y Aguirre del Pino, ծնվել է 1900 թվականի հոկտեմբերի 1-ին Վերակրուս նահանգի Տլակոտալպան քաղաքում, մահացել է Մեխիկոյում 1970 թվականի նոյեմբերի 6-ին), մեքսիկացի կոմպոզիտոր, երգահան, դերասան, երգիչ, պրոդյուսեր։
| Ագուստին Լարա | |
|---|---|
 | |
| Բնօրինակ անուն | իսպ.՝ Agustín Lara |
| Ի ծնե անուն | Ángel Agustín María Carlos Fausto Mariano Alfonso del Sagrado Corazón de Jesús Lara y Aguirre del Pino |
| Ծնվել է | 1900 հոկտեմբերի 1 Մեխիկո, Մեքսիկայի Միացյալ Նահանգներ |
| Երկիր |  Մեքսիկայի Միացյալ Նահանգներ |
| Մահացել է | նոյեմբերի 6, 1970 (տարիքը 70) Մեխիկո, Մեքսիկայի Միացյալ Նահանգներ |
| Ժանրեր | Բոլերո |
| Մասնագիտություն | կոմպոզիտոր, երգիչ, դերասան, երգերի հեղինակ և կինոդերասան |
| Գործիքներ | վոկալ |
| Ամուսին | Մարիա Ֆելիքս |
| Պարգևներ | |
 Agustín Lara Վիքիպահեստում | |
Կենսագրություն
խմբագրելԱռաջին երաժշտական ստեղծագործությունը՝ «Marucha»-ն, գրել է իր առաջին սիրո պատվին։ 1927 թվականից աշխատել է կաբարեում։ Արդյունքում տեղափոխվել է Պուեբլա դե Սարագոսա, բայց 1928 թվականին վերադարձել է Մեխիկո։ Նույն թվականին սկսել է աշխատել որպես կոմպոզիտոր և նվագակցել է երգիչ Խուան Արվիզուին։
1930 թվականի սեպտեմբերին Լարան սկսել է հաջողակ կարիերա ռադիոյով։ 1933 թվականին կատարել է իր առաջին համերգային շրջագայությունը Կուբայում, ինչը կղզու քաղաքական իրադարձությունների պատճառով ձախողվեց։ Հետո հաջողությամբ ելույթ է ունեցել Հարավային Ամերիկայի շատ քաղաքներում։
Լարան գրել է ավելի քան 700 երգ։ Երաժշտական ստեղծագործությունների և ֆիլմերի երգերի հեղինակ է։ Գրել է երաժշտություն ավելի քան 15 ֆիլմի համար։ Որպես դերասան՝ նկարահանվել է 27 կինոժապավեններում։
Նա գրել է այնպիսի հանրաճանաչ երգեր, ինչպիսիք են, «Solamente una vez»-ը (գրված Բուենոս Այրեսում), «Veracruz»-ը, «Tropicana»-ն և «Pecadora»-ն, որոնք էլ նրան դարձրել են հանրաճանաչ ոչ միայն Հարավային Ամերիկայում, այլ նաև Իսպանիայում։
1965 թվականին միապետ Ֆրանցիսկո Ֆրանկոն, որը սիրում էր Գրանադա երգը (1932)[1], տվել է կոմպոզիտորին Իսպանիայի քաղաքացիություն և կացարան է նվիրել Գրանադայում, որպեսզի յադ ձևով ցույց տա իր երախտագիտությունն Իսպանիայի մասին մի շարք երգերի համար, ինչպիսիք են «Toledo»-ն, «Cuerdas de mi Guitarra»-ն, «Granada»-ն, «Sevilla»-ն և «Madrid»-ը։
Ծանոթագրություններ
խմբագրել- ↑ Сам автор песни впервые побывал в Гранаде лишь через 32 года после её написания.
Արտաքին հղումներ
խմբագրել- Ագուստին Լարա Արխիվացված 2015-04-02 Wayback Machine
- Ագուստին Լարայի առաջին «Մտածիր իմ մասին» (Piensa en mí) երգի առաջին ձայնագրությունը
 | Վիքիպահեստն ունի նյութեր, որոնք վերաբերում են «Ագուստին Լարա» հոդվածին։ |