Արայիկ Գևորգյան
- Վիքիպեդիայում կան հոդվածներ Գևորգյան ազգանունով այլ մարդկանց մասին։
Արայիկ (Արա) Հրաչի Գևորգյան (հունվարի 22, 1973, Քաղցրաշեն, Արտաշատի շրջան, Հայկական ԽՍՀ, ԽՍՀՄ), խորհրդային և հայ ազատ ոճի ըմբիշ, Հայաստանի բազմակի չեմպիոն, Եվրոպայի չեմպիոն (1997), աշխարհի եռակի չեմպիոն (1995, 1997, 1998), ԽՍՀՄ միջազգային կարգի սպորտի վարպետ (1991), Հայաստանի սպորտի վաստակավոր վարպետ (1995)։
| Արայիկ Գևորգյան | ||
|---|---|---|
| Անձնական տեղեկություն | ||
| Սեռ՝ | արական | |
| Մասնագիտացում՝ | ըմբիշ | |
| Երկիր՝ |  Հայաստան | |
| Ծննդյան ամսաթիվ՝ | հունվարի 22, 1973 (51 տարեկան) | |
| Ծննդավայր՝ | Քաղցրաշեն, Արտաշատի շրջան, Հայկական ԽՍՀ, ԽՍՀՄ | |
| Հասակ՝ | 165 սանտիմետր | |
Պարգևներ  | ||
| Մեդալները | ||
|---|---|---|
| Տղամարդկանց ազատ ոճի ըմբշամարտ | ||
| Ներկայացնում էր՝ Հայաստան
| ||
| Աշխարհի առաջնություն | ||
| Ոսկի | Ատլանտա 1995 | 68 կգ |
| Ոսկի | Կրասնոյարսկ 1997 | 69 կգ |
| Ոսկի | Թեհրան 1998 | 69 կգ |
| Եվրոպայի առաջնություն | ||
| Արծաթ | Ստանբուլ 1993 | 68 կգ |
| Արծաթ | Հռոմ 1994 | 68 կգ |
| Բրոնզ | Ֆրիբուրգ 1995 | 68 կգ |
| Արծաթ | Բուդապեշտ 1996 | 68 կգ |
| Ոսկի | Վարշավա 1997 | 69 կգ |
| Արծաթ | Բրատիսլավա 1998 | 76 կգ |
Կենսագրություն
խմբագրելԱրայիկ Գևորգյանը ծնվել է 1973 թվականի հունվարի 22-ին ՀԽՍՀ Արտաշատի շրջանի Քաղրաշեն գյուղում[1]։ Ըմբշամարտով սկսել է զբաղվել 1984 թվականին՝ Ռազմիկ Գոլեցյանի ղեկավարությամբ։ 1980-1990-ական թվականների սահմանագծին եղել է ԽՍՀՄ պատանեկան հավաքականի անդամ, 1991 թվականին մինչև 18 տարիքային խմբում դարձել է Եվրոպայի չեմպիոն։ 1992 թվականին եղել է Հայաստանի երիտասարդական հավաքականի անդամ, 1993 թվականից՝ Հայաստանի ազգային հավաքականի անդամ։ Արայիկ Գևորգյանն առավել հաջող է հանդես եկել 1990-ական թվականների երկրորդ կեսին։ 1995, 1997 և 1998 թվականներին նա երեք անգամ նվաճել է աշխարհի չեմպիոնի տիտղոսը, իսկ 1997 թվականին հաղթեց նաև Եվրոպայի առաջնությունում։ Այդ հաջողությունների շնորհիվ նա համարվում էր Ատլանտայի և Սիդնեյի Օլիմպիական խաղերի առաջատարներից մեկը, սակայն այդ մրցություններում չկարողացավ մրցանակային տեղ զբաղեցնել։
2001 թվականից տեղափոխվել է ավելի ծանր քաշային կարգ և բարձր արդյունքների չհասնելով՝ Աթենքի Օլիմպիական խաղերին մասնակցելուց հետո ավարտել է իր միջազգային մարզական կարիերան։ 2005-2008 թվականներին հանդես է եկել գերմանական ըմբշամարտի բունդեսլիգայի «Aalen 05» և «Witten 07» ակումբների կողմից։
Ծանոթագրություններ
խմբագրելԱրտաքին հղումներ
խմբագրել- http://www.fila-official.com/index.php?option=com_database&act=ficheLutteur&Itemid=&id_lutteur=91C90D92614049F380DC251D9DA713A1&filtre_pays=&lettre=G&recherche_lutteur=&lang=en Արխիվացված 2013-01-23 archive.today
- http://www.sports-reference.com/olympics/athletes/ge/arayik-gevorgyan-1.html Արխիվացված 2012-11-10 Wayback Machine
- http://www.ksv-koellerbach.de/popup_sv_club_fighter_details.php?fighter_id=677 Արխիվացված 2013-02-11 archive.today