Արմեն Փամբուխչյան
- Վիքիպեդիայում կան հոդվածներ Փամբուխչյան ազգանունով այլ մարդկանց մասին։
Արմեն Սոկրատի Փամբուխչյան (նոյեմբերի 26, 1984, Երևան, Հայկական ԽՍՀ, ԽՍՀՄ), հայ իրավագետ, քաղաքական գործիչ, Քաղաքացիական պայմանագիր կուսակցության հիմնադիր անդամ, ՀՀ ԱԺ 7-րդ գումարման պատգամավոր[1], ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի փոխնախագահ։ ՀՀ արտակարգ իրավիճակների նախկին նախարար։ Երևանի ավագանու «Քաղաքացիական պայմանագիր» խմբակցության անդամ, Երևանի քաղաքապետի առաջին տեղակալ։
| Արմեն Փամբուխչյան | ||||
| ||||
| ||||
|---|---|---|---|---|
| 2019 հունվարի 10-ից - 2020 սեպտեմբերի 24 | ||||
| ||||
| 2018 հունիսի 6 - 2019 հունվարի 10 | ||||
| ||||
| 2020 - 2022 | ||||
| ||||
| 12.04.2022 - 30.06.2023 | ||||
| ||||
| 10.10.2023-ից | ||||
| ||||
| 26.10.2023-ից | ||||
| Կուսակցություն՝ | Քաղաքացիական պայմանագիր | |||
| Մասնագիտություն՝ | իրավաբան, իրավագետ և քաղաքական գործիչ | |||
| Ծննդյան օր | նոյեմբերի 26, 1984 (39 տարեկան) | |||
| Ծննդավայր | Երևան, Հայկական ԽՍՀ, ԽՍՀՄ | |||
| Քաղաքացիություն |  Հայաստան
| |||
Կրթություն
խմբագրել2001 - 2006 թվականներին սովորել է Երևանի «Հրաչյա Աճառյան» համալսարանի իրավաբանական ֆակուլտետում՝ ստանալով իրավագետի որակավորում[2]։
2002-2004 թվականներին ծառայել է ՀՀ Զինված Ուժերում։
Աշխատանքային գործունեություն
խմբագրել2017 թվականին նշանակվել է «Անելիք բանկ»-ի խնդրահարույց ակտիվների կառավարման վարչության ղեկավար։ 2018 թվականի հունիսի 6-ին ՀՀ վարչապետ Նիկոլ Փաշինյանի որոշմամբ նշանակվել է ՀՀ տրանսպորտի, կապի և տեղեկատվական տեխնոլոգիաների նախարարի տեղակալ[3][4]։ Նույն թվականի հոկտեմբերի 15-ին նշանակվել է տրանսպորտի, կապի և տեղեկատվական տեխնոլոգիաների նախարարի առաջին տեղակալ։
2018 թվականի դեկտեմբերի 9-ին կայացած Ազգային Ժողովի ընտրություններում պատգամավոր է ընտրվել «Իմ քայլը» դաշինքի համապետական ցուցակով[5]։ 2020 թվականի սեպտեմբերի 17-ին վայր է դրել պատգամավորական մանդատը։
2020 թվականի սեպտեմբերի 24-ին նշանակվել է արտակարգ իրավիճակների նախարարի տեղակալ։ Նույն թվականի դեկտեմբերի 28-ին նշանակվել է արտակարգ իրավիճակների նախարարի առաջին տեղակալ։
2022 թվականի ապրիլի 12-ին նշանակվել է ՀՀ արտակարգ իրավիճակների նախարար։
2023 թվականի հունիսի 30-ին ազատվել է ՀՀ արտակարգ իրավիճակների նախարարի պաշտոնից, նախարարության լուծարման կապակցությամբ։
2023 թվականի սեպտեմբերի 17-ին Երևանի ավագանու ընտրություններում ղեկավարել է Քաղաքացիական պայմանագիր կուսակցության նախընտրական շտաբը։
2023 թվականի սեպտեմբերի 17-ին կայացած Երևանի ավագանու ընտրություններում Քաղաքացիական պայմանագիր կուսակցության համամասնական ցուցակով ընտրվել է Երևանի ավագանու անդամ։
2023 թվականի հոկտեմբերի 26-ի Երևան քաղաքի ավագանու արտահերթ նիստում նշանակվել է Երևանի քաղաքապետի առաջին տեղակալ։
Կուսակցական գործունեություն
խմբագրել2019 թվականի հունիսի 16-ին տեղի ունեցած «Քաղաքացիական պայմանագիր» կուսակցության 5-րդ համագումարի ժամանակ ընտրվել է ՔՊ վարչության անդամ[6][7][8][9][10][11]։
Ընտանիք
խմբագրելԱմուսնացած է, ունի մեկ դուստր։
Ծանոթագրություններ
խմբագրել- ↑ «ԿԸՀ-ն հաստատեց ԱԺ պատգամավորների անվանացանկը․ ովքեր են լինելու «Իմ քայլը» խմբակցության պատգամավորները».
- ↑ «Արմեն Փամբուխչյանի կենսագրությունը ՀՀ ՏԿՏՏ նախարարության կայքում».
- ↑ «Արմեն Փամբուխչյանը նշանակվել է ՏԿՏՏ նախարարի առաջին տեղակալ».
- ↑ «Արմեն Փամբուխչյանը նշանակվել է ՀՀ տրանսպորտի, կապի և ՏՏ նախարարի առաջին տեղակալ». Արխիվացված է օրիգինալից 2018 թ․ հոկտեմբերի 18-ին. Վերցված է 2019 թ․ հունվարի 4-ին.
- ↑ «ԿԸՀ-ն ամփոփեց մանդատ ստացած և մանդատից հրաժարված անձանց ցուցակները, որոշեց ԱԺ առաջին նիստի օրը».
- ↑ ««Քաղաքացիական պայմանագիր» կուսակցության 3-րդ վարչության կազմը․». Արխիվացված է օրիգինալից 2019 թ․ հունիսի 17-ին. Վերցված է 2019 թ․ հունիսի 17-ին.
- ↑ Ովքե՞ր են ՔՊ-ի վարչության նոր կազմի անդամները. նրանք նիստ են հրավիրել, վարչության նախագահ են ընտրում
- ↑ «Քաղաքացիական պայմանագիր» կուսակցության վարչության նոր կազմը՝ նախնական տեղեկություններով
- ↑ ՔՊ վարչության նոր կազմը հայտնի է. անուններ
- ↑ «Ընտրության արդյունքները.ՔՊ վարչության նորընտիր անդամներն են․». Արխիվացված է օրիգինալից 2019 թ․ հունիսի 16-ին. Վերցված է 2019 թ․ հունիսի 16-ին.
- ↑ ՔՊ վարչության նախագահ ընտրվեց Սուրեն Պապիկյանը