Արտյոմ Հովհաննիսյան
Արտյոմ « Արտ » Հովհաննիսյան (ծնվ. 1981թ. նոյեմբերի 16, Գյումրի, Հայաստան), հայ նախկին պրոֆեսիոնալ բռնցքամարտիկ, ով հանդես է եկել երկրորդ թեթևագույն քաշային կարգում։
| Արտյոմ Հովհաննիսյան | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | բռնցքամարտիկ |
| Երկիր՝ |  Հայաստան |
| Ծննդյան ամսաթիվ՝ | նոյեմբերի 16, 1981 (43 տարեկան) |
| Ծննդավայր՝ | Լենինական, Հայկական ԽՍՀ, ԽՍՀՄ |
| Հասակ՝ | 170 սանտիմետր |
Սիրողական կարիերա
խմբագրելՀովհաննիսյանը սիրողական բռնցքամարտով սկսել է զբաղվել 13 տարեկանից։ Նա եղել է բռնցքամարտի ասպարեզում միջազգային ճանաչում ունեցող մարզիչ Վարուժան Դավթյանի սանը։ Նա թեթեւ քաշային կարգում չորս անգամ նվաճել էՀայաստանի չեմպիոնի տիտղոսը։
Արտը մեծ փորձ է ձեռք բերել աշխարհի և Եվրոպայի առաջնություններում և միջազգային մրցաշարերում։ Նա մենամարտել է Չինաստանում, Իրանում, Չեխոսլովակիայում, Խորվաթիայում, Ֆրանսիայում, Ուկրաինայում և շատ այլ երկրներում, անց է կացրել ավելի քան 175 սիրողական մենամարտ, որոնցից միայն 12-ում է պարտվել։
Պրոֆեսիոնալ կարիերա
խմբագրելԱրտյոմը 2007 թվականին տեղափոխվել է ԱՄՆ և մարզվել Glendale Fighting Club-ում Էդմոնդ Թարվերդյանի ղեկավարությամբ։ Պրոֆեսիոնալ ռինգում իր նորամուտը նա նշել է 2006 թվականին։ Առաջին երեք պրոֆեսիոնալ մենամարտերն անցկացրել է Ֆրանսիայում՝ երկու անգամ հաղթելով և մեկ անգամ ոչ-ոքի անելով տեղի բռնցքամարտիկների հետ։
2011 թվականի օգոստոսի 5-ին Արտը մենամարտեց IBF-ի թեթևագույն քաշային կարգում աշխարհի նախկին չեմպիոն Քրիստոբալ Կրուսի հետ։ Նախատեսված 10 ռաունդանոց մենամարտն ավարտվել է 4-րդ ռաունդում տեխնիկական ոչ-ոքիով, երբ գլխի պատահական բախումից Կրուսի աչքին կտրվածք է առաջացել[1]։
2012 թվականի հուլիսի 20-ին Արտը մրցեց թեթև քաշային կարգում WBA- ի նախկին չեմպիոն Միգել Ակոստայի հետ։ Հովհաննիսյանը մենամարտը լավ սկսեց. հենց 1-ին ռաունդում նախկին չեմպիոնը հայտնվեց հատակին։ 5-րդ ռաունդում Ակոստան նրան փոխհատուցեց՝ նույնպես ենթարկելով նոկդաունի։ Հիանալի հանդիպումում Հովհաննիսյանը հաղթանակ կորզեց մրցավարների ոչ միասնական որոշմամբ (95-93, 92-96, 95-93)[2]։ Պրոֆեսիոնալ ռինգում նա ընդհանուր առմամբ տարել է 18 հաղթանակ, որոնցից 10-ը՝ նոկաուտով, կրել է 4 պարտություն և 3 մրցամարտ ավարտել է ոչ-ոքի արդյունքով[3]։
Ծանոթագրություններ
խմբագրել- ↑ «Արխիվացված պատճենը» (անգլերեն). hyefighters.com. Արխիվացված է օրիգինալից 2022 թ․ դեկտեմբերի 9-ին. Վերցված է 2023 թ․ օգոստոսի 5-ին.
- ↑ «Արխիվացված պատճենը» (անգլերեն). fightnews.com. Արխիվացված է օրիգինալից 2013 թ․ ապրիլի 25-ին. Վերցված է 2023 թ․ օգոստոսի 5-ին.
- ↑ «Art Hovhannisyan's Professional Boxing Record – BoxRec.com». Արխիվացված է օրիգինալից 2015 թ․ մարտի 16-ին. Վերցված է 2012 թ․ հունվարի 13-ին.
Արտաքին հղումներ
խմբագրել- Պաշտոնական կայք՝ ArtyomBoxing.com
- Մարզասրահ՝ Glendale Fighting Club
- Ակցիա. Lights Out Promotions Արխիվացված 2023-02-04 Wayback Machine
- Gary Shaw Promotions Արխիվացված 2020-01-31 Wayback Machine
- Ասոցիացիա՝ HyeFighters Արխիվացված 2011-12-19 Wayback Machine