Գուրու Դատ

Գուրու Դատ; անգլ.՝ Guru Dutt
Ծնվել է	հուլիսի 9, 1925
Ծննդավայր	Բանդալոր, Մայսուրի թագավորություն, Բրիտանական Հնդկաստան, Բրիտանական կայսրություն
Մահացել է	հոկտեմբերի 10, 1964 (39 տարեկան)
Մահվան վայր	Մումբայ, Հնդկաստան
Կրթություն	Hare School?
Քաղաքացիություն	Բրիտանական Հնդկաստան, Հնդկաստան և Հնդկաստանի տիրապետություն
Մասնագիտություն	կինոդերասան, կինոռեժիսոր, կինոպրոդյուսեր, պարուսույց, սցենարիստ և մոնտաժող
Ամուսին(ներ)	Գիտա Ռուտ

Գուրու Դատ (հինդի` गुरु दत्त, իրական անունը` Վասանթ Կումար Շիվաշանկար Պադուկոն, հուլիսի 9, 1925(1925-07-09)^[1], Բանդալոր, Մայսուրի թագավորություն, Բրիտանական Հնդկաստան, Բրիտանական կայսրություն^[2] - հոկտեմբերի 10, 1964(1964-10-10)^[1], Մումբայ, Հնդկաստան^[2]), հնդիկ ռեժիսոր, դերասան, պրոդյուսեր և սցենարիստ։ Նրա ֆիլմերից շատերը հնդկական կինոյի դասական նմուշներ են։ Արժանացել է Filmfare Awards մրցանակի՝ լավագույն ֆիլմի և տղամարդու լավագույն դերի համար։ Համարվում է հնդկական կինոյի մեծագույն ռեժիսորներից մեկը։

Կենսագրություն

Գուրու Դատը ծնվել է Բանգալորում։ Նրա հայրը բանկի աշխատակից էր, իսկ մայրը դասավանդում էր դպրոցում, տալիս էր մասնավոր դասեր, գրում պատմվածքներ և վեպեր էր թարգմանում բենգալերենից կաննադա լեզվով։ Գուրու Դատն ուներ երեք կրտսեր եղբայր և մեկ քույր։ Մանուկ տարիքում ավտովթարի ենթարկվելուց հետո նրան տվել են Գուրու Դատ առավել երջանիկ անունը։

Սկզբնական կրթությունն ստացել է Կալկաթայում, իսկ 1941-1944 թվականներին սովորել է Ուդայ Շանկարի հնդկական մշակույթի կենտրոնում, որտեղ ուսումնասիրել է պարարվեստ։ Որոշ ժամանակ անց, կարճ ժամանակով աշխատել է հեռախոսավար։ 1944 թվականին որպես պարուսույց Գուրու Դատն աշխատել է Prabhat Films ստուդիայում, որտեղ ծանոթացել է դերասաններ Դև Անանդի և Ռեհմանի հետ։ Նրանց ընկերությունը Գուրու Դատին օգնեց՝ հետագայում Բոլիվուդում ստեղծելու իր կարիերան։ 1947 թվականին նա տեղափոխվեց Բոմբեյ և սկսեց աշխատել այն ժամանակվա առաջատար ռեժիսորների հետ։ Գուրու Դատի ստեղծագործական կյանքում շրջադարձային էր Դև Անանդի առաջարկը՝ ֆիլմ նկարել նորաստեղծ Navketan Films կինոստուդիայում։ Նրա ռեժիսորական դեբյուտը 1951 թվականին նկարահանված «Բարձր խաղադրույքներ» կինոնկարն էր՝ Դև Անանդի գլխավոր դերակատարմամբ։ Հետագայում հաջորդեցին «Բազե» (1953 թ.) և «Այնտեղ-այստեղ» (1954 թ.) ֆիլմերը։ Վերջինը հանդիսատեսի կողմից ընդունվեց ջերմությամբ։

Գուրու Դատի հետագա տարիների աշխատանքներից են «Ծարավ» (1957 թ.), «Թղթե ծաղիկներ» (1959 թ.), «Լիալուսին» (1961 թ.), «Տերը, տիրուհին և ծառան» (1962 թ.), «Վստահություն» (1963 թ.) և այլ ֆիլմեր։ Նրա «Ծարավ» և «Թղթե ծաղիկներ» կինոնկարները Time և Sight & Sound ամսագրերի վարկածով՝ մտել են բոլոր ժամանակների 100 լավագույն ֆիլմերի ցանկի մեջ։

Անձնական կյանքը

«Բարձր խաղադրույքներ» ֆիլմի նկարահանումների ժամանակ Գուրու Դատը ծանոթացել էր երգչուհի Գիտա Ռոյի հետ, և 1953 թվականին նրանք ամուսնացել են։ Համատեղ կյանքի ընթացքում ունեցել են երեք երեխա։ Սակայն նրանց ամուսնությունը երջանիկ չէր, և կյանքի վերջին տարիներին Գուրու Դատն ապրում էր կնոջից առանձին։ Գիտա Ռոյը մահացել է 1972 թվականին՝ 41 տարեկանում, լյարդի հիվանդությունից, որն առաջացել էր ալկոհոլը չարաշահելու պատճառով։

Գուրու Դատը ժամանակին սիրավեպ է ունեցել դերասանուհի Վահիդա Ռեհմանի հետ, սակայն նրանց հարաբերությունները դադարեցին, քանի որ Գուրու Դատն ամուսնացած էր։

1964 թվականի հոկտեմբերի 10-ին Բոմբեյի իր վարձակալած բնակարանում 39-ամյա Գուրու Դատին հայտնաբերել են մահացած։ Մահվան պատճառը ալկոհոլի և քնաբերի մեծ քանակությունն էր նրա օրգանիզմում։ Մինչ օրս չի պարզվել՝ դա պատահականություն էր, թե իր կյանքում արդեն իսկ երրորդ ինքնասպանության փորձը։

Ֆիլմագրության ընտրանին

Դերասան

Թվական	Անվանում	Բնօրինակ անվանում	Կերպար
1946	Մենք մենակ ենք	Hum Ek Hain	-
1953	Բազե	Baaz	Ռաջ Կումար Ռավի
1954	Այնտեղ-այստեղ	Aar-Paar	Կալու
1955	Միսթր և միսիս 55	Mr. & Mrs. '55	Պրիտամ Կումար
1957	Ծարավ	Pyaasa	Վիջայ
1958	Կեսգիշերին	12 O'Clock	Աջոյ Կումար
1959	Թղթե ծաղիկներ	Kaagaz Ke Phool	Սուրեշ Սինհա
1961	Լիալուսին	Chaudhvin Ka Chand	Ասլամ
1962	Տերը, տիրուհին և ծառան	Sahib Bibi Aur Ghulam	Ատուլյա Չակրաբորտի
1963	Վստահություն	Bharosa	Բանսի Դաս
1963	Հարսնացուն	Bahurani	Ռագհու Սինգհ
1964	Մայրամուտ և արևածագ	Sanjh Aur Savera	դոկ. Շանկար Չոուդհարի

Ռեժիսոր

Թվական	Անվանում	Բնօրինակ անվանում
1951	Բարձր խաղադրույքներ	Baazi
1952	Կապանքներ	Jaal
1953	Բազե	Baaz
1954	Այնտեղ-այստեղ	Aar-Paar
1955	Միսթր և միսիս 55	Mr. & Mrs. '55
1957	Ծարավ	Pyaasa
1959	Թղթե ծաղիկներ	Kaagaz Ke Phool

Պրոդյուսեր

Թվական	Անվանում	Բնօրինակ անվանում
1954	Այնտեղ-այստեղ	Aar-Paar
1956	Դետեկտիվ	C.I.D.
1957	Ծարավ	Pyaasa
1959	Թղթե ծաղիկներ	Kaagaz Ke Phool
1961	Լիալուսին	Chaudhvin Ka Chand
1962	Տերը, տիրուհին և ծառան	Sahib Bibi Aur Ghulam
1966	Սպասել գարնանը	Baharen Phir Bhi Aayengi

Ծանոթագրություններ

↑ ^1,0 ^1,1 ^1,2 ^1,3 ^1,4 filmportal.de — 2005.
↑ ^2,0 ^2,1 ^2,2 ^2,3 ^2,4 ^2,5 Deutsche Nationalbibliothek Record #124401449 // Gemeinsame Normdatei (գերմ.) — 2012—2016.

Վիքիպահեստն ունի նյութեր, որոնք վերաբերում են «Գուրու Դատ» հոդվածին։

[_ead8a264827dbb40-1] 1,0 ^1,1 ^1,2 ^1,3 ^1,4 filmportal.de — 2005.

[_0eea9671507923ff-2] 2,0 ^2,1 ^2,2 ^2,3 ^2,4 ^2,5 Deutsche Nationalbibliothek Record #124401449 // Gemeinsame Normdatei (գերմ.) — 2012—2016.

[1]

[2]

Գուրու Դատ անգլ.՝ Guru Dutt

Ծնվել է	հուլիսի 9, 1925(1925-07-09)^[1]
Ծննդավայր	Բանդալոր, Մայսուրի թագավորություն, Բրիտանական Հնդկաստան, Բրիտանական կայսրություն^[2]
Մահացել է	հոկտեմբերի 10, 1964(1964-10-10)^[1] (39 տարեկան)
Մահվան վայր	Մումբայ, Հնդկաստան^[2]
Կրթություն	Hare School?
Քաղաքացիություն	Բրիտանական Հնդկաստան, Հնդկաստան և Հնդկաստանի տիրապետություն
Մասնագիտություն	կինոդերասան, կինոռեժիսոր, կինոպրոդյուսեր, պարուսույց, սցենարիստ և մոնտաժող
Ամուսին(ներ)	Գիտա Ռուտ