Գրիգոր Մանվելյան
- Վիքիպեդիայում կան հոդվածներ Մանվելյան ազգանունով այլ մարդկանց մասին։
Գրիգոր Համբարի Մանվելյան (1917, Հառիճ, Հայաստան - անհայտ), հայ մանկավարժ։ Հայրենական մեծ պատերազմի մասնակից։
| Գրիգոր Մանվելյան | |
|---|---|
| Ծնվել է | 1917 |
| Ծննդավայր | Հառիճ, Հայաստան |
| Մահացել է | անհայտ |
| Քաղաքացիություն |  Ռուսական կայսրություն և  ԽՍՀՄ |
| Մասնագիտություն | մանկավարժ |
| Պարգևներ և մրցանակներ |  և  |
Կենսագրություն
խմբագրելԳրիգոր Մանվելյանը ծնվել է 1917 թվականին, Արթիկի շրջանի Հառիճ գյուղում։ Սովորել է հայրենի գյուղի դպրոցում։ 1935 թվականին ավարտել է Լենինականի շինարարական տեխնիկումը և նույն թվականին նշանակվել է Հառիճի միջնակարգ դպրոցի ֆիզիկայի և մաթեմատիկայի ուսուցիչ։ Աշխատել է նաև Արթիկի շրջանի Մեղրաշեն և Փանիկ գյուղերի միջնակարգ դպրոցներում[1]։
1941 թվականին զորակոչվել է կարմիր բանակ և 65-րդ հատուկ բրիգադի կազմում մասնակցել մարտական գործողություններին։ 1943 թվականի փետրվարին Գրիգորը Մալայա զեմլյայում 18-րդ բանակի դեսանտային զորամիավորումներում կռվել է գերմանացիների դեմ, վիրավորվել է և, ապաքինվելուց հետո նորից մեկնել է ռազմաճակատ։ Երկրորդ Ուկրաինական ռազմաճակատի 810-րդ գնդի կազմում մասնակցել է Խարկովի ազատագրման մարտերին, որոնցից մեկում նորից վիրավորվել է և ուղարկվել հոսպիտալ։ Բուժվելուց հետո, որպես 2-րդ կարգի հաշմանդամ, 1944 թվականին զորացրվել է բանակից և անցել մանկավարժական աշխատանքի[1]։
Մարտերում ցուցաբերած խիզախության և արիության համար Մանվելյանը պարգևատրվել է Կարմիր աստղի և Փառքի 3-րդ աստիճանի շքանշանով և մարտական մեդալներով։ Մանվելյանը անցել է կենսաթոշակի, բայց ակտիվորեն մասնակցել է երիտասարդության ռազմահայրենասիրական դաստիարակությանը[1]։
Պարգևներ
խմբագրել- Կարմիր աստղի շքանշան
- Փառքի 3-րդ աստիճանի շքանշան