Եվգենի Խարաձե

Եվգենի Խարաձե (վրաց.՝ ევგენი ხარაძე, հոկտեմբերի 18 (31), 1907, Թիֆլիս, Ռուսական կայսրություն - հոկտեմբերի 10, 2001(2001-10-10), Թբիլիսի, Վրաստան), վրացի աստղաֆիզիկոս։ ԽՍՀՄ ԳԱ թղթակից-անդամ (1979), ԽՍՀՄ ԳԱ ակադեմիկոս (1984), ՎԽՍՀ ԳԱ ակադեմիկոս (1950)։ 1972-1977 թվականներին՝ ՎԽՍՀ ԳԱ փոխնախագահ, 1978-1986 թվականներին՝ նախագահ։

Եվգենի Խարաձե վրաց.՝ ევგენი ხარაძე
Ծնվել է	հոկտեմբերի 18 (31), 1907 Թիֆլիս, Ռուսական կայսրություն
Մահացել է	հոկտեմբերի 10, 2001(2001-10-10) (93 տարեկան) Թբիլիսի, Վրաստան
Քաղաքացիություն	Ռուսական կայսրություն,  Վրաստանի Դեմոկրատական Հանրապետություն,  ԽՍՀՄ և Վրաստան
Մասնագիտություն	աստղագետ և քաղաքական գործիչ
Հաստատություն(ներ)	Վրացական ազգային աստղաֆիզիկական դիտարան և Թբիլիսիի պետական համալսարան
Գործունեության ոլորտ	աստղագիտություն
Պաշտոն(ներ)	ԽՍՀՄ գերագույն խորհրդի պատգամավոր
Անդամակցություն	ԽՍՀՄ գիտությունների ակադեմիա և Վրաստանի Գիտությունների ազգային ակադեմիա
Ալմա մատեր	Թբիլիսիի պետական համալսարան
Գիտական աստիճան	ֆիզիկամաթեմատիկական գիտությունների դոկտոր
Տիրապետում է լեզուներին	վրացերեն
Պարգևներ	և

Եղել է Թբիլիսիի համալսարանի աստղագիտության ամբիոնի վարիչ (1936), ռեկտոր (1959-1965), Միջազգային աստղագիտական ընկերության փոխնախագահ (1976)։ Խարաձեն աստղագիտության հիմնադիրն է Խորհրդային Վրաստանում։ 1932-1992 թվականներին գլխավորել է իր ղեկավարությամբ ստեղծված Աբասթումանի աստղադիտարանը, 1992 թվականից՝ պատվավոր տնօրեն։

Աշխատանքները վերաբերում են Գալակտիկայի կառուցվածքի և նրանում միջաստղային կլանող նյութի բաշխման, աստղերի սպեկտրալ դասակարգման խնդիրներին։ Կարևոր արդյունքներ է ստացել նաև փոփոխական աստղերի, աստղադիտակների և աստղագիտական կլիմայի ուսումնասիրության բնագավառում։ ԽՍՀՄ IX-XI գումարումների Գերագույն խորհրդի պատգամավոր։ Պարգևատրվել է Լենինի 4 շքանշանով։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 36)։