Զուլեյկա Ռոբինսոն
Զուլեյկա Ռոբինսոն (անգլ.՝ Zuleikha Robinson, հունիսի 29, 1977[1], Լոնդոն, Միացյալ Թագավորություն), բրիտանացի դերասանուհի։ Առավել հայտնի է «Իդալգո», «Վենետիկյան վաճառական», «Միայնակ սլաքներ», «Նոր Ամստերդամ», «Կորուսյալները» և «Հռոմ» ֆիլմերում ու հեռուստասերիալներում խաղացած դերերով։
 | |
|---|---|
 | |
| Ծնվել է | հունիսի 29, 1977[1] (47 տարեկան) |
| Ծննդավայր | Լոնդոն, Միացյալ Թագավորություն |
| Կրթություն | Թատերական արվեստների ամերիկյան ակադեմիա (1997)[2] |
| Քաղաքացիություն | .svg){kind=small} Միացյալ Թագավորություն |
| Մասնագիտություն | դերասանուհի և կինոդերասանուհի |
| zuleikharobinsononline.com | |
Կենսագրություն
խմբագրելԶուլեյկա Ռոբինսոնը ծնվել է 1977 թվականի հունիսի 29-ին Լոնդոնում։ Նրա հայրը անգլիացի է, մայրը՝ հնդկամուսուլմանական ծագմամբ բիրմանուհի[3][4]։ Նրա անունը պարսկական արմատներ ունի[3]։ Զուլեյկան ավարտել է Լոս Անջելեսի Դրամատիկ արվեստի ամերիկյան ակադեմիան։ Նրա երակներով հոսում է պարսիկների, մալայացիների և շոտլանդացիների արյունը։
Ռոբինսոնն իր դերասանական կարիերան սկսել է 2000-ական թվականներին։ Հանդիսատեսին հայտնի է «Միայնակ սլաքներ» հեռուստասերիալում խաղացած Իվ Ադել Հարլոուի դերով։ Նա խաղացել է ոչ մեծ, բայց բավականին նշանակալի դեր (ստրկուհի Գայա) «Հռոմ» հեռուստասերիալում («HBO»-ի արտադրությունը)։ Խաղացել է Էվա Մարկես դետեկտիվի դերը «Նոր Ամստերդամ» հեռուստադրամայում (FOX-ի արտադրությունը) և «Գաղտնի նյութեր» հեռուստասերիալի էպիզոդներից մեկում։ 2004 թվականին «Իդալգո» ֆիլմում խաղացել է Ջազիրուի, իսկ «Վենետիկյան վաճառական» ֆիլմում Ջեսիկայի դերը։
2009 թվականին Զուլեյկային հրավիրել են «Կորուսյալները» հեռուստասերիալ («ABC»-ի արտադրությունը), որի հինգերորդ եթերաշրջանում նա խաղացել է խորհրդավոր Իլանայի դերը[5]։ «Կորուսյալների» վեցերորդ եթերաշրջանում նա կրկին հանդես է գալիս Իլանայի դերով, բայց այս անգամ ոչ թե որպես հրավիրված դերասանուհի, այլ հիմնական դերասանական խմբի անդամ։
2015 թվականին նկարահանվել է «Fox» ալիքի «Հետևորդները» հեռուստասերիալում։
2016 թվականին Ռոբինսոնը ստացել է Շոնդրի Ռայմսի «Դեռևս կապված» հեռուստասերիալի գլխավոր դերերից մեկը։
Ֆիլմագրություն
խմբագրել| Տարի | Անվանում | Բնօրինակ անվանում | Դեր |
|---|---|---|---|
| 2001 | Միայնակ սլաքներ | The Lone Gunmen | Իվ Ադել Հարլոու |
| 2002 | Գաղտնի նյութեր | The X-Files | Իվ Ադել Հարլոու / Լոիս Ռանս |
| 2004 | Իդալգո | Hidalgo | Ջազիրա |
| 2004 | Վենետիկյան վաճառական | The Merchant of Venice | Ջեսիկա |
| 2007 | Հռոմ | Rome | Գայա |
| 2008 | Նոր Ամստերդամ | New Amsterdam | Էվա Մարկես |
| 2009–2010 | Կորուսյալները | Lost | Իլյանա Վերդանսկի |
| 2012 | Հայրենիք | Homeland | Ռոյա Համադ |
| 2013 | Մենտալիստը | Mentalist | բժիշկ Սոնյա Քիդ |
| 2014 | Արհեստական բանականություն | Intelligence | Ամելիա Հեյս |
| 2013–2014 | Մի անգամ Հրաշքների աշխարհում | Once Upon a Time in Wonderland | Ամարա |
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ Notable Past Students — American Academy of Dramatic Arts.
- ↑ 3,0 3,1 Sengupta, Reshmi (2005 թ․ մայիսի 30). «Living up to her namesake...». Telegraph India. Վերցված է 2009 թ․ մայիսի 6-ին.
- ↑ Evening Standard Magazine (11 Dec 2009), Daily Mail Group, United Kingdom.
- ↑ Mitovich, Matt (2008 թ․ սեպտեմբերի 4). «Lost Gives New Amsterdam Star New Role». TV Guide. Վերցված է 2008 թ․ դեկտեմբերի 22-ին.
Արտաքին հղումներ
խմբագրել- Պաշտոնական կայք Արխիվացված 2011-11-30 Wayback Machine (անգլ.)
 | Վիքիպահեստն ունի նյութեր, որոնք վերաբերում են «Զուլեյկա Ռոբինսոն» հոդվածին։ |