Իրանի ազգային թանգարան

Իրանի ազգային թանգարան (պարսկերեն` موزه ایران باستان , Muze-ye Irân-e Bâstân), հնագիտական և պատմական թանգարան, գտնվում է Թեհրանում։

Իրանի ազգային թանգարան
Տեսակ	պատկերասրահ և ազգային թանգարան
Երկիր	Իրան
Տեղագրություն	Թեհրանի շրջան
Վայր	Թեհրան
Հասցե	No.1, Henri Rolin St., Siy-e Tir St., Emam Khomeini Ave, Tehran և تهران، خیابان امام خمینی، ابتدای خیابان سی تیر، خیابان پروفسور رولن، شماره یک1136917111
Հիմնադրվել է	1937
Տնօրեն	Ջեբրաել Նոկանդե
Կայք	nationalmuseumofiran.ir/en​(անգլ.)

Կազմված է երկու թանգարանային բաժիններիցղ Հին Իրանի թանգարան (Muze y Irān e Bāstān), որը բացվել է 1937 թվականին և նախաիսլամական դարաշրջանի թանգարան, որը բացվել է 1972 թվականին։

Թանգարանի հավաքածուն ընդգրկում է պատմական հուշարձաններ հին և միջին դարերի շրջանից, այդ թվում կերամիկական անոթներ, մետաղական իրեր, տեքստիլ ապրանքներ, որոշ հազվագյուտ գրքեր և մետաղադրամներ։ Թանգարանի հավաքածուն ընդգրկում է 300 000 ցուցադրանմուշներ։

Թանգարանը ունի մի շարք հետազոտական բաժիններ, այդ թվում հնաքարադարյան և ոսկրաբանական բաժիններ, ինչպես նաև կերամիկայի ուսումնասիրման Կենտրոն։

Հավաքածու

Ամենահին գտածոները գտնվել են Կաշաֆրուդում, Գարբանդում և Գանջի Պարում։ Հնադարյան Իրանի թանգարանի առաջին սրահում ցուցադրվում են նաև մուստիերյան քարե գործիքներ, որոնք պատրաստված են նեանդերթալյան մարդկանց կողմից։ Վերին պալեոլիթի ամենակարևոր գործիքները հայտնաբերվել են Յաֆտե քարանձավում, որոնց տարիիքը՝ 30-35 հազար տարի է։ Բացի այդ այլ հնագույն գտածոնրի մեջ կան 9 հազար տարեկան մարդկանց և կենդանիների արձանիկներ, որոնք գտնվել են Քերմանշահ գավառ Սարաբ բլրի վրա կատարած պեղումների ժամանակ։

Բաժիններ

• Բնապահպանության բաժին
• Հնաքարադարյան. բաժին
• Ոսկրաբանական բաժին
• Նախապատմական բաժին
• Պատմական բաժին
• Իսլամական բաժին
• Ձեռագրերի և հին ձեռագրերի բաժին
• Տպագրության և մետաղադրամների բաժին
• Կերամիկայի ուսումնասիրման կենտրոն

Ժամանակավոր ցուցահանդեսներ

Թանգարանի նոր շենքի առաջին հարկում տեղակայված են թանգարանային հավաքածուի ժամանակակից ցուցահանդեսները։ Ժամանակավոր ցուցահանդեսները անցկացվում են տարին մեկ կամ երկու անգամ և որպես կանոն աշխատում են մեկից երկու ամիս։ 2014 թվականի օգոստոս-հոկտեմբեր ամիսներից սկսած թանգարանում իրականացվում էր «200 հազար տարվա հարաբերություններ մարդկանց և կենդանիների միջև Իրանում» ցուցահանդեսը։ Ցուցահանդեսը նվիրված էր հին մարդկային հասարակությունների և տարբեր կենդանիների գոյությանը Իրանում, սկսած ուշ պալեոլիթից մինչև մեր օրեր։

Պատկերասրահ

• 
  Հին Իրանի թանգարանի ճակատը
• 
  Կերպարվեստի բաժին։ Պոստիսլամական դարաշրջանի թանգարան
• 
• 
  Ազդեցիկ պարսիկի արձան
• 
  Նարգիլե 19-րդ դար
• 
• 
• 
• 

Արտաքին հղումներ

• Photo Gallery of the National Museum of Iran
• National Museum of Iran Արխիվացված 2005-05-25 Wayback Machine
• National Museum of Iran Արխիվացված 2014-10-20 Wayback Machine
• Sa’d Abad Gallery of Fine Arts
• Glassware Museum of Tehran Արխիվացված 2008-06-12 Wayback Machine
• Hamid-Reza Hosseini, Shush at the foot of Louvre (Shush dar dāman-e Louvre), in Persian, Jadid Online, 10 March 2009, [1].

Վիքիպահեստն ունի նյութեր, որոնք վերաբերում են «Իրանի ազգային թանգարան» հոդվածին։