Լեոպոլդ I (Ավստրիայի մարկգրաֆ)
Լեոպոլդ I (գերմ.՝ Leopold I, Liutpold I, Luitpold I, մոտ 940 թ., Վյուրցբուրգ, Ֆրանկոնիայի դքսություն /Բավարիա/ - հուլիսի 10, 994 թ., Վյուրցբուրգ, Ֆրանկոնիայի դքսություն /Բավարիա/), ավստրիայի առաջին մարկգրաֆը Բաբենբերգների տոհմից[2][3]։
| Լեոպոլդ I | |
| |
| Մասնագիտություն՝ | Մարկգրաֆ |
|---|---|
| Ծննդյան օր | մոտ 940 |
| Ծննդավայր | Վյուրցբուրգ, Ստորին Ֆրանկոնիա |
| Վախճանի օր | հուլիսի 10, 994[1] |
| Վախճանի վայր | Վյուրցբուրգ, Ստորին Ֆրանկոնիա |
| Թաղված | Վյուրցբուրգ |
| Դինաստիա | Բաբենբերգներ |
| Հայր | Arnulf, Duke of Bavaria? |
| Մայր | Judith of Friaul? |
| Ամուսին | Ռիխվերա |
| Զավակներ | Հենրիխ I Էռնեստ I Ադալբերտ Պոպո Լուիտպոլ Կունիգունդա Քրիստինա Հեմա Յուդիտա |
Կենսագրություն
խմբագրելՂեկավարում
խմբագրելԼեոպոլդ Բաբենբերգը եղել է Սրբազան Հռոմեական կայսրության կայսր Օտտոն II-ի զինակիցը և հունգարների դեմ մղվող պատերազմի մասնակից։ Կայսր Օտտոն II-ի դեմ ապստամբած բավարական Հենրիխ II դուքսին ճնշելուց հետո՝ 976 թվականին, Բավարիայից վերցրեց երկրի հարավ-արևելյան հատվածները։ Հունգարիայի սահմանին Բավարիայից վերցված տարածքների վրա Լեոպոլդը ստեղծեց Արևելյան Մարկան, որի մայրաքաղաք դարձավ, ամենայն հավանականությամբ, Մելկ քաղաքը, որը գտնվում է ժամանակակից Ավստրիայի արևմուտքում՝ Ստորին Ավստրիայում[4][5][6][7]։
Լեոպոլդի գլխավոր խնդիրն էր հունգարների հարձակումներից պաշտպանել կայսրության սահմանները և Մարկայի տարածքը դեպի արևելյան ուղղությամբ ընդլայնել։ 987 թվականին նա ընդլայնեց մարկոգրֆյան սահմանները մինչև Վիեննական անտառ, իսկ 991 թվականին բավարական դուքս Հենրիխ II-ի աջակցությամբ մինչև Ֆիշի գետ[8]։
Խոշոր բարոնների ընդվզման պատճառով թագավորական Գերմանիայի կենտրոնական իշխանության թուլացման պայմաններում բազմաթիվ պատերազմներով և Հռոմի պապերի դեմ պայքարելու արդյունքում, ինչպես նաև կայսրությունից հեռու լինելու հանգամանքով պայմանավորված՝ Արևելյան Մարկան փաստացի դարձավ անկախ։ Այդպիսով հիմք դրվեց անկախ Ավստրիայի ձևավորմանը։ Լեոպոլդ I-ը դարձավ նոր պետության առաջին դինաստիայի՝ Բաբենբերգների հիմնադիր։
994 թվականին Լեոպոլդ I-ը մեկնեց Վյուրցբուրգ, որպեսզի միջնորդի դեր կատարի իր հորեղբորորդի մարկոգրաֆ Շվայնֆուրտի և Վյուրցբուրգի եպիսկոպոսության առաջնորդ Բերնվարդի հակամարտության լուծման գործում, որը առաջացել էր նրա եղբոր կողմից ասպետներից մեկին բռնելու և կուրացնելու հետևանքով։ Մրցության ժամանակ Լեոպոլդը աչքից վիրավորվեց արձակված նետով, որն ուղղված էր իր եղբոր ուղղությամբ։ Երկու օր անց՝ 994 թվականի հուլիսի 10-ին, ստացված վերքից Լեպոլդը մահացավ[8][9]։
Լեոպոլդ I-ի գերեզմանը գտնվում է Մելկի վանական համալիրում։
1976 թվականին Ավստրիան տոնեց իր պատմության հազարամյակը, որի սկիզբը սովորաբար համարվում է այն օրը, երբ Լեոպոլդ Բաբենբերգը սկսեց իշխել Արևելյան Մարկայում։
Ամուսնություն և երեխաներ
խմբագրել_Gemahlin_Leopolds_I..PNG)
Լեոպոլդ Բաբենբերգը ամուսնացել է Ռիխվերայի հետ, ով, ամենայն հավանականությամբ, հանդիսանում է Էռնեստ IV-ի դուստրը[10] և մահացել 994 թվականին։ Ունեցել է 9 երեխա[4]՝
- Հենրիխ I (մահացել է 1018 թվականին), 994 թվականից հանդիսացել է Ավստրիայի մարկգրաֆ,
- Էռնեստ I (մահացել է 1015 թվականին), 1012 թվականից հանդիսացել է Շվաբիայի դուքս,
- Ադալբերտ (մահացել է 1055 թվականին), 1018 թվականից հանդիսացել է Ավստրիայի մարկգրաֆ,
- Պոպո (մահացել է 1047 թվականին), 1016 թվականից հանդիսացել է Թրիերի արքեպիսկոպոս,
- Լուիտպոլ (մահացել է 1059 թվականին), 1051 թվականից հանդիսացել է Մայնցի արքեպիսկոպոս,
- Կունիգունդա
- Քրիստինա, եղել է միանձնուհի Թրիերում,
- Հեմա, ամուսնացել է Դիսենի դուքս Ռատպոտոյի հետ,
- Յուդիտա։
| Լեոպոլդ I-ի նախնիներ (ինֆոգրաֆիկա) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Օգտագործված գրականություն
խմբագրել- Leeper, Alexander W. (1941). History of Medieval Austria. London: Oxford University Press. ISBN 978-0404153472.(անգլ.)
- Lingelbach, William E. (1913). The History of Nations: Austria-Hungary. New York: P. F. Collier & Son Company. ASIN B000L3E368.(գերմ.)(անգլ.)
- Pohl, Walter (1995). Die Welt der Babenberger. Graz: Verlag Styria. ISBN 978-3222123344.
- Wegener, Wilhelm (1965). Genealogischen Tafeln zur mitteleuropäischen Geschichte. Vienna: Verlag Degener.(գերմ.)
- Rickett, Richard (1985). A Brief Survey of Austrian History. Vienna: Prachner. ISBN 978-3853670019.(անգլ.)
- Brooke, Z. N. (1938). A History of Europe: From 911 to 1198. London: Methuen & Company Ltd. ISBN 978-1443740708.(անգլ.)
- Thietmar of Merseburg (2001). Ottonian Germany: The Chronicon of Thietmar of Merseburg. Manchester: Manchester University Press. ISBN 978-0719049262.(անգլ.)
Ծանոթագրություններ
խմբագրել- ↑ https://austria-forum.org/af/AEIOU/Leopold_I._Liutpold,_Babenberger-Markgraf
- ↑ Lechner, Karl (1976). Die Babenberger: Markgrafen und Herzoge von Österreich 976–1246. Vienna: Böhlau. ISBN 978-3205085089.(գերմ.)
- ↑ Beller, Steven (2007). A Concise History of Austria. New York: Cambridge University Press. ISBN 978-0521478861.(անգլ.)
- ↑ 4,0 4,1 «Austria». Foundation for Medieval Genealogy. Վերցված է 2012 թ․ դեկտեմբերի 1-ին.
- ↑ Wegener 1965, p. 77.
- ↑ Pohl 1995, p. 12.
- ↑ Leeper 1940, p. 153.
- ↑ 8,0 8,1 Leeper 1940, p. 159.
- ↑ Thietmar 2001, pp. 166–167.
- ↑ Lechner 1976, p. 45.