Լողացող քաղաքը

Լողացող քաղաքը; ֆր.՝ Une ville flottante
Հեղինակ	Ժյուլ Վեռն
Տեսակ	գրական ստեղծագործություն
Ժանր	գիտական ֆանտաստիկա, ծովային արկածներ և Ռեպորտաժ
Բնօրինակ լեզու	ֆրանսերեն
Ստեղծման տարեթիվ	1870
Շարք	Անսովոր ճանապարհորդություններ
Նախորդ	Լուսնի շուրջը
Հաջորդ	Երեք ռուսների և երեք անգլիացիների արկածները Հարավային Աֆրիկայում
Նկարազարդող	Ժյուլ Ֆերա
Երկիր	Ֆրանսիա
Հրատարակման տարեթիվ	1871
	A Floating City Վիքիպահեստում

«Լողացող քաղաքը» (ֆր.՝ Une ville flottante), ֆրանսիացի գրող Ժյուլ Վեռնի գիտաֆանտաստիկ վեպը, որը ներառված է «Անհավանական ճանապարհորդություններ» շարքում։ Գրվել է 1870 թվականին։

Հրատարակությունը

Վեպն առաջին անգամ տպագրվել է 1870 թվականի օգոստոսի 9-ից սեպտեմբերի 6-ը «Journal des Débats politiques et littéraires» ամսագրում։

Առանձին գրքի ձևով հրատարակվել է 1871 թվականի հուլիսի 17-ին։ Նույն գրքում ներառված էր նաև «Շրջափակումը ճեղքողները» պատմվածքը։

Պատկերազարդված տարբերակը (Ժյուլ Ֆերի 44 պատկերազարդումները, որոնք փորագրվել են Փանմեյքերի ու Հիլդիբրանի կողմից), ներառելով նաև «Շրջափակումը ճեղքողները» պատմվածքը, թողարկվել է 1871 թվականի հոկտեմբերի 10-ին։ Իսկ 1872 թվականի հոկտեմբերի 31-ին թողարկվեց «Անհավանական ճանապարհորդություններ»-ի վեցերորդ հատորը, որում ներառված էին այս վեպն ու «Երեք ռուսների և երեք անգլիացիների արկածները Հարավային Աֆրիկայում» վեպը^[1]։

Բովանդակությունը

Գիրքը բաժանված է երեսունինը գլուխների^[2]։

Հերոսների երթուղին

Ժյուլ Ֆերի պատկերազարդումը

Գործող հերոսներ

Էլեն Հոջես
Ֆաբիան Մաք-Էլվին
Արչիբալդ Կորսիկան
դոկտոր Դեն Պիտֆերժ
Հարրի Դրեյք

Իրադարձությունների խրոնոլոգիան

Վեպի իրադարձությունները սկսվում են 1867 թվականի մարտի 18-ին ու ավարտվում ապրիլի 29-ին։ «Գրեյթ իսթերն»-ով ճանապարհորդությունը տեղի է ունենում մարտի 26-ից ապրիլի 9^[3]։

Հետաքրքիր փաստեր

Վեպի ստեղծման համար Ժյուլ Վեռնին ոգեշնչել էր Լիվերպուլից Նյու Յորք նավարկությունը, որը նա անց էր կացրել եղբոր՝ Փոլի հետ 1867 թվականի մարտ-ապրիլ ամիսներին, ժամանակի ամենամեծ նավով՝ «Գրեյթ Իսթերն»-ով։
Իրադարձությունների խրոնոլոգիան ճշգրտորեն համընկնում է հեղինակի Ամերիկա կատարած ճանապարհորդության հետ։