Խաչիկ Նազարյան
- Վիքիպեդիայում կան հոդվածներ Նազարյան ազգանունով այլ մարդկանց մասին։
Խաչիկ Ենոքի Նազարյան (հուլիսի 22, 1926[1], Դաշտամեջ, Հայաստան - փետրվարի 28, 2007[1], Երևան, Հայաստան), հայ աշխարհագետ-երկրաձևաբան։ Աշխարհագրական գիտությունների դոկտոր, պրոֆեսոր։
Խաչիկ Նազարյան | |
|---|---|
| Ծնվել է | հուլիսի 22, 1926[1] Դաշտամեջ, Հայաստան |
| Մահացել է | փետրվարի 28, 2007[1] (80 տարեկան) Երևան, Հայաստան |
| Քաղաքացիություն |  ԽՍՀՄ և  Հայաստան |
| Մասնագիտություն | աշխարհագրագետ և գեոմորֆոլոգ |
| Հաստատություն(ներ) | Երևանի պետական համալսարան և Հայաստանի կրթության և գիտության նախարարություն |
| Անդամակցություն | Հայկական աշխարհագրական ընկերություն |
| Ալմա մատեր | Երևանի պետական համալսարան (1950) |
| Կոչում | պրոֆեսոր |
| Գիտական աստիճան | աշխարհագրական գիտությունների դոկտոր |
Կենսագրություն
խմբագրելԽաչիկ Նազարյանը ծնվել է 1926 թվականին Արարատի շրջանի Չանախչի (այժմ` Զանգակատուն) գյուղում։ 1950 թվականին ավարտել է Երևանի պետական համալսարանը։ 1953 թվականից աշխատել է Երևանի պետական համալսարանում, 1976-1996 թվականներին եղել է աշխարհագրության ֆակուլտետի դեկան, 1989-1997 թվականներին[2], միաժամանակ՝ ֆիզիկական աշխարհագրության ամբիոնի վարիչ, 1979-1992 թվականներին՝ ՀՀ Կրթության և գիտության նախարարության աշխարհագրության ուսումնամեթոդական խորհրդի նախագահ, 1980-2001 թվականներին՝ Հայկական աշխարհագրական ընկերության փոխնախագահ, 2006 թվականին՝ «Հայաստանի բնաշխարհ» հանրագիտարանի գիտախմբագրական խորհրդի անդամ[3]։
Աշխատանքները վերաբերում են Հայկական լեռնաշխարհի ռելիեֆի ձևածագումնաբանական տիպերի վերլուծությանը, ֆիզիկական աշխարհագրության շրջանցման, սելավաբեր երևույթների, հնէաշխարհագրության, բնօգտագործման և բնապահպանության, ֆիզիկական աշխարհագրության կիրառական խնդիրներին[4]։ Հետազոտել է ՀՀ մակերևույթը, սելավային հոսքերը, կազմել ռելիեֆի ձևածագումնաբանական, սելավների ձևավորման համալիր խոշորամասշտաբ քարտեզներ[3]։
Երկեր
խմբագրել- Անդրկովկասի ֆիզիկական աշխարհագրություն, ռուսերեն, դասագիրք, 1986 (համահեղինակ)։
- Հայաստանի աշխարհագրություն, գիրք 1-2, դասագիրք, 2002 (համահեղինակ)։
- Հայկական ՍՍՀ գեոմորֆոլոգիան, Երևան, 1986 (համահեղինակ)։
- Լեռնային ռելիեֆը որպես ֆիզիկաաշխարհագրական առաջնակարգ գործոն (ՀՀ տարածքի օրինակով), Երևան, 2006։
- Геология Армянской ССР, т.1, Ереван, 1962 (համահեղինակ).
Ծանոթագրություններ
խմբագրել- ↑ 1,0 1,1 1,2 1,3 1,4 http://am.hayazg.info/index.php?curid=7711
- ↑ «Խաչիկ Նազարյան». www.ysu.am. Արխիվացված է օրիգինալից 2017 թ․ հոկտեմբերի 15-ին. Վերցված է 2017 թ․ հուլիսի 6-ին.
- ↑ 3,0 3,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007։
- ↑ «ՀՀ Գիտությունների ազգային ակադեմիայի հիմնարար գիտական գրադարան».
 | Վիքիդարանն ունի նյութեր, որոնք վերաբերում են «Խաչիկ Նազարյան» հոդվածին։ |