Ծիծեռնավանք (համայնք, Քաշաթաղ շրջան)

Ծիծեռնավանք համայնք;
Երկիր	Արցախի Հանրապետություն
Կարգավիճակ	Համայնք
Մտնում է	Քաշաթաղի շրջան
Ներառում է	Ծիծեռնավանք գյուղ, ; Մելիքաշեն գյուղ, ; Տանձուտ գյուղ, ; Արահոծ գյուղ,
Վարչկենտրոն	Ծիծեռնավանք գյուղ
Հիմնական լեզու	Հայերեն
Բնակչություն (2015)	273
Տարածք	7119,0 հա
Ժամային գոտի	+4

Անվան այլ կիրառումների համար տե՛ս՝ Ծիծեռնավանք (այլ կիրառումներ)

Չշփոթել Ծիծեռնավանք (գյուղ, Քաշաթաղի շրջան) հոդվածի հետ։

Ծիծեռնավանք, համայնք Արցախի Հանրապետության Քաշաթաղի շրջանում^[2]^[3]։ Ներկայում համայնքի ամբողջ տարածքը գտնվում է Ադրբեջանի զինված ուժերի վերահսկողության ներքո^[4]^[5]^[6]^[7] և Արցախի Հանրապետության կողմից համարվում է օկուպացված^[1]։

Աշխարհագրություն

Համայնքը տեղաբաշխված է Արցախի Հանրապետության արևմտյան մասում։ Ունի լեռնային տեղանք։ Համայնքի տարածքն 7119,0 հա է, որից 4482,9 հա-ն անտառային հողեր են։ Համայնքի սահմաններով է հոսում Աղավնո գետի վտակը^[2]։

Բերձոր շրջկենտրոնից հեռու է 26 կմ, իսկ մայրաքաղաք Ստեփանակերտից` 76 կմ^[2]։

Պատմություն

Պատմամշակութային հուշարձաններ

Ծիծեռնավանք համայնքը հարուստ էր պատմամշակութային հուշարձաններով։ Ծիծեռնավանք գյուղում են գտնվում 5-ից 7-րդ դարերով թվագրվող Ծիծեռնավանքը, 14-ից 15-րդ դարերով թվագրվող 4 խաչքարերը, 9-րդ դարով թվագրվող խաչքարը, 8-ից 9-րդ դարերով թվագրվող խաչքարը, 8-րդ դարով թվագրվող խաչքարը, 9-ից 11-րդ դարերով թվագրվող 2 խաչքարերը, 1065 թվականով թվագրվող խաչքարը, 9-ից 10-րդ դարերով թվագրվող խաչքարը, 17-րդ դարով թվագրվող խաչքարը և այլն։ Մելիքշեն գյուղում են գտնվում 15-րդ դարի վերջերին հիմնադրված Քաշաթաղի մելիքության առաջնորդ Մելիք Հայկազի ապարանքը, 17-ից 18-րդ դարերով թվագրվող խոյատապաններ, 17-րդ դարով թվագրվող խաչքարը և այլն։ Տանձուտ գյուղում են գտնվում միջնադարով թվագրվող ժայռափոր եկեղեցին, ջրաղացը և այլն^[2]։

Վարչատարածքային բաժանում և համայնքային կյանք

Համաձայն Արցախի Հանրապետության վարչատարածքային բաժանման՝ Ծիծեռնավանք համայնքն իր մեջ ներառում է Ծիծեռնավանք, Մելիքաշեն, Տանձուտ, Արահոծ գյուղերը^[2]։

Համայնքում գործում էր գյուղապետարան, բուժկետ, միջնակարգ դպրոց, առևտրային օբյեկտներ^[2]։

Համայնքն ապահովված էր էլեկտրաէներգիայով, հասանելի էին բջջային, ինտերնետ կապի միջոցներն ու ռադիոհեռուստատեսությամբ^[2]։

Գործում էր ինքնահոս ջրամատակարարման համակարգ, որը սնվում էր տարբեր աղբյուրներից։ Առկա են նաև խմելու ջրի համար պիտանի բազմաթիվ բնական աղբյուր-առվակներ^[2]։

2015 թվականի դրությամբ համայնքային ճանապարհները բնահողային էին, խճից և չմշակված այլ նյութերից^[2]։

Համայնքը միացված էր հանրապետության տրանսպորտային կապին, մասնավորապես՝ Լեռնահովիտ-Բերձոր-Լեռնահովիտ երթուղուն^[2]։

Բնակչություն

Ծիծեռնավանք համայնքի բնակչությունը 2015 թվականի դրությամբ կազմել է 273 մարդ, որոնք կազմել են 80 տուն։ Նույն թվականի դրությամբ Ծիծեռնավանք գյուղում բնակվել է 113 մարդ, որոնք կազմել են 28 տուն։ Մելիքշեն գյուղում բնակվել է 51 մարդ, որոնք կազմել են 14 տուն։ Տանձուտ գյուղում բնակվել է 103 մարդ, որոնք կազմել են 38 տուն։ Արահոծ գյուղում բնակվել է 6 մարդ, որոնք կազմել են 2 տուն^[2]։

Կրթություն

Ծիծեռնավանք համայնքում գործում էր միջնակարգ դպրոց, որտեղ 2015 թվականի դրությամբ սովորում էր 32 աշակերտ^[2]։

Տնտեսություն

Համայնքի բնակչությունը հիմնականում զբաղվել է գյուղատնտեսությամբ՝ հողագործությամբ և անասնապահությամբ։ Համայնքի տարածքի 2323,4 հա-ը գյուղատնտեսական նշանակության են^[2]։

Ծանոթագրություններ

[armenpress.am_օկուպացված_տարածքներ-1] 1,0 ^1,1 Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)

[Հակոբ_Ղահրամանյան_Տեղեկատու_2015-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 ^2,11 ^2,12 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։

[Արցախի_վարչատարածքային_բաժանման_մասին_օրենք-3] «Արցախի Հանրապետության բնակավայրերի ցանկը հանրապետության Ազգային ժողովի կայքում (Արցախի Հանրապետության օրենքը երկրի վարչատարածքային բաժանման մասին, 25 մարտի 2005 թ., ք.Ստեփանակերտ, ՀՕ-178, ստորագրված նախագահ Ա․Ղուկասյանի կողմից)։». Արխիվացված է օրիգինալից 2016 թ․ մարտի 4-ին. Վերցված է 2021 թ․ մարտի 14-ին.

[ԱՀ_ՏԿԶՆ_կորցրած_բնակավայրերի_ցանկ-4] Արցախի Հանրապետության այն բնակավայրերի ցանկը, որոնք գտնվում են Ադրբեջանի զինված ուժերի վերահսկողության ներքո /հրապարակված Արցախի Հանրապետության Տարածքային կառավարման և ենթակառուցվածքների նախարարության կողմից/, (արխիվացված 05․03․2021թ․)։

[armenpress.am_կորցրած_բնակավայրերի_ցանկ-5] «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը»։

[artsakhpress.am_կորցրած_բնակավայրերի_ցանկ-6] «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը», (արխիվացված)։

[hetq.am_կորցրած_բնակավայրերի_ցանկ-7] «Ադրբեջանի վերահսկողության տակ անցած՝ Արցախի համայնքների և բնակավայրերի ցանկը»։

[2]

[3]

[4]

[5]

[6]

[7]

[1]