Կահիրե

Կահիրե
Քաղաք
	Կահիրե
	القاهرة
	Դրոշ
	Գիշերային Կահիրեն
Երկիր	Եգիպտոս
մարզ (մուհաֆազա)	Կահիրե
Համայնք	Կահիրե
Քաղաքապետ	Աբդուլ Ազիմ Վազիր
Հիմնադրված է	969 թ.
Առաջին հիշատակում	969
Մակերես	606 կմ²
ԲԾՄ	68 մ
Պաշտոնական լեզու	Արաբերէն
Բնակչություն	▲9 293 612 մարդ (հուլիսի 1, 2018)
Խտություն	3150 մարդ/կմ²
Ագլոմերացիա	20 577 113
Կրոնական կազմ	Սուննի իսլամ, քրիստոնեություն
Տեղաբնականուն	կահիրեցի
Ժամային գոտի	UTC+2, ամառը UTC+3
Հեռախոսային կոդ	+202
Փոստային դասիչ	11511–11668
	Կահիրե (Եգիպտոս)
	Կահիրե (Եգիպտոս)
	Կահիրե Վիքիպահեստում

Կահիրե (արաբ․՝ القاهرة‎‎, al-Qāhira - «հաղթական»), Եգիպտոսի Հանրապետության մայրաքաղաքը և Աֆրիկայի խոշորագույն բնակավայրը։ Բնակչությունը՝ ▲9 293 612 մարդ (հուլիսի 1, 2018)^[1]։

Անվանում

Հիմնադրել է Ջուհեյր Սիցիլացին 969 թվականին և ի նշան Եգիպտոսի նվաճման անվանել Միսր ալ֊ Կահիրա՝ «Հաղթական Եգիպտոս»․ այստեղից էլ քաղաքի այժմյան արաբական Ալ֊Կահիրա անվանումը^[2]։

Եգիպտացիները հաճախակի են կոչում այն مصر՝ Մասր։

Ընդհանուր բնութագիր

Կահիրեն Աֆրիկայի ու արաբական աշխարհի խոշորագույն քաղաքն է։ Բուն քաղաքի բնակչությունն ավելի քան 7 միլիոն է։ Այն գտնվում է Նեղոսի ափին ու կղզիների վրա՝ դելտայից քիչ հարավ։ Կահիրեն Եգիպտոսի խոշորագույն արդյունաբերական կենտրոններից է և տալիս է արտադրության 1/4-ը։ Արդյունաբերությունը բազմաճյուղ է, սակայն առաջատարներն են մեքենաշինությունը, տեքստիլը, քիմիականն ու սննդի արդյունաբերությունը։ Շրջապատի մի շարք քաղաքների (Գիզա, Շուբրա Էլ Ղեյմա, Հելուան) հետ ստեղծվել է հսկայական քաղաքային ագլոմերացիա՝ Մեծ Կահիրե՝ 16 միլիոն բնակչությամբ։ Կահիրեի տեղում քաղաքային բնակավայր գոյություն է ունեցել անհիշելի ժամանակներից՝ Բաբելոն (չխառնել Միջագետքի Բաբելոնի հետ), այնուհետև՝ Ֆուստատ անվանումներով։