Կամո Դանիելյան
- Վիքիպեդիայում կան հոդվածներ Դանիելյան ազգանունով այլ մարդկանց մասին։
Կամո Գևորգի Դանիելյան, (սեպտեմբերի 15, 1961, Մարտունի, ԼՂԻՄ, Ադրբեջանական ԽՍՀ, ԽՍՀՄ - հունիսի 27, 1992, Քյաթուկ, Խոջալուի շրջան, Ադրբեջան), հայ ազատամարտիկ։
| Կամո Դանիելյան | |
|---|---|
| սեպտեմբերի 15, 1961 - հունիսի 27, 1992 (30 տարեկան) | |
| Ծննդավայր | Մարտունի, ԼՂԻՄ, Ադրբեջանական ԽՍՀ, ԽՍՀՄ |
| Մահվան վայր | Քյաթուկ, Խոջալուի շրջան, Ադրբեջան |
| Մարտեր/ պատերազմներ | Արցախյան ազատամարտ |
| Պարգևներ |  և  |
Կենսագրություն
խմբագրել1979-1981 թվականներին ծառայել է ԽՍՀՄ Զինված ուժերում։ 1988-1991 թվականներին մասնակցել է Գետաշենի ենթաշրջանի, Շուշիի (Բերդաձոր), Հադրութի (Խանձաձոր, Տող, Մոխրենես), Ասկերանի (Խրամորթ, Փառուխ, Դահրազ, Խոջալու, Քյաթուկ), Մարտունու (Ղարադաղլու) շրջանների ինքնապաշտպանական մարտերին։ 1991 թվականի հունիսի 1-ին, սաֆոնովյան ռեժիմի պայմաններում, ձերբակալվել է և պահվել Բաքվի բանտում, որտեղից ազատվել է գրեթե հաշմված։ Ապաքինվելուց հետո նշանակվել է «Էրեբունի» օդանավակայանի ԼՂ օդագծի պարետ։ Շուշիի ազատագրման համար Գորիսից տեղափոխել է առաջին անհրաժեշտության բեռներ։ Հերթական թռիչքի ժամանակ ուղղաթիռը խփվել է, Կամո Դանիելյանը ծանր վիրավորվել է։ 1992 թվականի ամռանը, դեռես չապաքինված, մեկնել է ռազմաճակատ, ղեկավարել Քյաթուկի ինքնապաշտպանությունը և կասեցրել հակառակորդի առաջխաղացումը։ Զոհվել է մարտի դաշտում։
Հետմահու պարգևատրվել է ՀՀ և Լեռնային Ղարաբաղի Հանրապետության 1-ին աստիճանի «Մարտական խաչ» շքանշաններով։ Թաղված է Եռաբլուրում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ 
|