Կասել
Կասել (գերմ.՝ Kassel), քաղաք Գերմանիայի Հեսսեն նահանգում, Ֆուլդա գետի ափին։ Բնակչությունը՝ 197,984 մարդ (2015 թվականի դեկտեմբերի 31-ի դրությամբ)։
| Բնակավայր | |||||
|---|---|---|---|---|---|
| Կասել | |||||
| գերմ.՝ Kassel | |||||
| |||||
 | |||||
| Երկիր |  Գերմանիա | ||||
| Համայնք | Կասելի ադմինիստրատիվ օկրուգ | ||||
| Հիմնադրված է | 1330 թ. | ||||
| Մակերես | 106,78 կմ² | ||||
| ԲԾՄ | 176 մետր | ||||
| Բնակչություն | ▲204 687 մարդ (դեկտեմբերի 31, 2023)[1] | ||||
| Ժամային գոտի | UTC+1 և UTC+2 | ||||
| Հեռախոսային կոդ | 0561 | ||||
| Փոստային դասիչ | 34117, 34128 և 34117–34134 | ||||
| Ավտոմոբիլային կոդ | KS | ||||
| Պաշտոնական կայք | kassel.de(գերմ.) | ||||
| |||||
Պատմություն
խմբագրելԿասել քաղաքն առաջին անգամ հիշատակվել է 913 թվականին։ Անվանումը ենթադրաբար առաջացել է լատիներեն Castellum Cattorum բառակապակցությունից, որը թարգմանաբար նշանակում է «խաթերի ամրոց»։ 1189 թվականին հավաստագիրը Կասելին քաղաքի իրավունքներ է շնորհել։
19-րդ դարի սկզբին Կասելում բնակություն են հաստատել Գրիմ եղբայրները, այստեղ նրանք հավաքում էին իրենց հեքիաթների հավաքածուն։ 1803 թվականին լանդգրաֆությունը բարձրացրել է իր կարգավիճակը մինչև իշխանությունը, սակայն շուտով Կասելը գրավվել է Նապոլեոնի կողմից, իսկ 1807 թվականին Կասելը ոչ երկար ժամանակով դարձել է Վեսթֆալիայի թագավորության մայրաքաղաքը, որը ղեկավարում էր Նապոլենի եղբայր Ժերոն Բոնապարտը։ 1813 թվականին գրավվել է Ալեքսանդր Չերնիշովի պարտիզանական ջոկատի անսպասելի հարձակմամբ և շուտով վերականգնվել իշխանության մայրաքաղաքի կարգավիճակում։
Տեսարժան վայրեր
խմբագրել
Ֆրիդրիխի կենտրոնական հրապարակը հատակագծվել է 18-րդ դարում բարոկկո ոճով։ Իր անվանումը ստացել է լանդգրաֆ Ֆրիդրիխ II-ի պատվին։ Հրապարակում տեղակայված է կլասիցիզմի ոճով շինությունը, որը կառուցվել է 1769-1779 թվականներին։ Դա Ֆրիդերիցիանումն է՝ Եվրոպայի հանրամատչելի թանգարաններից առաջինը։ Հինգ տարին մեկ անգամ այստեղ անցկացվում է ժամանակակից արվեստի հայտնի documenta ցուցահանդեսը։
Քաղաքից արևմուտք, բլրի վրա գտնվում է զբոսայգին, որտեղ տեղակայված է Վիլհելմսհյոյե (Schloss Wilhelmshöhe(գերմ.)) իշխանական նստավայրը (1786-1801 թվականներ)։ Պալատը 1956 թվականից զբաղեցնում է Կասելի պատկերասրահը։ Ոչ հեռու գտնվում է Հերկուլեսի արձանը՝ Կասելի ոչ պաշտոնական խորհրդանիշը գրեթե երեք դարերի ընթացքում։
Բացի վերը թվարկվածներից, Կասելի թանգարանների թվում աչքի են ընկնում պաստառների թանգարանը (Deutsches Tapetenmuseum(գերմ.)), Գրիմ եղբայրների տուն-թանգարանը և Օտտոնեումում բնական գիտությունների թանգարանը՝ 17-րդ դարի սկզբի թատրոնի շենք, որը ամբողջ Գերմանիայի ամենահին շինությունն է։
Մշակույթ
խմբագրել- Ժամանակակից արվեստի ցուցահանդես documenta: Անցկացվում է հինգ տարին մեկ անգամ։
- «Kasseler Dokfest» փաստագրական կինոնկարի և վիդեոարվեստի փառատոն։ Անցկացվում է ամեն տարի։
Քույր-քաղաքներ
խմբագրել
Պատկերասրահ
խմբագրել
Ծանոթագրություններ
խմբագրել- ↑ Alle politisch selbständigen Gemeinden mit ausgewählten Merkmalen am 31.12.2023 (գերմ.) — DESTATIS, 2024.
- ↑ «Ramat Gan Sister Cities». Արխիվացված է օրիգինալից 2008 թ․ մարտի 7-ին. Վերցված է 2008 թ․ ապրիլի 6-ին.
- ↑ «Ramat Gan Sister Cities». Արխիվացված է օրիգինալից 2013 թ․ նոյեմբերի 4-ին. Վերցված է 2016 թ․ սեպտեմբերի 8-ին.
Արտաքին հղումներ
խմբագրել- Պաշտոնական էջ
- Bewerbung Kulturhauptstadt Europas 2010 Արխիվացված 2021-01-18 Wayback Machine (չաշխատող հղում)
- Private Seite zur Geschichte Kassels Արխիվացված 2011-07-23 Wayback Machine
- Kassel-Wiki der HNA Արխիվացված 2006-10-09 Wayback Machine
 | Վիքիպահեստն ունի նյութեր, որոնք վերաբերում են «Կասել» հոդվածին։ |