Հոկեյի ազգային լիգա (NHL)

Հոկեյի ազգային լիգա (անգլ.` National Hokey League, կրճատ` NHL, ֆրանս.` Ligue nationale de hockey), տափօղակով հոկեյի բարձրագույն առաջնություն, Հյուսիսային Ամերիկայի գլխավոր սպորտային կազմակերպություններից մեկը։ NHL-ում առկա են 30 ակումբներ, ընդ որում` 23-ը Միացյալ Նահանգներից, իսկ 7-ը՝ Կանադայից։ Սթենլիի գավաթը, որը Հյուսիսային Ամերիկայի ամենահին սպորտային տիտղոսն է, ամեն տարի շնորհվում է փլեյ-օֆֆի գերեզրափակչում հաղթանակած թիմին։

Հոկեյի ազգային լիգա
Տեսակ	պրոֆեսիոնալ սպորտի լիգա և Տափօղակով հոկեյի առաջնություն
Երկիր	ԱՄՆ և  Կանադա
Հապավում	NHL
Հիմնադրված	նոյեմբերի 26, 1917, Մոնրեալ, Քվեբեք, Կանադա
Իրավ. կարգավիճակ	Գործող
Գլխադասային գրասենյակ	Մանհեթեն, Նյու Յորք, Նյու Յորք, ԱՄՆ
Տարածաշրջան	Կանադա (7 ակումբ) ԱՄՆ (25 ակումբ)
Գլխավոր քարտուղար	Գերի Բեթման
Ակումբների քանակ	32
Վերջին չեմպիոն	Ֆլորիդա Փանֆերս (1-ին տիտղոս)
Ամենատիտղոսակիր ակումբ	Մոնրեալ Կանադիենս (25 տիտղոս)
Գործընկեր	CBC, NHL Network, Sportsnet, RDS, TVA Sports (Կանադա) NBC Sports Group, NHL Network (ԱՄՆ)
Կայք	nhl.com

Լիգան հիմնադրվել է Մոնրեալում 1917 թ.-ին՝ Առաջին աշխարհամարտի ժամանակ, երբ փակվում է 1909-ին ձևավորված Հոկեյի ազգային ասոցացիան (National Hockey Association, NHA)։ Սկզբնապես լիգայում հանդես էին գալիս չորս թիմ, որոնք բոլորն էլ տեղակայված էին Կանադայի քաղաքներում։ «Ազգային» բառը լիգայի անվանման մեջ մատնանշել է Կանադան, սակայն կորցրել է նշանակությունը, երբ 1924 թվականին լիգայի կազմում սկսում է ելույթ ունենալ առաջին ամերիկյան թիմը՝ «Բոստոն Բրուինսը»։

NHL-ում հանդես են գալիս հոկեյիստներ աշխարհի 20 երկրներից։ Չնայած անցած չորս տասնամյակներում կանադացիները լիգայում կազմել են կշռող մեծամասնություն, սակայն ամերիկացիների և եվրոպացիների թիվը նույնպես հաստատուն կերպով աճում է 1967 թվականից ի վեր, երբ ակումբների թիմը 6-ից դառնում է 30։

Ակումբներ

Զաք Պողոսյանը` NHL-ի առաջին հայկական ծագումով հոկեյիստը

Արտաքին հղումներ

• Պաշտոնական կայք
• Հոկեյի ազգային լիգայի խաղացողների ասոցիացիա
• NHL-ի պաշտոնակատարների ասոցիացիայի վեբկայքը

Վիքիպահեստն ունի նյութեր, որոնք վերաբերում են «Հոկեյի ազգային լիգա (NHL)» հոդվածին։