Հռիփսիմե Սրապյան
- Վիքիպեդիայում կան հոդվածներ Սրապյան ազգանունով այլ մարդկանց մասին։
Հռիփսիմե Կարապետի Սրապյան (դեկտեմբերի 28, 1928, Բուրգաս, Բուլղարիա - ապրիլի 10, 2013, Երևան, Հայաստան), հայ մանկավարժ, լեզվաբան, իտալերենի մասնագետ։ Պրոֆեսոր։
| Հռիփսիմե Կարապետի Սրապյան | |
|---|---|
 | |
| Ծնվել է | 1928 դեկտեմբերի 28 |
| Ծննդավայր | Բուրգաս  Բուլղարիա |
| Մահացել է | ապրիլի 10, 2013 (տարիքը 84) |
| Մահվան վայր | Երևան, Հայաստան |
| Քաղաքացիություն |  Հայաստան |
| Ազգություն | հայ |
| Կրթություն | Երևանի պետական գեղարվեստա-թատերական ինստիտուտ |
| Մասնագիտություն | մանկավարժ, լեզվաբան, իտալերենի մասնագետ |
| Աշխատանք | ԵՊՀ Ռոմանա-գերմանական ֆակուլտետ, իտալերենի մասնագետ |
| Աշխատավայր | Երևանի պետական համալսարան |
| Ամուսին | Մամիկոն Մանուկյան |
| Ծնողներ | Կարապետ Սրապյան Մանիկ Սրապյան |
| Պարգևներ և մրցանակներ | Իտալիայի մեդալ Իտալիայի պատվավոր քաղաքացի |
| Երեխաներ | Դիանա Մանուկյան Գայանե Մանուկյան |
ՀԽՍՀ վաստակավոր արտիստ Մամիկոն Մանուկյանի կինը։
Կենսագրություն
խմբագրելՀռիփսիմե Սրապյանը ծնվել է 1928 թվականին Բուլղարիայի Բուրգաս քաղաքում Կարապետ և Մանիկ Սրապյանների ընտանիքում։ 1946 թվականին ծնողների հետ հայրենադարձել է։ Սովորել է Երևանի գեղարվեստա-թատերական ինստիտուտի դերասանական բաժնում։ Ավարտելուց հետո որպես դերասանուհի աշխատել է Սունդուկյանի անվան ակադեմիական թատրոնում։
Մանկավարժական գործունեություն
խմբագրել1961-2004 թվականներին մանկավարժական գործունեություն է ծավալել Կոմիտասի անվան պետական կոնսերվատորիայում, որպես իտալերեն լեզվի սկսնակ դասախոս (1961), 2004 թվականին թոշակավորվել է նույն բուհից որպես պրոֆեսոր։ 1962-2003 թվականներին միաժամանակ իտալերեն է դասավանդել Երևանի պետական համալսարանում, եղել է Ռոմանա-գերմանական ֆակուլտետի իտալերենի դասախոս, դոցենտ, իտալերենի ամբիոնի վարիչ։
Հեղինակ է 13 գիտական աշխատությունների, որոնց թվում խիստ արժեքավոր է հայերենով իտալերենի առաջին դասագիրքը[1]։
Մանկավարժական գործունեության ընթացքում աշխատանք է ծավալել իտալերենի դասախոսներ և թարգմանիչներ պատրաստելու գործում, կազմակերպել է իտալացի դասական ու ժամանակակից դրամատուրգների պիեսներից հատվածների բեմադրություններ, որտեղ խոսքով, երգ-երաժշտությամբ հանդես են եկել վերոհիշյալ հաստատությունների ուսանողները։
Պարգևներ, մրցանակներ
խմբագրել
Պարգևատրվել է բազմաթիվ պատվոգրերով, այդ թվում ԵՊՀ-ի 80-ամյակի կապակցությամբ բարեխիղճ և երկարատև աշխատանքի համար պարգևատրումը, ԵՊՀ-ի ռոմանա-գերմանական բանասիրության ֆակուլտետի 10-ամյակի կապակցությամբ մանկավարժական և կրթական բեղմնավոր աշխատանքի համար պարգևատրումը և այլն։
Հայաստանում իտալերենի խթանման և հսկայական ներդրումների համար 2002 թվականին Իտալիայի կառավարությունը՝ որպես Հայաստանում Իտալերենի հիմնադիր, նրան պարգևատրել է հատուկ շքանշանով, շնորհելով նաև Իտալիայի պատվավոր քաղաքացու բարձր կոչումը։ Շքանշանը հանձնել է Հայաստանում Իտալիայի արտակարգ և լիազոր դեսպան Պարոն Տրաբալցան[2]։
Երկեր
խմբագրել- Իտալերենի դասագիրք - 1974։
- Տնային ընթերցանության ձեռնարկ - 1978։
- Մեթոդական ուղեցույց - 1979։
- Իտալերեն-Հայերեն բառարան -1982։
- Իտալերենի դասագիրք - 1985։
- Լրագրային տեքստերի ձեռնարկ - 1987։
- Օտար լեզվի ուսուցման մի քանի հարց - հոդված - 1989։
- Քերականական վարժությունների ձեռնարկ - 1991։
- Լեզվագիտական բառարան-Իտալերեն - Հայերեն լեզվաբանական տերմինների բառարան, Խմբագրություն/իտալո-ֆրանկո-հայկական զրուցարանի իտալական մասը - 1989։
- Թարգմանություններ իտալերենից հայերեն, հեղինակներ՝ Ջանի Ռոդարի, Ալբերտո Մորավիա, Սերաո Մատիլդա և այլն - 1965 թվական, 1984 թվական։
- Երկրագիտության ձեռնարկ - 2000-2001 թվականներ։
- Իտալերեն - Հայերեն համառոտ բառարան (12000 բառ)- 2002-2003 թվականներ։
Գրականություն
խմբագրել- Վարսիկ Գրիգորյան, «Մամիկոն Մանուկյան» մենագրություն, Երևան, 2007։