Հրայր Հովակիմյան (թատերագետ)
Անվան այլ կիրառումների համար տե՛ս՝ Հրայր Հովակիմյան (այլ կիրառումներ)- Վիքիպեդիայում կան հոդվածներ Հովակիմյան ազգանունով այլ մարդկանց մասին։
Հրայր Մեսրոպի Հովակիմյան (նոյեմբերի 16, 1908[1], Օշական, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն - հունվար 1990), հայ թատերագետ, ՀԽՍՀ արվեստի վաստակավոր գործիչ (1967), ԽՍՀՄ գրողների միության անդամ 1945 թվականից, ԽՄԿԿ անդամ 1943 թվականից։
| Հրայր Հովակիմյան | |
|---|---|
 | |
| Ծնվել է | նոյեմբերի 16, 1908[1] |
| Ծննդավայր | Օշական, Էջմիածնի գավառ, Երևանի նահանգ, Կովկասի փոխարքայություն, Ռուսական կայսրություն |
| Մահացել է | հունվար 1990 (81 տարեկան) |
| Կրթություն | Երևանի պետական համալսարան (1939) |
| Աշխատավայր | Արտաշատի Ամո Խարազյանի անվան պետական թատրոն, Գաբրիել Սունդուկյանի անվան ակադեմիական թատրոն, Կարմիր զինվոր, Հայֆիլմ, Երևանի պետական գեղարվեստա-թատերական ինստիտուտ, ՀԽՍՀ Մշակույթի նախարարություն և Հայկական պետական մանկավարժական համալսարան |
| Կուսակցություն | ԽՄԿԿ |
| Պարգևներ և մրցանակներ |  և  |
| Անդամություն | ԽՍՀՄ Գրողների միություն |
Կենսագրություն
խմբագրելՀրայր Հովակիմյանը ծնվել է 1908 թվականի նոյեմբերի 16-ին, Աշտարակի շրջանի Օշական (այժմ՝ Արագածոտնի մարզ) գյուղում։ 1928-1933 թվականներին եղել է Ամո Խարազյանի անվան պետական շրջիկ թատրոնի դերասան։ 1939 թվականին ավարտել է Երևանի պետական համալսարանի բանասիրական ֆակուլտետը։ 1939-1941 թվականներին ընդհանուր թատրոնի պատմություն է դասավանդել Երևանի Գաբրիել Սունդուկյանի անվան թատրոնին կից թատերական ստուդիայում, պարարվեստի ուսումնարանում և թատերական տեխնիկումում։ 1941-1956 թվականներին ծառայել է խորհրդային բանակում։ Եղել է Թամանյան հայկական դիվիզիայի «Կարմիր զինվոր» թերթի պատասխանատու քարտուղարը։ 1956-1962 թվականներին «Հայֆիլմ» ստուդիայում աշխատել է որպես ավագ խմբագիր, միաժամանակ դասավանդել է Երևանի գեղարվեստա-թատերական ինստիտուտում: 1964 թվականին աշխատել է ՀԽՍՀ մշակույթի նախարարությունում որպես գլխավոր խմբագիր։ 1969 թվականից ժողովրդական ստեղծագործության տան թատերական բաժնի վարիչն է։ Միաժամանակ 1975 թվականից դասավանդել է Երևանի Խաչատուր Աբովյանի անվան հայկական մանկավարժական ինստիտուտի մշակույթի ֆակուլտետում[2][3]։
- Հայկական սովետական գրականություն (բիբլիոգրաֆիա), պրակ առաջին, արձակագիրներ (հեղինակակիցներ Վաչե Կարմենյան և Հովհաննես Պետրոսյան), Երևան, Պետհրատ, 1941, 112 էջ։
- Սովետահայ դրամատուրգիայի մի քանի հարցեր, Երևան, Հայպետհրատ, 1957, 190 էջ։
- Մեր թատրոնները, Երևան, Հայպետհրատ, 1960, 160 էջ։
- Յունուս Նուրի, Երևան, Հայկական թատերական ընկերություն, 1962, 93 էջ։
- Երևանի տիկնիկային թատրոնի 30 տարին, Երևան, Հայկական թատերական ընկերություն, 1966, 50 էջ։
- Գրողը և թատրոնը, մաս առաջին, Երևան, «Հայաստան», 1968, 248 էջ։
- Հայաստանի ժողովրդական թատրոնները, Երևան, Հայկական թատերական ընկերություն, 1973, 84 էջ։
- Գրողը և թատրոնը, մաս երկրորդ, Երևան, «Հայաստան», 1974, 159 էջ։
- Էջեր Հայաստանի ադրբեջանական և քրդական թատրոնի պատմությունից, Երևան, Հայկական թատերական ընկերություն, 1975, 90 էջ։
- Ժողովրդական թատրոնի ռեժիսորը, Երևան, Հայկական թատերական ընկերություն, 1978, 125 էջ։
- Թատերական ինքնագործունեության երախտավորները, Երևան, Հայկական թատերական ընկերություն, 1979, 120 էջ։
- Թատերական ինքնագործունեությունը Հայաստանում, Երևան, Հայկական թատերական ընկերություն, 1979, 180 էջ։
Պարգևներ
խմբագրել- ՀԽՍՀ արվեստի վաստակավոր գործիչ, 1967
- Կարմիր աստղի շքանշան
Ծանոթագրություններ
խմբագրել- ↑ 1,0 1,1 Identifiants et Référentiels (ֆր.) — ABES, 2011.
- ↑ Գրական տեղեկատու։ Երևան։ «Սովետական գրող»։ 1986։ էջ 249-250
- ↑ «ՀՀ ԳԱԱ Հիմնարար Գիտական Գրադարան քարտարան, հեղինակավորի որոնում, Հովակիմյան, Հրայր Մեսրոպի, 1908- (Personal Name)». opac1.flib.sci.am. Վերցված է 2019 թ․ փետրվարի 2-ին.(չաշխատող հղում)
- ↑ «Կոհա առցանց քարտարան, Հովակիմյան, Հրայր Մեսրոպի». haygirk.nla.am. Վերցված է 2019 թ․ փետրվարի 2-ին.
 | Վիքիդարանն ունի նյութեր, որոնք վերաբերում են «Հրայր Հովակիմյան (թատերագետ)» հոդվածին։ |