Մարգարիտ Աթաբեկյան
- Վիքիպեդիայում կան հոդվածներ Աթաբեկյան ազգանունով այլ մարդկանց մասին։
Մարգարիտ Լևոնի Աթաբեկյան (օգոստոսի 22, 1917, Բաքու, Ռուսական կայսրություն - նոյեմբերի 3, 1996), հայ գրականագետ, թարգմանիչ, բանասիրական գիտությունների թեկնածու, ԽՍՀՄ գրողների միության անդամ 1943 թվականից։ Բանաստեղծ Լևոն Աթաբեկյանի դուստրը, բանաստեղծ Աշոտ Գրաշու կինը։
Մարգարիտ Աթաբեկյան | |
|---|---|
| Ծնվել է | օգոստոսի 22, 1917 |
| Ծննդավայր | Բաքու, Ռուսական կայսրություն |
| Վախճանվել է | նոյեմբերի 3, 1996 (79 տարեկան) |
| Մասնագիտություն | գրականագետ և թարգմանչուհի |
| Կրթություն | Մոսկվայի պետական մանկավարժական համալսարան |
| Գիտական աստիճան | բանասիրական գիտությունների թեկնածու |
| Անդամակցություն | ՀԳՄ |
| Աշխատավայր | Վ․ Բրյուսովի անվան պետական համալսարան |
| Ամուսին | Աշոտ Գրաշի |
| Մարգարիտ Աթաբեկյան Վիքիդարանում | |
Կենսագրություն
խմբագրելԾնվել է Բաքվում։ 1938 թվականին ավարտել է Մոսկվայի մանկավարժական ինստիտուտի գրականության ֆակուլտետը։ Հետագայում սովորել է նույն ինստիտուտի ասպիրանտուրայում։ Այդ տարիներին միաժամանակ աշխատել է ՀամԼԿԵՄ Կենտկոմի մանկապատանեկան գրականությունում որպես խմբագիր։ 1946 թվականին տեղափոխվել է Երևան։
1953 թվականին, Մոսկվայում, «Հովհաննես Թումանյանը գրաքննադատ» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ 1956 թվականին Երևանում ռուսերեն լույս է տեսել նրա «Հովհաննես Թումանյանը գրաքննադատ» մենագրությունը։ Աշխատել է Երևանի Վ. Բրյուսովի անվան ռուսաց և օտար լեզուների մանկավարժական ինստիտուտում։ Կատարել է մի շարք թարգմանություններ[1][2]։