Ոսկե ճարմանդներով կոշիկներ

«Ոսկե ճարմանդներով կոշիկներ» (ռուս.՝ «Туфли с золотыми пряжками»), ռեժիսոր Գեորգի Յունգվալդ-Խիլկևիչի երաժշտական հեքիաթը Իլյա Ռեզնիկի երգերով։ Ֆիլմը նկարահանվել է ԽՍՀՄ Նախարարների խորհրդի հեռուստատեսության և ռադիոյի պետական կոմիտեի պատվերով Օդեսայի կինոստուդիայում 1976 թվականին։

Ոսկե ճարմանդներով կոշիկներ
Երկիր	ԽՍՀՄ
Ժանր	ֆիլմ-հեքիաթ
Թվական	1976
Լեզու	ռուսերեն
Ռեժիսոր	Գեորգի Յունգվալդ Խիլկևիչ
Դերակատարներ	Vladimir Gerasimov?, Իրինա Մալիշևա և Լև Դուրով
Կինոընկերություն	Օդեսայի կինոստուդիա
Տևողություն	127 րոպե

Ֆիլմի նկարահանումներն անցկացվել են Նովգորոդ քաղաքի փայտե ճարտարապետության թանգարանի տարածքում։

Սյուժե

Իվանուշկայի հայրը ողջ շրջանում ամենալավն է լապտեր հյուսում։ Իր ունակությունը նա փոխանցել է իր որդուն, բայց վերջին շրջանում Իվանը շատ տխուր է և նա խնդրել է իր ծնողներին՝ իրեն թույլ տալ գնալ տոնավաճառ, գնել մի քիչ երջանկություն։ Սակայն փողը նա ճանապարհին ծախսում է։ Կեսը տալիս է ավազակներին, որպեսզի փրկի խեղկատակ Տիմոնյային, իսկ մյուս կեսը տոնավաճառում նրանից վերցնում է խաբեբան։

Իվանը տոնավաճառում հանդիպում է Մարյուշկային և հասկանում է, որ դա իր երջանկությունն է։ Բայց աղջիկը թագավորի դուստրն էր, որը գաղտնի փախել է թագավորական պալատից՝ տեսնելու, թե ինչպես է ժողովուրդն ուրախանում։

Դստեր գտնելու համար թագավորն ուղարկում է երկու անդրծովյան խուզարկուների, որոնք հագել են ավազակների զգեստներ։ Նրանք գտնում են Մարյուշկային, բայց, օգտվելով առիթից, գողանում են ոսկե ճարմանդներով թագավորական թռչող կոշիկները (բարեկամ թագավորի նվերը) և ադամանդե թագը։

Թագավորը մեծ դժգոհությամբ իմանում է, որ Մարյուշկան սիրում է հասարակ տղայի։ Նա հրամայում է թագավորական պալատի դիմաց անտեսանելի ապարանք կառուցել։ Մեկ գիշերվա ընթացքում Իվանը հյուսում է առասպելական գեղեցկությամբ տուն, և թագավորը ստիպված է նրան տալ իր միակ դստերը։

Դերերում

• Վլադիմիր Գերասիմով – Իվանուշկա
• Իրինա Մալիշևա – արքայադուստր Մարյուշկա
• Լև Դուրով – ցար
• Օլեգ Բելով – կարմիր ավազակ
• Գեորգի Շտիլ – սև ավազակ
• Իգոր Դմիտրիև – արտասահմանյան խուզարկու
• Վսեվոլոդ Յակուտ – արտասահմանյան խուզարկու
• Վլադիմիր Ստարոստին – Տիմոնյա-խեղկատակ
• Վերա Կուզնեցովա – պալատական դայակ
• Յուրի Մեդվեդև – կառապան
• Գեորգի Սվետլանի – Յարիժկա, կառապան
• Պավել Վիննիկ – անտառահատ
• Ալեքսանդր Խոչինսկի – խաբեբա
• Ելենա Պապանովա – աղջիկ
• Նատալյա Գորլենկո – Դունկա
• Պյոտր Բենյուկ – պահակ
• Յուրի Էլլեր – պահակ
• Նիկոլայ Կուզմին – Իվանուշկայի հայրը
• Լիլիա Յապպարովա – աղջիկ

Նկարահանող խումբ

• Սցենարի հեղինակ՝ Կիմ Մեշկի
• Բեմադրող ռեժիսոր՝ Գեորգի Յունգվալդ-Խիլկևիչ
• Բեմադրող օպերատոր՝ Ալեքսանդր Պոլիննիկով
• Կոմպոզիտորներ՝ Սերգեյ Սապոժնիկով, Եվգենի Ֆիլիպով
• Երգերի տեքստի հեղինակ՝ Իլյա Ռեզնիկ, Վլադիմիր Վիսոցկի (ավազակների երգեր, «Скоморохи на ярмарке», «Свадебная»)

Արտաքին հղումներ

•  «Ոսկե ճարմանդներով կոշիկներ» ֆիլմը Օդեսայի կինոստուդիայի պաշտոնական ալիքում