Վիքիպեդիա

Պիլու Ասբեկ

Յոհան Ֆիլիպ «Պիլու» Ասբեկ (դան․՝ Johan Philip "Pilou" Asbæk, [pʰiˈluː ˈæːsb̥ɛɡ̊], մարտի 2, 1982(1982-03-02)[1], Կոպենհագեն, Դանիա), դանիացի դերասան։ Հայտնի է դարձել դանիական «Կառավարություն» քաղաքական դրամայում սպին-բժիշկ Կասպեր Յուլի խնդրահարույց դերակատարմամբ[2] և «Գահերի խաղը» հեռուստասերիալում Էուրոն Գրեյջոյի դերով։

Պիլու Ասբեկ
Ծնվել էմարտի 2, 1982(1982-03-02)[1] (42 տարեկան)
ԾննդավայրԿոպենհագեն, Դանիա
ԿրթությունHerlufsholm School?, Danish National School of Performing Arts? և European Film College?
ՔաղաքացիությունԴանիա
Մասնագիտությունդերասան, կինոդերասան, հեռուստատեսային դերասան և հնչյունավորող
Ծնողներմայր՝ Patricia Asbæk?
Ամուսին(ներ)Anna Bro?
Պարգևներ և մրցանակներ

Վաղ տարիներ

խմբագրել

Ասբեկը ծնվել է Դանիայի մայրաքաղաք Կոպենհագենում՝ Պատրիսիա Ասբեկի (օրիորդական ազգանունը՝ Թոնն) և Յակոբ Ասբեկի ընտանիքում, որոնք Կոպենհագենի «Galerie Asbæk» պատկերասրահի սեփականատերերն են[3]։ Ծագմամբ Մարոկոյի Կասաբլանկա քաղաքից մայրը Ֆրանսիական Մարոկկոյից է[4], իսկ հայրը Դանիայի Համմել բնակավայրից է[5]։ Ունի երկու ավագ եղբայր՝ Թոմաս Ասբեկը, որը «Asbæk Art Consulting»-ում ստեղծարար խորհրդատու է, և Մարտին Ասբեկը, որը «Martin Asbæk Gallery» պատկերասրահի սեփականատերն է[6]։

Ասբեկը հաճախել է Հեռլուֆսհոլմի գիշերօթիկ դպրոց, որտեղ դրամատիկ ներկայացումներում ակտիվ մասնակցություն է ունեցել[7]։ 2008 թվականի ամռանն ավարտել է Դանիայի ազգային թատերական դպրոցը։

Գործունեություն

խմբագրել

Հեռուստատեսություն

խմբագրել

2009 թվականին դանիական «Սպանություն» հեռուստասերիալի երկրորդ եթերաշրջանի դրվագներից մեկում խաղացել է զինվորական Դևիդ Գրյուների դերը[2]։

2010-2013 թվականներին Թոբիաս Լինդհոլմի դանիական «Կառավարություն» հեռուստասերիալում խաղացել է սպին-բժիշկ Կասպեր Յուլի դերը։ Ֆիլմը Դանիայի կին վարչապետի մասին էր[8]։ Ասբեկի խաղը հավասարաչափորեն գովել են քննադատները[9]։

2014 թվականին նկարահանվել է եկամտաբեր «1864» պատմական սերիալում[10][11]։

2016 թվականին նա միացել է «HBO» հեռուստաալիքի «Գահերի խաղը» ֆիլմաշարի վեցերորդ եթերաշրջանին՝ Էուրոն Գրեյջոյի դերով[12]։

Կինո

խմբագրել

2011 թվականին նկարահանվել է «Սպանություն» ֆիլմի հեղինակի՝ սցենարիստ Թոբիաս Լինդհոլմի մեկ այլ գործում՝ «Կալանավոր R» ֆիլմում՝ դանիացի դատապարտյալի դերում, որը պատկերում է տանջալից բանտային փորձը։ Ֆիլմը նկարահանվել է դոգմա 95-ի ոճով ոգեշնչված[13]։ Հաջորդ տարի Ասբեկը նկարահանվել է Թոբիաս Լինդհոլմի հաջորդ ֆիլմում՝ «Պատանդներ»[5]։

2013 թվականին Ասբեկն «Այն ամենը, ինչ դուք ցանկացել եք իմանալ սեռական հարաբերության և հարկերի մասին» ֆիլմում մարմնավորել է վառ դանիացի մագնատի՝ Սայմոն Սփիս անվամբ[14]։ Ասբեկը ֆիլմում նկարահանվել է կնոջ զարմիկի՝ դերասան Նիկոլաս Բրոյիի հետ, որը խաղում է մեկ այլ գլխավոր կերպարի՝ Մոունս Գլիսթրոփի դերը։

2014 թվականին Ասբեկը Սքարլեթ Յոհանսոնի հետ նկարահանվել է ռեժիսոր Լյուկ Բեսոնի «Լյուսի» ֆիլմում[15]։ Միաժամանակ 2014 թվականին Ասբեկը հայտնվել է Բիլ Ավգուստի «Լուռ սիրտ» ֆիլմում, որտեղ նրա զոքանչը՝ դանիացի դերասանուհի Վիգգա Բրոն, խաղացել է Լիսբեթի դերը[16][17]։

 
Պիլու Ասբեկը (աջից) Եվրատեսիլ երգի մրցույթում

2015 թվականին կրկին համագործակցել է ռեժիսոր Թոբիաս Լինդհոլմի հետ՝ «Պատերազմ» ֆիլմի շրջանակներում՝ Աֆղանստանում խաղալով զինվորականի դերը[18]։ Ֆիլմի պրեմիերան կայացել է Վենետիկի կինոփառատոնում[19]։

2016 թվականին Թիմուր Բեքմամբեթովի «Բեն-Գուր» վերաթողարկումում (անգլ.՝ remake) խաղացել է Պիղատոս Պոնտացու դերը[20], որտեղ գլխավոր դերակատարներն են Ջեք Հյուսթոնը և Մորգան Ֆրիմանը[10]։

2017 թվականին Ռուպերտա Սանդերսի «Խեցեպատ ուրվականը» ֆիլմում կրկին նկարահանվել է Սքարլեթ Յոհանսոնի հետ՝ խաղալով օպերաշխատող Բաթոյի դերը։

2018 թվականին նկարահանվել է ռազմական «Օվերլորդ» սարսափ ֆիլմում՝ խաղալով Վաֆների դերը։

Թատրոն

խմբագրել
  • 2008՝ «Մարդիկ և Կարդամոնի ավազակներ» / «Folk og Røvere i Kardemomme» - «Bellevue Teatret»
  • 2008՝ «Միջուկ» / «Core» - «Det Lille Gasværk»

Եվրատեսիլ

խմբագրել

2014 թվականի մայիսի 10-ին Կոպենհագենում՝ Եվրատեսիլ 2014 երգի մրցույթի ժամանակ, Լիզ Ռեննեի և Նիկոլայ Կոպելլեի հետ եղել է հաղորդավար[21][22]։ Որոշ քննադատներ բացասաբար են մեկնաբանել հեռուստատեսային շոուի ընթացքում ներկաների կողմից արված անհասկանալի կատակները[23]։

Անձնական կյանք

խմբագրել

Ասբեկի կինը 2008 թվականից ի վեր դրամատուրգ Աննա Բրոն է։ Նա դերասաններ Հանս Հենրիկ Քլեմենսի և Վիգգի Բրոյի դուստրն է, դերասանների՝ բազմազավակ ընտանիքից է[24]։ Ամուսնությունից ունի դուստր՝ Ագնեսը (ծնվ. 2012 թվականի դեկտեմբերի 31-ին)[25]։

Պիլու մականունը գալիս է ֆրանսիական ծագմամբ մորից, և այն «Pip» բառի ֆրանսերեն տարբերակն է[5]։ Մականվան նշանակությունն այն է, որ Ասբեկը կրտսեր որդին էր, իսկ «petit»-ը ֆրանսերենից թարգմանաբար նշանակում է փոքր, և այդպես՝ «Փոքր Ֆիլիպ»։ Պիլուն «Petit Philip»-ի դանիական հապավումն է։

Ասբեկի կնքահայրը հանգուցյալ արվեստագետ Կուրթ Թրամպեդախն է[7]։

Մրցանակներ

խմբագրել
  • 2010՝ Դանիական կինոակադեմիա՝ «Ռոբերտ» մրցանակ՝ տղամարդու լավագույն դերի համար («Կալանավոր R»)
  • 2010՝ Կինոքննադատների դանիական ընկերակցության «Բոդիլ» մրցանակ՝ տղամարդու լավագույն դերի համար («Կալանավոր R»)
  • 2011՝ Բեռլինի կինոփառատոն՝ «Ընկնող աստղ» մրցանակ[26]
  • 2012՝ Բրոնզե մեդալ Օվե[27]

Կինո և հեռուստատեսություն

խմբագրել
Տարի Անվանում Բնօրինակ անվանում Դեր Ծանոթագրություն
2009 «Սպանություն» Forbrydelsen II Դևիդ Գրյուներ հեռուստասերիալ
2010 «Ընտանիք» A Family Փիթեր «Բոդիլ» մրցանակի առաջադրում՝ տղամարդու երկրորդ պլանի լավագույն դերակատարման համար
«Ռոբերտ» մրցանակի առաջադրում՝ տղամարդու երկրորդ պլանի լավագույն դերակատարման համար
«Կառավարություն» Borgen Կասպեր Յուլ հեռուստասերիալ
«Կալանավոր R» R Ռուն «Բոդիլ» մրցանակ՝ տղամարդու լավագույն դերի համար
«Ռոբերտ» մրցանակ՝ տղամարդու լավագույն դերի համար
«Զուլու» մրցանակի առաջադրում՝ տղամարդու լավագույն դերի համար
«Տեղեկարար» The Whistleblower Բաս
2012 «Պատանդները» A Hijacking Միքել Հարթման «Բոդիլ» մրցանակի առաջադրում՝ տղամարդու լավագույն դերի համար
«Ռոբերտ» մրցանակի առաջադրում՝ տղամարդու երկրորդ պլանի լավագույն դերակատարման համար
2013 «Բորջիա» The Borgias Պաոլո Օրսինի հեռուստասերիալ
2014 «Լյուսի» Lucy Ռիչարդ
«1864» 1864 Դիդրիխ հեռուստասերիալ
«Փասիան սպանողները» Fasandræberne Դիթլև Պրամ
2015 «Պատերազմ» Krigen Կլաուս Մայքլ Պեդերսեն
2016-2019 «Գահերի խաղը» Game of Thrones Էուրոն Գրեյջոյ հեռուստասերիալ
2016 «Բեն-Հուր» Ben-Hur Պիղատոս Պոնտացի
2017 «Խեցեպատ ուրվականը» Ghost in the Shell Բաթո

Ծանոթագրություններ

խմբագրել
  1. ↑ 1,0 1,1 filmportal.de — 2005.
  2. ↑ 2,0 2,1 Mesure, Susie (2013 թ․ մայիսի 4). «Fancy a Danish? What about Pilou Asbaek - the man who plays Kasper Juul in 'Borgen'». The Independent. Վերցված է 2015 թ․ սեպտեմբերի 6-ին.
  3. ↑ «Pilou Asbæk: Buy Art to Look At: Not As An Investment». The Big Issue. 2015 թ․ հունիսի 18. Արխիվացված է օրիգինալից 2016 թ․ նոյեմբերի 4-ին. Վերցված է 2015 թ․ սեպտեմբերի 6-ին.
  4. ↑ Kupfer, Ruta (2013 թ․ հունվարի 24). «'Mad Men' of Northern Europe». Haaretz. Վերցված է 2015 թ․ սեպտեմբերի 6-ին.
  5. ↑ 5,0 5,1 5,2 Synnot, Siobhan (2013 թ․ մայիսի 11). «Borgen's Pilou Asbaek on his Somalian pirate film». The Scotsman. Վերցված է 2015 թ․ սեպտեմբերի 6-ին.
  6. ↑ Knutzen, Susanne (2012 թ․ նոյեմբերի 5). «Kom tæt på brødrene Asbæk». Eurowoman. Արխիվացված է օրիգինալից 2016 թ․ հունիսի 30-ին. Վերցված է 2015 թ․ սեպտեմբերի 6-ին.
  7. ↑ 7,0 7,1 Zøllner, Kristoffer (2013 թ․ օգոստոսի 25). «Pilou Asbæk: Det er jo bare skuespil». Berlingske. Վերցված է 2015 թ․ սեպտեմբերի 6-ին.
  8. ↑ Stanley, Alessandra (2012 թ․ հոկտեմբերի 11). «She Seems to Have It All, a Whole Nation in Fact - 'Borgen,' a Danish Political Drama Series, on Link TV». The New York Times. Վերցված է 2015 թ․ սեպտեմբերի 6-ին.
  9. ↑ Robinson, Joanna (2015 թ․ սեպտեմբերի 4). «The Perfect Binge-Watchable Show Finally Became Available in the U.S.». Vanity Fair. Վերցված է 2015 թ․ սեպտեմբերի 6-ին.
  10. ↑ 10,0 10,1 Lobb, Adrian (2015 թ․ հունիսի 8). «Pilou Asbæk Interview: "When You Play With National History, People Get Very Emotional"». The Big Issue. Արխիվացված է օրիգինալից 2016 թ․ ապրիլի 21-ին. Վերցված է 2015 թ․ սեպտեմբերի 6-ին.
  11. ↑ Reuters (2014 թ․ հոկտեմբերի 14). «From the Makers of Denmark's The Killing and Borgen: a Costume Drama». The New York Times. Reuters. Վերցված է 2015 թ․ սեպտեմբերի 6-ին. {{cite news}}: |last1= has generic name (օգնություն)(չաշխատող հղում)
  12. ↑ Dornbush, Jonathon (2015 թ․ սեպտեմբերի 2). «Game of Thrones adds Lucy actor to play Euron Greyjoy - Update: It's confirmed». Entertainment Weekly. Վերցված է 2015 թ․ սեպտեմբերի 6-ին.
  13. ↑ Holden, Stephen (2011 թ․ հունիսի 16). «Life in the Big House: The Danish Experience». The New York Times. Վերցված է 2015 թ․ սեպտեմբերի 6-ին.
  14. ↑ Yde, Katrine Hornstrup (Fall 2013). «TIFF: Sex, Drugs & Taxation - The story of two oddballs and their chase after freedom – meet travel mogul Simon Spies and tax-evading politician Mogens Glistrup». Danish Film Institute. Վերցված է 2015 թ․ սեպտեմբերի 6-ին.
  15. ↑ Frost, Caroline (2015 թ․ ապրիլի 6). «'1864' Star Pilou Asbaek Interview: Lars Von Trier, Scarlett Johansson And What Kind Of Role Model He Wants To Be». The Huffington Post. Վերցված է 2015 թ․ սեպտեմբերի 6-ին.
  16. ↑ Holland, Jonathan (2014 թ․ սեպտեմբերի 23). «'Silent Heart' ('Stille Hjerte'): San Sebastian Review». The Hollywood Reporter. Վերցված է 2015 թ․ սեպտեմբերի 6-ին.
  17. ↑ Weissberg, Jay (2014 թ․ հոկտեմբերի 5). «Film Review: 'Silent Heart'». Variety. Վերցված է 2015 թ․ սեպտեմբերի 6-ին.
  18. ↑ Dam, Freja (Fall 2015). «Venice Film Festival. A War: Set in Afghanistan, Tobias Lindholm's drama illuminates the consequences of war on all its participants». Danish Film Institute. Վերցված է 2015 թ․ սեպտեմբերի 6-ին.
  19. ↑ van Hoeij, Boyd (2015 թ․ սեպտեմբերի 5). «'A War' ('Krigen'): Venice Review». The Hollywood Reporter. Վերցված է 2015 թ․ սեպտեմբերի 6-ին.
  20. ↑ Ge, Linda; Sneider, Jeff (2015 թ․ հունվարի 21). «'Lucy' Star Pilou Asbæk to Play Pontius Pilate in 'Ben-Hur' (Exclusive)». The Wrap. Վերցված է 2015 թ․ սեպտեմբերի 6-ին.
  21. ↑ Siim, Jarmo (2014 թ․ փետրվարի 4). «Koppel, Asbæk, Rønne to host Eurovision 2014». Eurovision. Վերցված է 2014 թ․ փետրվարի 4-ին.
  22. ↑ Heritage, Stuart (2014 թ․ մայիսի 5). «Pilou Asbæk: 'Eurovision is a party. I've never said no to a party'». The Guardian. Վերցված է 2015 թ․ սեպտեմբերի 6-ին.
  23. ↑ Debnath, Neela (2014 թ․ մայիսի 11). «Eurovision 2014: Raunchy milk maids, giant hamster wheels and child abuse – the most memorable moments of the night». The Independent. Վերցված է 2015 թ․ սեպտեմբերի 6-ին.
  24. ↑ Lobb, Adrian (2014 թ․ մայիսի 13). «Pilou Asbæk Interview: "I Have to Get Through the Night Without Starting a War"». The Big Issue. Արխիվացված է օրիգինալից 2015 թ․ սեպտեմբերի 23-ին. Վերցված է 2015 թ․ սեպտեմբերի 6-ին.
  25. ↑ Olsen, Juliane (2015 թ․ սեպտեմբերի 3). «HBO bekræfter nu, at Pilou Asbæk skal spille med i TV-serien som Euron Greyjoy i "Game of Thrones"». Billed Bladet. Վերցված է 2015 թ․ սեպտեմբերի 6-ին.
  26. ↑ Kastelan, Karsten (2011 թ․ փետրվարի 13). «Shooting Stars Initiative Showcases Rising European Stars at Berlinale». The Hollywood Reporter. Վերցված է 2015 թ․ սեպտեմբերի 6-ին.
  27. ↑ Bergløv, Emil (2012 թ․ դեկտեմբերի 17). «Pilou Asbæk vinder Ove Sprogøe Prisen». Politiken. Վերցված է 2015 թ․ սեպտեմբերի 6-ին.
 Վիքիպահեստն ունի նյութեր, որոնք վերաբերում են «Պիլու Ասբեկ» հոդվածին։
Ստացված է «https://hy.wiki.x.io/w/index.php?title=Պիլու_Ասբեկ&oldid=9742950» էջից