Պլանկի ժամանակ

Պլանկի ժամանակ, ժամանակի միավորը Պլանկի միավորների համակարգում։ Նշանակվում է t_P: Ունի ժամանակի չափողականություն։ Ինչպես մյուս Պլանկի միավորները, կազմված է հիմնարար ֆիզիկական հաստատուններից։ Այս մեծության ֆիզիկական իմաստը այն ժամանակն է, որի ընթացքում լույսի արագությամբ շարժվող մասնիկը անցնում է Պլանկի երկարությանը հավասար հեռավորություն։ Պլանկի միավորների համակարգը այդպես է կոչվել Մաքս Պլանկի պատվին։

Ըստ սահմանաման,

$t_{P}={\sqrt {\frac {\hbar G}{c^{5}}}}\approx 5{,}39121(40)\times 10^{-44}\qquad$ վ

որտեղ

$\hbar$-ը Դիրակի հաստատունն է,

$G$-ն՝ գրավիտացիոն հաստատունը,

$c$-ն՝ լույսի արագությունը վակուումում։

Նշանակությունը

Մեծ պայթյունի տեսության համաձայն, ոչինչ չենք ասել կարող ժամանակի սկզբնական պահի տիեզերքի մասին, չնայած ենթադրվում է, որ այնտեղ առկա են բոլոր հիմնարար փոխազդեցությունները, ինչպես նաև մատերիայի և էներգիայի բոլոր տեսակները։ Տարածություն-ժամանակը ընդարձակվել է սկսում մեկ կետից։ Ըստ ժամանակակից տեսական ֆիզիկայի, այդ իրադարձությունից մեկ Պլանկի ժամանակ անց գրավիտացիոն ուժերը առանձնանում են մյուս ուժերից։

Մեծ պայթյունի պահից անցած ժամանակը (4,3×10¹⁷վ) մոտավորապես 8×10⁶⁰ Պլանկի ժամանակ է։

Ներկայումս փորձնականորեն դիտարկելի ամենակարճ ժամանակահատվածը ատտովայրկյանի (10⁻¹⁸ վ) մեծություն է, ինչը համապատասխանում է 10²⁶ Պլանկի ժամանակի։

Տես նաև

• Պլանկի երկարություն

Արտաքին հղումներ

• Ընդհանուր աստղաֆիզիկայի դասընթաց ֆիզիկոսների համար, 1.5. Պլանկի միավորներ