Ջորդանա Բրյուստեր
Ջորդանա Բրյուստեր (անգլ.՝ Jordana Brewster, ապրիլի 26, 1980[1][2], Պանամա, Պանամա), բրազիլա-ամերիկյան դերպասանուհի, հայտնի շնորհիվ Միա Տորենտոյի դերի «Ֆորսաժ» («The Fast and the Furious») ֆիլմերի շարքում, «Ֆակուլտետ» («The Faculty»), «Տեխասյան սպանդ բենզոսղոցով. Սկիզբ» («The Texas Chainsaw Massacre: The Beginning») ֆիլմերում և «Դալլաս» («Dallas») սերիալում, որտեղ նա խաղում է Էլենա Ռամոսին, դերերով։
 անգլ.՝ Jordana Brewster | |
|---|---|
 Ջորդանա Բրյուստերը 2013 թվականին | |
| Ծնվել է | ապրիլի 26, 1980[1][2] (44 տարեկան) |
| Ծննդավայր | Պանամա, Պանամա |
| Կրթություն | Եյլի համալսարան և Berkeley College? |
| Քաղաքացիություն |  ԱՄՆ Բրազիլիա |
| Ազգություն | բրազիլա-ամերիկուհի |
| Մասնագիտություն | դերասանուհի |
| Ակտիվ շրջան | 1995 թվական - այժմ |
| Ընտրանի | «Ֆորսաժ» «Դալլաս» «Տեխասյան սպանդ բենզոսղոցով. Սկիզբ» |
| Ծնողներ | հայր՝ Alden Brewster?, մայր՝ Maria João? |
| Ամուսին(ներ) | Էնդրյու Ֆորմ |
| Երեխա(ներ) | Ջուլիան Բրյուստեր Ֆորմ (10.09.2013) |
 Ջորդանա Բրյուստեր՝ Վիքիպահեստ | |
Վաղ տարիներ
խմբագրելՋորդանա Բրյուստերը ծնվել է Պանամա Սիթի քաղաքում, Պանամա, ամերիկացի ներդրումային բանկիրի և Բրազիլիայից նախկին ֆոտոմոդել Մարիա Ժոաոի (ծնված Լեալ Դե Սոուզա) ընտանիքում[3]։ Ծնվելուց հետո, 6 տարվա ընթացքում, նա ապրել է Լոնդոնում, մինչ այն ժամանակ, երբ տեղափոխվում է մոր հայրենի քաղաք Ռիո դե Ժանեյրո, որտեղ սովորում է վարժ խոսել պորտուգալերեն[4]։ Այստեղ նա առաջին անգամ գրավում է բրազիլացի հանդիսատեսի ուշադրությունը, կատարելով պարուհու դերը հանրեճանադ մանկական շոույում։ 10 տարեկան հասակում նա տեղափոխվում է Նյու Յորք։ Բրյուստերը ուսուցում է անցնում Convent of the Sacred Heart-ում և ավարտում է Professional Children’s School դպրոցը Նյու Յորքում։ Այնուհետև նա ընդունվում է Եյլի համալսարան, որն ավարտում է 2003 թվականին։ Նրա հորական պապը՝ Քինգման Բրյուստեր-կրտսերը (անգլ.՝ Kingman Brewster, Jr.), 1963-1967 թվականներին եղել է Եյլի համալսարանի նախագահը[5]։
Կարիերա
խմբագրելԲրյուստերը նորամուտում է էպիզոդիկ դերով «Բոլոր իմ երեխաները» («All My Children») ցերեկային օճառապղպջակային օպերայում 1995 թվականին։ Դրանից քիչ անց նա ստանում է Նիկի Մենսոնի դերը «Ինչպես է պտտվում աշխարհը» («As The World Turns») օճառապղպջակային օպերայում, որը 1997 թվականին նրան բերում է նոմինացիա «Օճառային օպերաների դայջեսթ» մրցանակին «Լավագույն երիտասարդ դերասանուհի» անվանակարգում[6]։ Դրան զուգահեռ Բրյուստերը ուսուցանում էր դերասանական վարպետություն և 1998 թվականին նորամուտում է մեծ էկրանին «Ֆակուլտետ» դեռահասական թրիլերի գլխավոր դերերից մեկում[5]։ Հաջորդ տարի նա հայտնվում է «Վաթսունականները» («The 60’s») մինի-սերիալում, շուտով հեռանում է օճառային օպերայից, իսկ 2001 թվականին Քեմերոն Դիասի հետ նկարահանվում է «Անտեսանելի կրկես» («The Invisible Circus») ֆիլմում[5]։
Բրյուստերի կարիերայում բեկումնային է հանդիսանում 2001 թվականին «Ֆրսաժ» ֆիլմում դերը, որից քիչ անց նա կանոնավորապես վերին հորիզոնականներ է զբաղեցնում աշխարհի ամենասեքսուալ կանանց վարկանիշներում։ Այդ ժամանակաշրջանում Բրյուստերի նկատմամբ մամուլի լրացուցիչ հետաքրքրություն է առաջացնում նրա սիրավեպը Մարկ Ուոլբերգի հետ[5]։ Չնայած ֆիլմը մեծ հաջողություն է ունենում, նա որոշում է շարունակել ուսուցումը և էկրանների հաջորդ անգամ հայտնվում է միայն 2004 թվականին, խաղալով «Լրտեսները» («D.E.B.S.») ձախողակ կատակերգությունում։ Դրանից հետո նա գլխավոր դեր է խաղում «Գրեյսի կողքին» («Nearing Grace») անկախ դրամայում, իսկ 2006 թվականին հայտնվում է ընդդեմ Ջեյմս Ֆրանկոի «Մենամարտ» («Annapolis») ֆիլմում։ Նույն թվականին նա գլխավոր դեր է խաղում «Տեխասյան սպանդ բենզոսղոցով. Սկիզբ» («The Texas Chainsaw Massacre: The Beginning») սարսափ ֆիլմում, կոմերցիոն առումով ամենահաջողակ նախագիծը, որտեղ նա խաղացել է առաջատար դեր։
2007 թվականին Բրյուստերը փորձ է կատարում վերադառնալ հեռուստատեսություն ABC-ի համար «Միսթր և միսիս Սմիթ» պիլոտում գլխավոր դերով, հիմնված Անջելինա Ջոլիի հետ համանուն ֆիլմի վրա[7][8]։ Պիլոտն ուներ հսկայական բյուջե, սակայն ալիքը որոշում է այն չպատվիրել հետագա ցուցադրման համար[9]։ Դրանից անմիջապես հետո Բրյուստերը աստղի կարգավիճակով հրավիրվում է «Չակ» («Chuck») սերիալի մի քանի դրվագներում, իսկ այնուհետև վերադառնում է իր դերին «Ֆորսաժ» ֆիլմաշարում։ Նա նկարահանվում է «Ֆորսաժ 4» («Fast & Furious», 2009 թվական), «Ֆորսաժ 5» («Fast Five», 2011 թվական), «Ֆորսաժ 6» («Fast & Furious 6», 2013 թվական) և «Ֆորսաժ 7» («Furious 7», 2015 թվական) ֆիլմերում։
2011 թվականի սկզբին Բրյուստերը հրավիրվում է Ելենա Ռամոսի դերին «Դալլաս» («Dallas») հեռուստասերիալում, որը հանդիսանում է 1978-1991 թվականների համանուն հեռուստասերիալի շարունակությունը[10][11]։ Նրա կերպարը հանդիսանում է երկու առաջատար կանացի հերոսուհիներից մեկը, իսկ սերիալը մեկնարկում է 2012 թվականի հունիսին[12]։ 2014 թվականի հոկտեմբերի 3-ին սերիալը փակվում է երեք եթերաշրջանից հետո, վարկանիշի անկման պատճառով[13]։ Հաջորդ տարի Բրյուստերը իր վրա է վերցնում առաջատար դերեր երկու հատընտիր-սերիալներում՝ «Գաղտնիքներ և ստեր» («Secrets & Lies») ABC-ում և «Հանցագործությունների ամերիկյան պատմություններ. Ժողովուրդն ընդդեմ Օ. Ջեյ Սիմփսոնի» («American Crime Story») FX-ում[14][15]։
Անձնական կյանք
խմբագրել2007 թվականի մայիսի 6-ից Ջորդանան ամուսնացած է «Տեխասյան սպանդ բենզոսղոցով. Սկիզբ» ֆիլմի պրոդյուսեր Էնդրյու Ֆորմի հետ (ծնվել է 1972 թվականին), ում հետ նա հանդիպում էր իրենց ամուսնությունից դեռևս երկու տարի առաջվանից[4]։ Ամուսիններն ունեն որդի, ծնված փոխնակ մորից՝ Ջուլիան Բրյուստեր Ֆորմ (ծնված 10.09.2013 թվական)[16]։
2009 թվականին նա 8-րդ տեղն է զբաղեցնում «Maxim» ամսագրի «Hot 100» վարկանիշում[17]։
Ֆիլմագրություն
խմբագրելՖիլմեր
խմբագրել| Թվական | Անվանում | Բնօրինակ անվանում | Դեր | Ծանոթություն |
|---|---|---|---|---|
| 1998 | Ֆակուլտետ | The Faculty | Դելայլա Պրոֆիտ | |
| 2001 | Անտեսանելի կրկես | The Invisible Circus | Ֆիբի | |
| 2001 | Ֆորսաժ | The Fast and the Furious | Միա Տորետո | |
| 2004 | Լրտեսուհիներ | D.E.B.S. | Լյուսի Դայմոնդ | |
| 2005 | Գրեյսի կողքին | Nearing Grace | Գրեյս Չանս | |
| 2006 | Մենամարտ | Annapolis | Էյլի | |
| 2006 | Տեխասյան սպանդ բենզոսղոցով. Սկիզբ | The Texas Chainsaw Massacre: The Beginning | Կրիսսի | Անվանակարգում - Teen Choice Awards - Լավագույն դերասանուհի Անվանակարգում - Teen Choice Awards - Լավագույն վախ Անվանակարգում - Scream Awards - Բղավոցի Արքա |
| 2009 | Ֆորսաժ 4 | Fast & Furious | Միա Տորետո | Teen Choice Awards - Լավագույն դերասանուհի |
| 2011 | Ֆորսաժ 5 | Fast Five | Միա Տորետո | Անվանակարգում - Teen Choice Awards - Լավագույն դերասանուհի |
| 2013 | Ֆորսաժ 6 | Fast & Furious 6 | Միա Տորետո | |
| 2014 | Կողոպուտ ամերիկյան ձևով | American Heist[18] | Էմիլի | |
| 2015 | Տուն, սիրելի դժոխք | Home Sweet Hell | Դաստի | |
| 2015 | Ֆորսաժ 7 | Furious 7 | Միա Տորետո |
Հեռուստատեսություն
խմբագրել| Թվական | Անվանում | Բնօրինակ անվանում | Դեր | Ծանոթություն |
|---|---|---|---|---|
| 1995 | Բոլոր իմ երեխաները | All My Children | Անիտա Սանթոս | 1 դրվագ |
| 1995-2001 | Ինչպես է պտտվում աշխարհը | As The World Turns | Նիկի Մենսոն | 114 դրվագ Անվանակարգում - Օճառային օպերաների դայջեսթ - Լավագույն երիտասարդ դերասանուհի (1997 թվական) |
| 1999 | Վաթսունականները | The 60’s | Սառա Վայնստոկ | Մինի-սերիալ |
| 2007 | Միսթր և միսիս Սմիթ | Mr. and Mrs. Smith | Ջեյն Սմիթ | Պիլոտ |
| 2008-2010 | Չակ | Chuck | Ջիլլ Ռոբերթս | 4 դրվագ |
| 2010 | Քողարկման տակ | Dark Blue | Մարիա | 3 դրվագ |
| 2012-2014 | Դալլաս | Dallas | Ելենա Ռամոս | 40 դրվագ Անվանակարգում - ALMA մրցանակ - Լավագույն դերասանուհի դրամատիկ սերիալում (2012 թվական) |
| 2016 | Գաղտնիքներ և սուտ | Secrets & Lies | Քեյթ Ուորներ | |
| 2016 | Հանցագործությունների ամերիկյան պատմություններ | American Crime Story | Դենիզ Բրաուն |
Ծանոթագրություններ
խմբագրել- ↑ 1,0 1,1 Discogs — 2000.
- ↑ 2,0 2,1 GeneaStar
- ↑ Jordana Brewster profile. E! Online.
- ↑ 4,0 4,1 «Jordana Brewster: Biography». TV Guide. Արխիվացված օրիգինալից 2013 թ․ մայիսի 11-ին. Վերցված է 2013 թ․ մայիսի 4-ին.
- ↑ 5,0 5,1 5,2 5,3 «Jordana Brewster- Biography». Yahoo!. Արխիվացված օրիգինալից 2013 թ․ մայիսի 11-ին. Վերցված է 2013 թ․ մայիսի 4-ին.
- ↑ «Awards for Jordana Brewster». Internet Movie Database. Արխիվացված օրիգինալից 2013 թ․ մայիսի 11-ին. Վերցված է 2013 թ․ մայիսի 4-ին.
- ↑ Scott Weinberg (1 февраля 2007). «Jordana Brewster is the New "Mrs. Smith"». Rotten Tomatoes. Վերցված է 2013 թ․ մայիսի 4-ին.
- ↑ «Pilots: Brewster Takes on 'Mrs. Smith'». Zap2It. 2007 թ․ փետրվարի 1. Արխիվացված օրիգինալից 2013 թ․ մայիսի 11-ին. Վերցված է 2013 թ․ մայիսի 4-ին.
- ↑ «The Vine: 'Smith' gunning for new buyer». The Hollywood Reporter. 2007 թ․ մայիսի 18. Արխիվացված օրիգինալից 2013 թ․ մայիսի 11-ին. Վերցված է 2013 թ․ մայիսի 4-ին.
- ↑ Nellie Andreeva (29 января 2011). «The New Generation Of 'Dallas': Jordana Brewster Cast As Lead In TNT's Reboot». Deadline.com. Արխիվացված օրիգինալից 2013 թ․ ապրիլի 22-ին. Վերցված է 2013 թ․ ապրիլի 16-ին.
- ↑ Tom Ayres (30 января 2011). «Brewster cast in 'Dallas' reboot series». Digital Spy. Արխիվացված օրիգինալից 2013 թ․ ապրիլի 22-ին. Վերցված է 2013 թ․ ապրիլի 16-ին.
- ↑ «Elena Ramos Played by Jordana Brewster on Dallas». Soaps.com. Արխիվացված է օրիգինալից 2013 թ․ ապրիլի 22-ին. Վերցված է 2013 թ․ ապրիլի 16-ին.
- ↑ Emily Blake (3 октября 2014). «'Dallas' canceled by TNT». Entertainment Weekly. Արխիվացված է օրիգինալից 2014 թ․ հոկտեմբերի 4-ին. Վերցված է 2014 թ․ հոկտեմբերի 4-ին.
- ↑ «Jordana Brewster to play Denise Brown in American Crime Story: The People V. OJ Simpson». Entertainment Weekly. 30 апреля 2015. Վերցված է 2015 թ․ հուլիսի 31-ին.
- ↑ Denise Petski. «Jordana Brewster & Charlie Barnett Join 'Secrets & Lies' Season 2 - Deadline». Deadline. Վերցված է 2015 թ․ հուլիսի 31-ին.
- ↑ «Jordana Brewster, Husband Andrew Form Welcome Son Julian Brewster-Form Read more: http://www.usmagazine.com/celebrity-moms/news/jordana-brewster-husband-andrew-form-welcome-son-julian-brewster-form-2013109#ixzz2eaDjv681 Follow us: @usweekly on Twitter | usweekly on Facebook». US Magazine. 10 сентября 2013. Վերցված է 2013 թ․ սեպտեմբերի 11-ին.
{{cite web}}: External link in|title= - ↑ «2009 Hot 100 Pictures - 1 of 100 - Maxim Girls Photo Gallery | Maxim.com». Արխիվացված է օրիգինալից 2010 թ․ նոյեմբերի 4-ին. Վերցված է 2016 թ․ հունվարի 17-ին.
- ↑ Borys Kit (2013 թ․ հունիսի 24). «Adrien Brody, Jordana Brewster, Akon Join Thriller 'American Heist'». The Hollywood Reporter. Արխիվացված օրիգինալից 2013 թ․ հունիսի 29-ին. Վերցված է 2013 թ․ հունիսի 24-ին.
Արտաքին հղումներ
խմբագրել- Ջորդանա Բրյուստեր (անգլ.) Internet Movie Database կայքում
- Ջորդանա Բրյուստերը Թվիթերում
 | Վիքիպահեստն ունի նյութեր, որոնք վերաբերում են «Ջորդանա Բրյուստեր» հոդվածին։ |