Ռադոմիր Անտիչ

Ռադոմիր Անտիչ; սերբ.՝ Радомир Антић
Քաղաքացիությունը	Սերբիա
Ծննդյան ամսաթիվ	նոյեմբերի 22, 1948
Ծննդավայր	Žitište, Socialist Autonomous Province of Vojvodina, Սերբիայի Սոցիալիստական Հանրապետություն, ՀՍՖՀ
Մահվան ամսաթիվ	ապրիլի 6, 2020 (71 տարեկան)
Մահվան վայր	Մադրիդ, Իսպանիա
Դիրք	պաշտպան

Ռադոմիր (Ռադդի) Անտիչ (սերբ.՝ Радомир «Радди» Антић / Radomir «Raddi» Antić;նոյեմբերի 22, 1948(1948-11-22)^[1]^[2], Žitište, Socialist Autonomous Province of Vojvodina, Սերբիայի Սոցիալիստական Հանրապետություն, ՀՍՖՀ - ապրիլի 6, 2020(2020-04-06)^[3]^[4], Մադրիդ, Իսպանիա^[3]), հարավսլավացի ֆուտբոլիստ, սերբ ֆուտբոլային մարզիչ։

Կարիերա

Խաղացող

Անտիչը ծնվել է Ժիթիշտում՝ սերբական ընտանիքում, որը իր ծնվելուց քիչ առաջ բնակություն է հաստատել Բանատ փոքրիկ քաղաքում (իր հայրը՝ Յովան Յանովիչը Բիելինայի, Բոսնիայի և Հերցեգովինայի հարևանությամբ գտնվող գյուղից է, մայրը՝ Միլկան, Գրմեց շրջանից)։ Այնուհետև երբ Ռադոմիրը վեց տարեկան էր, ընտանիքը տեղափոխվեց Տիտովո-Ուժիցե։ Նա սկսեց իր կարիերան Տիտովո-Ուժիցեյի «Սլոբոդա» ֆուտբոլային ակումբում (1967–1970), այնուհետև տեղափոխվեց Բելգրադի «Պարտիզան» ակումբ (1970-1977), որտեղ խաղացել է իր կարիերայի մեծ մասը։

1977 թվականի ամռանը պայմանագիր է կնքել թուրքական «Ֆեներբախչե» ակումբի հետ։ Նախքան Լա Լիգա տեղափոխվելը՝ որտեղ հանդես է եկել «Ռեալ Սարագոսայում», նա երկու տարի անցկացրել է Ստամբուլում։

1980 թվականին Անտիչը տեղափոխվել է «Լուտոն Թաուն», 1981/82 մրցաշրջանում օգնել է նրանց հաղթել Անգլիայի երկրորդ դիվիզիոնում, ակումբում խաղացել է մինչև 1984 թվականը։ Անգլիայում հայտնի է որպես Ռեդդի, 1983 թվականի մայիսին նա խփել է գոլ, որը փրկել է ակումբին խուսափել բարձրագույն դիվիզիոնից դուրս գալուց։ Դա տեղի է ունեցել խաղային ժամանակի ավարտից չորս րոպե առաջ «Մանչեսթեր Սիթիի» դեմ մրցաշրջանի վերջին խաղում, որն անցկացվել է Մանչեսթերի «Մեյն Ռոուդ» մարզադաշտում^[5]։

Ռադոմիր Անտիչը ազգային հավաքականի կազմում իր միակ հանդիպումն անցկացրել է 1973 թվականի սեպտեմբերի 26-ին Հունգարիայի դեմ (1:1)։

Մարզչական

Անտիչը պատմության մեջ միակ մարզիչն է, ով տարբեր ժամանակներում գլխավորել է Մադրիդի «Ռեալ»-ը և «Ատլետիկո»-ն, ինչպես նաև «Բարսելոնա»-ն։ 1996 թվականին «Ատլետիկո Մադրիդ»-ի հետ Անտիչը հասել է «ոսկե դուբլի»՝ հաղթելով առաջնությունը և Իսպանիայի գավաթը։

2004 թվականի մարտին նա հեռացել է «Սելտա»-ից, որը դուրս էր եկել երկրորդ դիվիզիոն, և չորս տարուց ավելի մնացել առանց մարզչական աշխատանքի։ Սերբիայի հավաքականը, որն առաջին անգամ հանդես էր գալիս Չեռնոգորիայի հավաքականից առանձին, Անտիչը գլխավորել է միայն 2010 թվականի աշխարհի առաջնության ընտրական փուլի մեկնարկից երկու շաբաթ առաջ։ Անտիչը Միլոշ Կրասիչին անմիջապես վերադարձրել է հավաքականի թիմ, ով այն ժամանակ խաղում էր մոսկովյան «ԲԿՄԱ»-ում, սակայն Միրոսլավ Ջուկիչի գլխավորությամբ չէր խաղում ազգային հավաքականի թիմում, իսկ Ֆարերյան կղզիների հավաքականի դեմ առաջին խաղում Նենադ Միլիաշը և Միլան Օբրադովիչը Սերբիայի հավաքականի կազմում նշել են իրենց նորամուտը։ Ֆարերցիների հետ խաղից չորս օր անց սերբները պարտվել են Ֆրանսիայի հավաքականին, որից հետո հաղթել են ընտրական մրցաշարի յոթ հաջորդ խաղերից վեցում և վաղաժամ ապահովել իրենց առաջին տեղը խմբում՝ ստիպելով ֆրանսիացիներին մասնակցել հարթակային խաղերին։ Հաղթանակի ավանդույթները շարունակվել են նաև ընկերական խաղերում։ Ընտրական մրցաշարից հետո սերբները հաղթել են չորս խաղ՝ ընդհանուր 10:0 հաշվով, ընդ որում բոլոր խաղերը եղել են արտագնա, իսկ դրանցից երեքում սերբներին դիմակայել են 2010 թվականի աշխարհի առաջնության մասնակիցները. Անտիչի թիմը նույն հաշվով հաղթեց Ալժիրի և Ճապոնիայի թիմերին (3:0), ինչպես նաև ուժեղ գտնվեց Հարավային Կորեայի թիմից՝ (1:0) Միայն վերջին ընկերական խաղում սերբերը չեզոք դաշտում պարտվեցին Նոր Զելանդիայի ընտրանուն՝ (0:1)^[6]։

Աշխարհի առաջնությունում Սերբիան այնքան էլ հաջող չի հանդես եկել՝ պարտվելով Գանայի հավաքականին։ Սակայն հաջորդ խաղում՝ ընդդեմ գերմանացիների, սերբերը սենսացիա ստեղծեցին՝ հաղթելով նրանց 1։ 0 հաշվով։ Ավստրալիայի հավաքականի դեմ վճռորոշ խաղում սերբերը պարտվեցին 1:2 հաշվով և չկարողացան դուրս գալ փլեյ-օֆֆ։

2010 թվականի հուլիսին Անտիչը ՖԻՖԱ-ի կողմից որակազրկվել է չորս խաղով։ Այս ընթացքում Անտիչին Սերբիայի հավաքականի գլխավոր մարզչի պաշտոնում կարող էր փոխարինել Կատարի հավաքականի մարզիչ Բորա Միլուտինովիչը, ում հետ բանակցություններ էր վարում Սերբիայի ֆուտբոլային միությունը^[7]։

2012 թվականի դեկտեմբերի 25-ին նա երկու տարվա պայմանագիր է կնքել չինական Սուպերլիգայի «Շանդուն Լունենգ» ակումբի հետ^[8]։ Սակայն մեկ տարի անց մասնագետը լքել է պաշտոնը։

Ձեռքբերումներ

Որպես ֆուտբոլիստ

«Պարտիզան»

Հարավսլավիայի չեմպիոն․ 1975/76

«Ֆեներբախչե»

Թուրքիայի չեմպիոն․ 1977/78

«Լուտոն Թաուն»

Ֆուտբոլային լիգայի երկրորդ դիվիզիոնի հաղթող․ 1981/82

Որպես մարզիչ

«Ատլետիկո Մադրիդ»

Իսպանիայի չեմպիոն․ 1995/96
Իսպանիայի գավաթի հաղթող․ 1996

Ընտանիք

Ռադոմիրի կնոջ անունը Վերա է։ Նրանք երկու երեխա ունեն՝ դուստր Անան (ամուսնացած է բասկետբոլիստ Նիկոլա Լոնչարի հետ) և որդի Դուշանը (ամուսնացած է Միրիանի հետ)։ Թոռներ՝ Մարկ և Ռադոմիր, թոռնուհիներ՝ Իվանա և Պետրա։

Անձնական կյանք

Իսպանիայում Անտիչը ապրել է Մադրիդում և Մարբելում։

Նա մահացել է 2020 թվականի ապրիլի 6-ին Մադրիդում՝ վերջին տարիներին տառապելով պանկրեատիտով։

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 Enciclopèdia de l'esport català (կատ.) — Grup Enciclopèdia, 2012.
↑ ^3,0 ^3,1 ^3,2 ^3,3 ^3,4 ^3,5 FútbolMuere Radomir Antic, una leyenda de los banquillos (իսպ.) // (untranslated) — 2020.
↑ ^4,0 ^4,1 ^4,2 Football : l’ex-entraîneur du Real et du Barça Radomir Antic est décédé (ֆր.) // Le Monde / J. Fenoglio — Paris: Société éditrice du Monde, 2020. — ISSN 0395-2037; 1284-1250; 2262-4694
↑ Collings, Tim. (2010 թ․ հունիսի 12). «Raddy Antic: From Pleat's memorable jig to showdown with Capello» (անգլերեն). Independent. Արխիվացված օրիգինալից 2017 թ․ դեկտեմբերի 16-ին. Վերցված է 2017 թ․ դեկտեմբերի 16-ին.
↑ «Карта мира. Сербия — Футбол — Sports.ru». Արխիվացված օրիգինալից 2010 թ․ սեպտեմբերի 26-ին. Վերցված է 2010 թ․ դեկտեմբերի 5-ին.
↑ «Сборную Сербии может возглавить Милутинович — Футбол — Sports.ru». Արխիվացված օրիգինալից 2010 թ․ սեպտեմբերի 5-ին. Վերցված է 2010 թ․ դեկտեմբերի 5-ին.
↑ «鲁能足球俱乐部与安蒂奇正式签约». Shandong Luneng Taishan official website. 2012 թ․ դեկտեմբերի 25. Արխիվացված է օրիգինալից 2013 թ․ հունվարի 24-ին. Վերցված է 2012 թ․ դեկտեմբերի 25-ին.

Վիքիպահեստն ունի նյութեր, որոնք վերաբերում են «Ռադոմիր Անտիչ» հոդվածին։

[_cfd1cadf494b4637-1] 1,0 ^1,1 Transfermarkt.com(բազմ․) — 2000.

[_722bf73a5f6898d6-2] 2,0 ^2,1 Enciclopèdia de l'esport català (կատ.) — Grup Enciclopèdia, 2012.

[_a55270f3762285ac-3] 3,0 ^3,1 ^3,2 ^3,3 ^3,4 ^3,5 FútbolMuere Radomir Antic, una leyenda de los banquillos (իսպ.) // (untranslated) — 2020.

[_3d614717ff62cb4f-4] 4,0 ^4,1 ^4,2 Football : l’ex-entraîneur du Real et du Barça Radomir Antic est décédé (ֆր.) // Le Monde / J. Fenoglio — Paris: Société éditrice du Monde, 2020. — ISSN 0395-2037; 1284-1250; 2262-4694

[5] Collings, Tim. (2010 թ․ հունիսի 12). «Raddy Antic: From Pleat's memorable jig to showdown with Capello» (անգլերեն). Independent. Արխիվացված օրիգինալից 2017 թ․ դեկտեմբերի 16-ին. Վերցված է 2017 թ․ դեկտեմբերի 16-ին.

[6] «Карта мира. Сербия — Футбол — Sports.ru». Արխիվացված օրիգինալից 2010 թ․ սեպտեմբերի 26-ին. Վերցված է 2010 թ․ դեկտեմբերի 5-ին.

[7] «Сборную Сербии может возглавить Милутинович — Футбол — Sports.ru». Արխիվացված օրիգինալից 2010 թ․ սեպտեմբերի 5-ին. Վերցված է 2010 թ․ դեկտեմբերի 5-ին.

[8] «鲁能足球俱乐部与安蒂奇正式签约». Shandong Luneng Taishan official website. 2012 թ․ դեկտեմբերի 25. Արխիվացված է օրիգինալից 2013 թ․ հունվարի 24-ին. Վերցված է 2012 թ․ դեկտեմբերի 25-ին.

[1]

[2]

[3]

[4]

[5]

[6]

[7]

[8]