Ռազմածովային նավատորմ

Ռազմածովային նավատորմ (ՌԾՆ, որոշ երկրներում անվանում են ռազմածովային ուժեր` ՌԾՈԻ), զինված ուժերի տեսակ, ռազմական գործողությունների օվկիանոսային և ծովային ռազմաբեմերում ռազմավարական և օպերատիվ խնդիրներ լուծելու համար։ Մեծ երկրների ՌԾՆ-երը իրենց կազմում ունեն ծովային տարբեր զորատեսակների (վերջրյա և ստորջրյա նավեր, ծովային ավիացիա, առափնյա պաշտպանության զորքեր, ծովային հետևակ և այլն) միավորումներ։

Հռոմեական տրիռեմա

Իսպանիայի ՛՛Անպարտելի Արմադայի՛՛ ճակատամարտը Անգլիայի ռազմածովային նավատորմի դեմ Գրեյվլայնսի ճակատամարտոում, 1588 թվական

Խորհրդային (սովետական) ՌԾՆ ստեղծելու դեկրետը 1918 թվականի հունվարի 29-ին (փետրվարի 11-ին)] ստորագրել է Վ․ Ի․ Լենինը։ Կազմակերպական առումով ԽՍՀՄ ՌԾՆ-ն կազմված է եղել հետևյալ զորամիավորումներից.

• Հյուսիսային նավատորմ,
• Բալթիական նավատորմ,
• Խաղաղօվկիանոսյան նավատորմ,
• Սևծովյան նավատորմ,
• Կասպիական նավատորմիղ,
• Լենինգրադի ռազմածովային բազա։

Ռուսաստանի հյուսիսային նավատորմի նավերի շքերթը 2010 թվականի մայիսի 9-ին

Ժամանակակից ՌԾՆ-երը կարող են ավիացիայով և հրթիռային զենքով հարվածներ հասցնել հակառակորդի կարևոր օբյեկտներին, ափ հանել ռազմավարական, օպերատիվ և մարտավարական խնդիրներ լուծող դեսանտներ («Մոսկվա» հակասուզանավային հածանավը՝ նաև օդային), ոչնչացնել հակառակորդի ՌԾՈԻ խափանել հաղորդակցությունը, պաշտպանել սեփական օբյեկտները են։ ՌԾՆ-երը հագեցված են տարբեր նշանակության հրթիռային, տորպեդային, հրետանային, ականային և միջուկային (ատոմային և ջրածնային) զենքով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։