Ռիկ Ֆլեյր
Ռիչարդ Մորգան (Ռիկ) Ֆլեր[3] (անգլ.՝ Richard Morgan Fliehr, փետրվարի 25, 1949[4], Մեմֆիս, Թենեսի, ԱՄՆ), առավել հայտնի Ռիկ Ֆլեյր (Ric Flair) ռինգային անվամբ, ամերիկացի նախկին պրոֆեսիոնալ ըմբշամարտիկ (ռեստլեր), NWA (2008), WWE (2008, 2012) և Պրոֆեսիոնալ ըմբշամարտի փառքի սրահների (2006) անդամ։ Ունենալով ավելի քան 40 տարվա մասնագիտական կարիերա, Ֆլեյրը համարվում է ռեստլինգի բոլոր ժամանակների լավագույն մարզիկներից մեկը։ Առավել ուշագրավ և տևական կարիերա է ունեցել «National Wrestling Alliance» (NWA), «World Championship Wrestling» (WCW), «World Wrestling Federation» (WWF, ավելի ուշ՝ WWE) և «Total Nonstop Action Wrestling» (TNA) կազմակերպություններում։
| Ռիկ Ֆլեյր Ric Flair | |
|---|---|
 | |
| Իրական անուն | Ռիչարդ Մորգան Ֆլեր Richard Morgan Fliehr |
| Ռինգային անուն(ներ) | Ռիկ Ֆլեյր[1] Սև կարիճ[1] |
| Ընդհանուր տեղեկություններ | |
| Հայտարարվող քաշ | 110 կգ[2] |
| Հայտարարվող հասակ | 1,85 մ[2] |
| Ծննդյան թվական | փետրվարի 25, 1949 (75 տարեկան) |
| Ծննդավայր |  Մեմֆիս, Թենեսի, ԱՄՆ |
| Ապրելավայր | Շառլոթ, Հյուսիսային Կարոլինա, ԱՄՆ |
| Մարզիչ | Վեռն Գանյե |
| Դեբյուտ | 1972 |
| Կարիերայի ավարտ | 2011 |
| Ամուսին | Լեսլի Գուդման (1971–83) Էլիզաբեդ Ֆլեյր (1983–2006) Տիֆանի ՎանԴեմարկ (2006–09) Ջեքի Բիմս (2009-այժմ) |
| Երեխաներ | 4 |
«WWE»-ն, «TNA»-ը և «Pro Wrestling Illustrated» պարբերականը Ֆլեյրին ճանաչում են որպես աշխարհի 16-ակի չեմպիոն (ութ անգամ NWA աշխարհի ծանրքաշային, վեց անգամ WCW աշխարհի ծանրքաշային և երկու անգամ WWF չեմպիոն)։ Ֆլեյրի աշխարհի չեմպիոնական տիտղոսների փաստացի քանակը, ըստ տարբեր աղբյուրների տատանվում է 16-ից 25-ի միջև։ «NWA», «WCW» և «WWE» կազմակերպություններում ընդհանուր առմամբ նվաճել է 31 չեմպիոնական գոտիներ։
2008 և 2012 թվականներին առաջադրվել է WWE փառքի սրահ՝ համապատասխանաբար որպես անհատ մարզիկ և որպես «Չորս հեծյալներ» խմբավորման անդամ (Արն Անդերսոնի, Օլ Անդերսոնի և Թալի Բլենչարդի հետ)։
Ծանոթագրություններ
խմբագրել- ↑ 1,0 1,1 «Էջը OWOW.com կայքում». Ռեստլինգի առցանց բազա. Վերցված է 2008 թ․ օգոստոսի 29-ին.
- ↑ 2,0 2,1 «Էջը WWE.com կայքում». World Wrestling Entertainment. Վերցված է 2011 թ․ մարտի 31-ին.
- ↑ «Փաուեր սլեմ». Այս ամիսը պատմության մեջ՝ փետրվար. SW Publishing. հունվար, 1999. էջ 28. 55.(անգլ.)
- ↑ https://pantheon.world/profile/person/Ric_Flair
Արտաքին հղումներ
խմբագրել- Պաշտոնական կայք(անգլ.)
- Մարտերի ցանկը Ռեստլինգի համացանցային բազայում(անգլ.)
- Էջը Պրոֆեսիոնալ ըմբշամարտի փառքի սրահի կայքում Արխիվացված 2009-07-05 Wayback Machine(անգլ.)
- Էջ WWE.com կայքում(անգլ.)
- Էջը Impactwrestling.com կայքում Արխիվացված 2011-05-30 Wayback Machine(անգլ.)
 | Վիքիպահեստն ունի նյութեր, որոնք վերաբերում են «Ռիկ Ֆլեյր» հոդվածին։ |