Ռոբինսոն Ստևենեն

Ռոբինսոն Ստևենեն (ֆր.՝ Robinson Stévenin; մարտի 1, 1981(1981-03-01), Լոն-լե-Սոնիե), ֆրանսիացի դերասան, «Խենթ պատմություն» ֆիլմում հանդես է եկել Սողոմոն Թեհլիրյանի դերում։

Ռոբինսոն Ստևենեն
Ծննդյան թիվ՝	մարտի 1, 1981(1981-03-01) (43 տարեկան)
Ծննդավայր՝	Լոն-լե-Սոնիե
Քաղաքացիություն՝	Ֆրանսիա
Մասնագիտություն՝	դերասան, կրկնօրինակող և հեռուստատեսային դերասան
Պարգևներ՝	«Սեզար» մրցանակ՝ ամենախոստումնալի դերասանի համար
IMDb։	ID 0836682

Կենսագրություն

Ծնվել է 1981 թվականի մարտի 1-ին Լոն-Լե-Սոնյեում։ Նրա հայրը՝ Ժան-Ֆրանսուա Ստևենենը, հայտնի դերասան է։

1986 թվականին՝ 5 տարեկան հասակում, իր առաջին դերն է խաղացել հոր «Կրկնակի պարոնայք» կարճամետրաժ ֆիլմում, իսկ երեք տարի անց նկարահանվել է մեկ այլ «L’hydrolution» կարճամետրաժ ֆիլմում։

11 տարեկանում՝ 1992 թվականին, նա սկսել է նկարահանվել հեռուստատեսությունում և նաև իր եղբոր՝ Սագամորի հետ խաղացել է «Երեխաների ընդվզումը» ֆիլմում, որի համար Փարիզի կինոփառատոնում ստացել է «Լավագույն դերասան» մրցանակը։ Ռոբինսոնը նաև գլխավոր դեր է խաղացել «Un ballon dans la tête» հեռուստաֆիլմում։

1999 թվականին նա առաջին գլխավոր դերն է խաղացել «Հիմար ծանոթություններ» ֆիլմում, որի համար «Սեզար» մրցանակի է առաջադրվել «Ամենահեռանկարային դերասան» անվանակարգում։ Նկարահանումների ժամանակ Ռոբինսոնը ծանոթացել է Լու Դուայոնի հետ, որի հետ հանդիպել է մինչև 2001 թվականը։

2002 թվականին Ստևենենն արժանացել է «Սեզար» մրցանակի՝ որպես «Ամենախոստումնալից դերասան» «Վատ վարվելակերպ» ֆիլմում իր դերի համար։ Նույն թվականին փոքր դեր է խաղացել «Երկու» ֆիլմում։ Չնայած ամերիկացի քննադատները նրան անվանել են «ֆրանսիական Մարլոն Բրանդո» մականունով, նա չի ստացել Կոմս Օդոյի դերն անգլիական «Վիկինգներ» սերիալում անգլերենի վատ իմացության պատճառով։

Երեք տարվա բացակայությունից հետո՝ 2006 թվականին, խաղացել է «Իմ գնդապետը» ֆիլմում։ Հաջորդ տարի խաղացել է «Նախորդ գիշերվա երազը» ֆիլմում։ Նաև հանդես է եկել «Ագաթա Քրիստիի խորհրդավոր սպանությունները» հեռուստասերիալի երկրորդ դրվագում։

2009 թվականին Ռոբեր Կետիկյանը հրավիրել է Ստևենենին նկարահանվել իր «Հանցագործների բանակ» ֆիլմում, իսկ 2015 թվականին՝ «Խենթ պատմություն» ֆիլմում։

Ֆիլմագրություն

Տարեթիվ	Բնօրինակ անվանում	Դեր
1989	L'hydrolution	Տղա
1991	Ils n'avaient pas rendez-vous	Թոմաս
1992	La Crise	Բորինի որդի
	La révolte des enfants	Ռեյս Մոթ
	Un ballon dans la tête	Փոքրիկ
1993	Lucas	Լուկաս
	L'instit	Գիյոմ
1994	Stop	Դեռահաս
	L'amour est un jeu d'enfant	Բենջամին Անչելոտ
	Le fils du cordonnier	Պիեր
1996	Le bel été 1914	Գաբրիել
1997	La femme du pêcheur	Վինսենթ
1998	La petite graine
1999	Bad Company	Լաուրենտ
2001	Mauvais genres	Բո
2002	Two	Հեծանվորդ
	Mischka	Ձեռնաշղթաներով տղա
2003	His Brother	Մանուել
	Փոքրիկ Լիլին	Ջուլիեն Մարսո
2006	The Colonel	Լեյտենանտ Գայ Ռոսսի
	Transe
	C'est beau une ville la nuit	Պաուլո
2007	Actrices	Ժուլիեն
	Bluesbreaker	Ռենե
2008	Sur ta joue ennemie	Ժուլիեն
2009	The Army of Crime	Մարսել Ռաջման
	L'école du pouvoir	Աբել Կամանսկի
	Les Petits Meurtres d'Agatha Christie	Ժան
	Au siècle de Maupassant	Էնթոնի
2010	Io sono con te	Սապիենտ
	Les amants naufragés	Սթան Միրկին
	Les vivants et les morts	Ռուդի
2011	The Snows of Kilimanjaro	Լիազոր
	Le secret de l'enfant-fourmi	Դիդիե Ջերմայն
2012	Of Snails and Men	Օլիվիեր
	Hénaut président	Ալեքսանդր
	Les pirogues des hautes terres	Պիեր Մարի
2013	Le renard jaune	Փիլ
	Le silence des églises	Գաբրիել Գոֆին
2015	Անտոն Չեխով (ֆիլմ)	Կոլիա Չեխով
	Խենթ պատմություն (ֆիլմ)	Սողոմոն Թեհլիրյան
	Les brigands	Ֆրանց
	Une mère en trop	Լեյտենանտ Սեգուրա
	Neuf jours en hiver	Աուրելիեն
2016	Fui banquero	Օլիվիեր Բորեգարդ
	Des racines	Պիերո
	Glacé : The Frozen Dead	Ռաֆայել Դելոնեյ
2017	La Mante	Ալեքս Քրոզեթ
2018	Krieg der Träume	Մարսել Ժամե

Արտաքին հղումներ

Վիքիպահեստն ունի նյութեր, որոնք վերաբերում են «Ռոբինսոն Ստևենեն» հոդվածին։