Վիքիպեդիա

Վաղինակ Բեքարյան

հայ արձակագիր, բանաստեղծ, ուսուցիչ
Վիքիպեդիայում կան հոդվածներ Բեքարյան ազգանունով այլ մարդկանց մասին։

Վաղինակ Գրիգորի Բեքարյան (փետրվարի 5, 1891(1891-02-05), Պարտիզակ - հունիսի 15, 1975(1975-06-15), Երևան, Հայկական ԽՍՀ, ԽՍՀՄ), հայ մանկավարժ, բանաստեղծ, արձակագիր։

Վաղինակ Բեքարյան
Ծնվել էփետրվարի 5, 1891(1891-02-05)
ԾննդավայրՊարտիզակ
Վախճանվել էհունիսի 15, 1975(1975-06-15) (84 տարեկան)
Վախճանի վայրԵրևան, Հայկական ԽՍՀ, ԽՍՀՄ
Մասնագիտությունարձակագիր, բանաստեղծ և ուսուցիչ
Քաղաքացիություն Օսմանյան կայսրություն և  ԽՍՀՄ
ԿրթությունԿեդրոնական վարժարան և ՀԱՊՀ
Ուշագրավ աշխատանքներԴժոխքը երկրի վրա
ԶավակներՑոլակ Բեքարյան և Արա Բեքարյան
Վաղինակ Բեքարյան Վիքիդարանում
 Vakhinak Bekaryan Վիքիպահեստում

Կենսագրություն

խմբագրել

Վաղինակ Բեքարյանը ծնվել է 1891 թվականին Թուրքիայի հայկական Պարտիզակ ավանում։ Սկզբնական կրթությունը ստացել է տեղական դպրոցում, ապա շարունակել Կոստանդնուպոլսի Կեդրոնական վարժարանում։

1908 թվականի Օսմանյան սահմանադրությունից հետո Բեքարյանը կնոջ հետ տեղափոխվում է Աֆիոն-Կարահիսար և երկուսով դասավանդում են ազգային կենտրոնական միջնակարգ դպրոցում[1]։ 1915 թվականին Բեքարյանին հրավիրում են Երուսաղեմ Ժառանգավորաց վարժարանում դասավանդելու, որտեղ նրա ընտանիքը անց է կացնում եղեռնի օրերը։ Եղեռնից հետո Պորտ Սաիդում դասավանդում է փախստական մուսալեռցիների վրանաքաղաքում։ 1916 թվականից Եթովպիայի հայկական գաղթօջախի հրավերով տեղափոխվում է Ադիս Աբեբա և այնտեղ հիմնում հայկական դպրոց[2]։ 1922 թվականին տեղափոխվում են Փարիզ, իսկ 1925 թվականին Հայաստան։ Ավարտում է Երևանի պոլիտեխնիկական ինստիտուտըի քիմիական ֆակուլտետը։ Ուսմանը զուգահեռ դասավանդել է Էջմիածնում, Երևանի դպրոցներում և մանկավարժական ինստիտուտում[3]։

Ստեղծագործությունները

խմբագրել

Սփյուռքի մամուլում լույս են տեսել նրա արձակ և չափածո գործերը։ 1923-1924 թվականներին թղթակցել է «Կոչնակ Հայաստանի» և «Հառաջ» թերթերին Աբել Միաճիկյան կեղծանունով։

  • Քառյակներ 1925 թ.
  • «Սուտ Հարսը», (վիպակ) 1945, 1963 Երևան
  • «Դժոխքը երկրի վրա» (վեպ), 1959 Երևան
  • «Գառնիում», «Ոսուցչուհու հիշատակարանը», «Մանկության հուշեր» (մի գրքով) 1967 Երևան
  • «Ձեզնից անմեղը» (վիպակ) 1970 Երևան
  • «Վաղարշապատ», (անտիպ)
  • «Մի տարի Էջմիածնում» (անտիպ)

Ծանոթագրություններ

խմբագրել
  1. ↑ Կ. Ա. Չերքեզյան, «Աֆիոն-Կարահիսարի հայ գաղթօջախը» 1986, Երևան
  2. ↑ Կարպիս Սուրենյան, «Բնիկ ո՞րտեղացի եք», 1969 Երևան
  3. ↑ Գառնիկ Ստեփանյան, Կենսագրական բառարան, հատոր Ա,, Հայաստան հրատարակչություն, Երևան 1973, էջ 198
 
Ադիս Աբեբայի հայկական դպրոցի սաները 1918 թ., ուսուցիչներ՝ Մառի և Վաղինակ Բեքարյաններ
 
Վաղինակ և Մառի Բեքարյանների Ադիս-Աբեբայում Ազգային Արարատյան Վարժարանը հիմնելը հաստատող գրությունը։
 Վիքիդարանն ունի նյութեր, որոնք վերաբերում են «Վաղինակ Բեքարյան» հոդվածին։
 Վիքիպահեստն ունի նյութեր, որոնք վերաբերում են «Վաղինակ Բեքարյան» հոդվածին։
Ստացված է «https://hy.wiki.x.io/w/index.php?title=Վաղինակ_Բեքարյան&oldid=9732029» էջից