Վիքիպեդիա

Վիրջիլ Աբլո

Վիրջիլ Աբլո (անգլ.՝ Virgil Abloh, ՄՖԱ [[|/æbloʊ/]], սեպտեմբերի 30, 1980(1980-09-30)[1], Ռոքֆորդ[1] - նոյեմբերի 28, 2021(2021-11-28)[2][3][1][…], Չիկագո[1]), ամերիկացի նորաձևության և հագուստի դիզայներ, 2018 թվականի մարտից զբաղեցնում է Louis Vuitton ապրանքանիշի տղամարդկանց հագուստի գծով գեղարվեստական ղեկավարի պաշտոնը։ Բացի Louis Vuitton-ում աշխատանքից, նաև իսպանական Off-White լեյբլի, 2013 թվականին Աբլոյի հիմնադրած նորաձևության տան գործադիր տնօրենն է։

Վիրջիլ Աբլո
անգլ.՝ Virgil Abloh
Դիմանկար
Ծնվել էսեպտեմբերի 30, 1980(1980-09-30)[1]
ԾննդավայրՌոքֆորդ[1]
Մահացել էնոյեմբերի 28, 2021(2021-11-28)[2][3][1][…] (41 տարեկան)
Մահվան վայրՉիկագո[1]
Քաղաքացիություն ԱՄՆ
ԿրթությունԻլինոյսի տեխնոլոգիայի ինստիտուտ[4], Վիսկոնսինի համալսարան Մեդիսոնում[4] և Boylan Catholic High School?
ԵրկերVirgil Abloh: “Figures of Speech”?[5]
Մասնագիտությունդիզայներ, դիջեյ, ոճաբան, քաղինժեներ, երաժշտական պրոդյուսեր, կոմպոզիտոր և ճարտարապետ
ԱշխատավայրLouis Vuitton և Off-White
ԱմուսինShannon Sundberg?[1]
Պարգևներ և
մրցանակներ
Կայքcanary---yellow.com
 Virgil Abloh Վիքիպահեստում

Աբլոն ծնվել է Ռոքֆորդ քաղաքում՝ Իլինոյս նահանգում՝ Գանայից ներգաղթյալների ընտանիքում։ 2002 թվականին ավարտել է Մադիսոնի Վիսկոնսինի համալսարանը և 20006 թվականին՝ Իլինոյսի տեխնոլոգիական ինստիտուտը՝ քաղաքաշինության և ճարտարապետության գծով դիպլոմներով։ Նորաձևության աշխարհ մուտք է գործել 2009 թվականին Fendi-ի հետ, որտեղ ծանոթացել է ռեփեր Քանյե Ուեսթի հետ։ Սկսել է ակտիվ համագործակցել Ուեսթի հետ տարբեր ստեղծագործական նախագծերում, ինչը հետագայում ներշնչել է Աբլոյին հագուստի իր սեփական ապրանքանիշը՝ Off-White-ը։ Time ամսագիրը Աբլոյին ներառել է «Time 100»-ում՝ 2018 թվականին աշխարհի հարյուր ամենաազդեցիկ մարդկանց ցանկում[7]։

Վաղ տարիներ

խմբագրել

Վիրջիլ Աբլոն ծնվել է 1980 թվականի սեպտեմբերի 30-ին Ռոքֆորդում՝ գանացի ներգաղթյալների ընտանիքում[8]։ Նրա մայրը դերձակ է[9]։ Աբլոն մեծացել է Ռոկֆորդում, որտեղ այցելել է մասնավոր կաթոլիկ դպրոց, որն ավարտել է 1998 թվականին[8]։ Ավագ դպրոցում ծանոթացել է իր ապագա կնոջ՝ Շենայի հետ[10]։ Նա Մադիսոնի Վիսկոնսինի համալսարանը ավարտել է 2002 թվականին՝ քաղաքաշինության բակալավրի դիպլովով[8]։ 2006 թվականին Աբլոն ավարտել է Իլինոյսի տեխնոլոգիական ինստիտուտը՝ ճարտարագետի մագիստրոսի դիպլոմով[11]։

Կարիերա

խմբագրել

2009-2013՝ ճանապարհ դեպի հայտնիության

խմբագրել

2009 թվականին համալսարանն ավարտելուց հետո Աբլոն ստաժավորման է մտել Fendi նորաձևության տուն՝ հայտնվելով Քայնե Ուեսթի հետ նույն խմբում[8]։ Գտնվելով Հռոմի, Իտալիայի Fendi գրասենյակում՝ Աբլոն և Քայնեն սկսել են համագործակցել ստեղծագործական նախագծերում[8]։ Մեկ տարի անց Ուեսթը Աբլոյին նշանակել է իր DONDA գովազդային գործակալության ստեղծագործական տնօրեն[8]։ 2011 թվականին Ուեսթը Աբլոյին նշանակել է արտ-տնօրենի պաշտոնում՝ Jay-Z-ի և Քայնե Ուեսթի համատեղ «Watch the Throne» ալբոմի թողարկմանը պատրաստելու համար[8]։ 2012 թվականին Աբլոն գրանցել է իր առաջին ընկերությունը՝ Pyrex Vision-ը՝ փողոցային հագուստի ոչ մեծ բուտիկը[8]։ Աբլոն ձեռք է բերել Polo Ralph Lauren ապրանքանիշի հին հավաքածուներից 40 դոլարով, դրանց վրա նկարել է սեփական նկարները և վաճառել մինչև 550 դոլարի հասնող գներով[8]։ Աբլոն իր ընկերությունը փակել է մեկ տարի անց, քանի որ նրա նպատակը ոչ թե առևտրային հաջող ձեռնարկություն ստեղծելն էր, այլ «գեղարվեստական հաջող փորձ անցկացնելը»[8]։

2013-2017՝ Off-White և հաջողություն

խմբագրել

Աբլոն իր առաջին նորաձևության տունը և երկրորդ բիզնեսը հիմնել է 2013 թվականին։ Այն դարձել է բարձր դասի Off-White ապրանքանիշը[8]։ Ներդրողներին և քննադատներին Աբլոն իր նոր ընկերությունը ներկայացրել է որպես «սևի և սպիտակի միջև գտնվող մոխրագույն գոտի» կամ որպես «սպիտակի նրբերանգ» (անգլ.՝ Shades of white) — Off-White։ Գլխամասը գտնվում է Միլանում՝ Իտալիայում[8]։ Ապրանքանիշը 2014 թվականին թողարկել է կանացի նորաձև հագուստի գիծ և այն ներկայացրել է Փարիզի նորաձևության շաբաթվա շրջանակներում[8]։ Նրա հավաքածուները դարձել են LVMH ընկերության մրցանակի եզրափակիչ փուլի հաղթողները, սակայն պարտվել են Marques’Almeida և Jacquemus մրցույթներում[8]։ Ալբոն Ճապոնիայում՝ Տոկիոյում բացել է իր ապրանքանիշի առաջին հայեցակարգային խանութը, որտեղ առաջին անգամ ներկայացվել են ինտերիերի արտադրանքներ[8]։ 2017 թվականին Աբլոն առաջարկ է ստացել Nike-ի հետ համատեղ ստեղծել կոշիկների հավաքածու, որը ստացել է «The Ten» անվանումը․ նա վերանայել է ընկերության առավել հայտնի սպորտային կոշիկների դիզայնը[8]։ Վիրջիլը աշխատել է նաև կահույքի IKEA կոնցերնի հետ՝ կահույքի և ինտերիերի առարկաներ ստեղծելու գծով[12]։

Վիրջիլը հագուստների վրայի նկարներում հաճախ օգտագործում է փակգծեր («[ ]») հեգնական կերպով օտարումը հասարակությունից և սոցիալական նորմերից փոխանցելու համար[13]։

2017 թվականին նեոնացիոնալիզմի որոշակի վերելքի ֆոնին, Աբլոն աշխատել է նեոկոնցեպտուլ նկարչուհի Ջենի Հոլցերի հետ միասին՝ ստեղծելով մի գիծ, որն ընդգծում է ներգաղթի, մշակութային ինտեգրման և գլոբալիզացիայի դրական կողմերը[14]։ 2017 թվականի դեկտեմբերին Վիրջիլ Աբլոն կրկին աշխատել է Ջենի Հոլցերի հետ Planned Parenthood բարեգործական կազմակերպության շապիկների դիզայնի վրա՝ ի պատասխան Վաշինգտոնում Կանանց երթի[15]։

2018 թվականից՝ Louis Vuitton

խմբագրել
 
աբլոն իր առաջին հավաքածքւի մեջ է ներառել հայտնի LV ապրանքանիշի լոգոտիպը

2018 թվականի մարտի 25-ին Աբլոն նշանակվել է Louis Vuitton ապրանքանիշի տղամարդկանց հագուստի գծով գեղարվեստական տնօրեն՝ դառնալով այս պաշտոնում առաջին սևամորթը, ինչպես նաև այն սակավաթիվ սևամորթներից մեկը, որոնք ընդգրկված են Ֆրանսիայի գլխավոր նկարիչ-նորաձևության դիզայներների ցուցակում[9]։ Պաշտոնում նշանակվելու ժամանակ Աբլոն ասել է․ «Ինձ համար մեծ պատիվ է զբաղեցնել այդ պաշտոնը։ Ես ապրանքանիշի պատմական ժառանգությունը և ստեղծագործական ամբողջականությունը ինձ համար ոգեշնչման աղբյուր եմ համարում և դրանք ի նակտի կունենամ, բայց նաև կջանամ ստեղծել նաև ժամանակակից իրեր»[8]։ Վիրջիլ Աբլոն Louis Vuitton-ի համար իր առաջին հավաքածուն ցուցադրել է 2018 թվականին Փարիզի նորաձևության շաբաթվաընթացքում Պալե-Ռոյալում[16][17][18][19]։ Ցուցադրությանը ներկա էին Playboi Carti-ը, Լեյսի Սթիվը, Դև Հայնսը, Քիդ Քադին[20][21]։

Անձնական կյանք

խմբագրել

Աբլոն ունի բնակարան Լինկոլն պարկում, որտեղ ապրում է կնոջ և երկու երեխաների՝ Լոուի և Գրեմի հետ[10]։

2020 թվականի հունիսին Վիրջիլն աճուրդի է հանել ինքնագրով մի քանի մարզակոշիկ՝ ստացված բոլոր միջոցներն ուղղելով ռասիզմի դեմ պայքարին[22]։

Մրցանակներ և պարգևներ

խմբագրել

Աբլոն իր առաջին լուրջ մրցանակը ստացել է 2011 թվականին «Watch the Throne» ալբոմի դիզայնի համար, որի շապիկը առաջադրվել էր Գրեմմի մրցանակի՝ երաժշտական ձայնագրման լավագույն ձևավորման համար[8]։ Աբլոն նաև 2017 թվականին ստացել է Urban Luxe մրցանակ Բրիտանական նորաձևության կոնսիլիումի կողմից[9]։ Ներառվել է «Time 100»-ում՝ 2018 թվականի 100 ամենաազդեցիկ մարդկանց ցանկում[7]։

Ծանոթագրություններ

խմբագրել
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Friedman V. Virgil Abloh, Bold Designer of Men's Wear, Dies at 41 / J. Kahn — Manhattan: New York Times Company, A. G. Sulzberger, 2021. — ISSN 0362-4331; 1553-8095; 1542-667X
  2. ↑ 2,0 2,1 2,2 Morin A. Virgil Abloh, Louis Vuitton and Off White Designer, Dead at 41 After Privately Battling Rare Cancer — 2021.
  3. ↑ 3,0 3,1 3,2 (unspecified title) — 2021.
  4. ↑ 4,0 4,1 https://www.arch.columbia.edu/events/455-virgil-abloh
  5. ↑ https://mcachicago.org/exhibitions/2019/virgil-abloh
  6. ↑ https://www.gq.com/story/virgil-abloh-time-100-most-influential
  7. ↑ 7,0 7,1 Wolf, Cam (2018 թ․ ապրիլի 19). «Virgil Abloh Is One of Time's 100 Most Influential People in the World». GQ (անգլերեն). Վերցված է 2018 թ․ ապրիլի 21-ին.
  8. ↑ 8,00 8,01 8,02 8,03 8,04 8,05 8,06 8,07 8,08 8,09 8,10 8,11 8,12 8,13 8,14 8,15 8,16 8,17 Yotka, Steff (2018 թ․ մարտի 28). «A Brief History of Virgil Abloh's Meteoric Rise». Vogue (անգլերեն). Վերցված է 2018 թ․ ապրիլի 21-ին.
  9. ↑ 9,0 9,1 9,2 Friedman, Vanessa; Paton, Elizabeth (2018 թ․ մարտի 26). «Louis Vuitton Names Virgil Abloh as Its New Men's Wear Designer». The New York Times (անգլերեն). ISSN 0362-4331. Վերցված է 2018 թ․ ապրիլի 21-ին.
  10. ↑ 10,0 10,1 Solway, Diane (2017 թ․ ապրիլի 20). «Virgil Abloh and His Army of Disruptors: How He Became the King of Social Media Superinfluencers». W Magazine (անգլերեն). Վերցված է 2018 թ․ ապրիլի 24-ին.
  11. ↑ Rock, Michael (2017 թ․ փետրվարի 6). «Virgil Abloh - Columbia GSAPP». Columbia GSAPP (անգլերեն). Վերցված է 2018 թ․ ապրիլի 21-ին.
  12. ↑ «Virgil Abloh teases a rug from Ikea and Off-White collaboration». Curbed. Վերցված է 2018 թ․ ապրիլի 8-ին.
  13. ↑ Leach, Alec (2017 թ․ օգոստոսի 30). «Why Does Virgil Abloh Put Everything in "QUOTES?"». Highsnobiety. Վերցված է 2018 թ․ մայիսի 4-ին.
  14. ↑ Madsen, Susanne (2017 թ․ հունիսի 16). «Virgil Abloh on getting political with Jenny Holzer». Dazed (անգլերեն). Վերցված է 2018 թ․ ապրիլի 21-ին.
  15. ↑ Mak, Hunter (2017 թ․ դեկտեմբերի 1). «Virgil Abloh & Jenny Holzer Create T-Shirt for Planned Parenthood». HYPEBEAST. Վերցված է 2018 թ․ ապրիլի 21-ին.
  16. ↑ «Louis Vuitton Appoints Virgil Abloh As Its New Menswear Designer». Harper's BAZAAR (անգլերեն). 2018 թ․ մարտի 26. Վերցված է 2018 թ․ ապրիլի 25-ին.
  17. ↑ Virgil Abloh Debuts First-Ever Louis Vuitton Men’s Collection At Fashion Week in Paris Omari White, newsweek.com 6/21/18
  18. ↑ V is for Virgil: Abloh makes debut for Louis Vuitton in Paris Scarlett Conlon, theguardian.com 21 June 2018
  19. ↑ Virgil Abloh Writes New Chapter at Louis Vuitton Joelle Diderich, Women's Wear Daily, June 20, 2018
  20. ↑ Playboi Carti, Steve Lacy, and More Musicians Who Walked Virgil Abloh’s First Louis Vuitton Show Rachel Hahn, Vogue, June 21, 2018
  21. ↑ At Louis Vuitton, Virgil Abloh Brings Diversity To Paris Fashion Week Landon Peoples, refinery29.com ‎June‎ ‎21‎, ‎2018
  22. ↑ «Дизайнер Вирджил Абло выставил на аукцион кроссовки с автографом. Деньги пойдут на борьбу с расизмом». Афиша. Վերցված է 2020 թ․ հունիսի 30-ին.
 Վիքիպահեստն ունի նյութեր, որոնք վերաբերում են «Վիրջիլ Աբլո» հոդվածին։
Ստացված է «https://hy.wiki.x.io/w/index.php?title=Վիրջիլ_Աբլո&oldid=9613403» էջից