Վիքիպեդիա:Շաբաթը մեկ հոդված
2022 թվականի հունվարի 15-ին Վիքիպեդիան կդառնա 21 տարեկան։
Եկեք ինքներս մեզ մարտահրավեր սահմանենք։ Վիքիպեդիայի ծնունդը դիմավորել 300․000 հոդվածով։ Եթե 700 հոգի մասնակցի նախագծին, ապա 2022 թվականի հունվարի 15-ին Վիքիպեդիայի ծննդյան 21-ամյակին Հայերեն Վիքիպեդիան կհատի 300․000 հոդվածի շեմը։
ՄԱՍՆԱԿՑԻ՜Ր
Հայտնի է, որ Վիքիպեդիայում ներդրում կատարելը երկակի օգտակար է․ հարստացնելով Վիքիպեդիան՝ թե՛ սերունդներին ենք փոխանցում մեր պատմությունը, մշակույթը ու յուրաքանչյուրին հասանելի կրթական ռեսուրսներ ենք ստեղծում և՛ թե ինքներս ենք բազմակողմանի զարգանում և մասնագիտանում մեր գործունեության բնագավառներում։ Որպեսզի Վիքիպեդիա խմբագրելն առավելագույնս արդյունավետ լինի Վիքիպեդիայի հարստացման և հատկապես մեր մասնագիտական վերելքի տեսանկյունից, այն պետք է շարունակական բնույթ կրի։
Եկե՛ք միասին ինքնակազմակերպվենք, ինքներս մեզ մարտահրավեր նետենք, մեր ունակություններից վեր թռչենք՝ շաբաթական մեկ որակյալ և լիարժեք հոդված ստեղծենք կամ բարելավենք։ Օրեցօր մեր մասնագիտական, և ոչ միայն, հմտությունները կզարգանան, իսկ Հայերեն Վիքիպեդիան կհամալրվի որակյալ և պահանջված հոդվածներով։
Սիրով, Վիքիտատիկ։
«Շաբաթը մեկ հոդված» նախագիծն անձնական մարտահրավեր է, որն ընդունող մասնակիցը պարտավորվում է շարունակաբար յուրաքանչյուր շաբաթ շաբաթական առնվազն մեկ ընդարձակ հոդված գրել կամ էապես բարելավել գոնե մեկ թերի հոդված։
Եթե ցանկանում ես մասնակցել այս հետաքրքիր մարտահրավերին, ապա ստորագրիր Մասնակիցներ :)
Մարտահրավերի ընթացքում ստեղծված կամ բարելավված հոդվածների քննարկման էջերում անհրաժեշտ է դնել համապատասխան կաղապարները հետևյալ էջից։
Որպեսզի բոլորն իմանան, որ դու այս նախագծի ակտիվ մասնակիցներից ես, կարող ես քո մասնակցային էջում նշել այդ մասին հետևյալ կաղապարի օգնությամբ։ Հոդվածն ավարտելուց հետո խնդրում ենք այն հրապարակել նախագծի Ֆեյսբուքյան խմբում՝ քո կատարած աշխատանքով մյուսների հետ կիսվելու համար։ Չմոռանաս ֆեյսբուքում թվարկել (#շաբաթ1, #շաբաթ2, ...) և հակիրճ պատմել քո գրած յուրաքանչյուր հոդվածի մասին։
«Շաբաթը մեկ հոդված» նախագծի միջանկյալ արդյունքները կամփոփվեն յուրաքանչյուր եռամսյակը մեկ, իսկ 2021 թվականի հունվարի 15-ին՝ Վիքիպեդիայի ծննդյան օրը, տարվա արդյունքները կհրապարակվեն։ Նախագծի յուրաքանչյուր փուլում ակտիվ խմբագիրները կխրախուսվեն։
Մաղթում ենք բազմաբովանդակ և հաճելի խմբագրումներ :):)