The End Of The F***ing World (հեռուստասերիալ)
The End Of The F***ing World, բրիտանական հեռուստասերիալ, համատեղված դրամա և սև հումոր ժանրերով։ Այն նկարահանված է Չարլզ Ֆորսմանի համանուն կոմիքսների հիման վրա։ 2017 թվականի հոկտեմբերի 24֊ին բոլոր ութ սերիաները ցուցադրվել են Channel 4 հեռուստաալիքով։ Այն նաև հասանելի է All 4 ծառայությունում։ Նեթֆլիքս ամերիկյան ընկերությունը 2017 թվականի վերջից սկսել է սերիալի միջազգային տարածումը։
The End Of The F***ing World | |
|---|---|
.jpg) | |
| Ժանր | դեռահասական դրամա, սև հումոր և մեծահասակների համար նախատեսված հեռուստատեսային ծրագիր[1] |
| Երկիր | .svg){kind=small} Միացյալ Թագավորություն |
| Լեզու | անգլերեն |
| Ռեժիսոր | Ջոնաթան Էնթվիսլ և Լյուսի Չերնյակ |
| Գլխավոր դերերում | Ալեքս Լոուտեր և Ջեսիկա Բարդեն |
| Սցենարիստ | Չարլի Քովել |
| Երաժշտություն | Գրեհեմ Քոքսոն |
| Պատմվածքի վայր | Միացյալ Թագավորություն |
| Եթերաշրջանների քանակ | 2 |
| Սերիաների քանակ | 16 |
| Էկրաններին է | հոկտեմբերի 24, 2017-ից նոյեմբերի 4, 2019-ը |
| Հեռուստաալիք | Channel 4 |
| Դիստրիբյուտոր | Նեթֆլիքս |
| Պաշտոնական կայքէջ | |
Սյուժե
խմբագրելԱռաջին եթերաշրջան
խմբագրելՍյուժեի կենտրոնում են երկու բարդ բնավորությամբ դեռահասներ՝ Ջեյմսը և Ալիսան։ Երկուսն էլ տասնյոթ տարեկան են։ Ջեյմսը, մանուկ հասակում ականատես լինելով մոր ինքնասպանությանը, փակ բնավորություն է ձեռք բերում, իրեն համարում է խելագար և վաղուց երազում է փոքր կենդանիների սպանելուց անցնել մարդ սպանելուն։ Ալիսան քմահաճ խռովարար է, ով իրեն ավելորդ է զգում իր մոր նոր ընտանիքում և փորձում է գտնել իր հորը, ով իրեն տարիներ առաջ լքել է։ Նրանք ծանոթանում են դպրոցում և երկուսով փախչում են` Ջեյմսի հոր մեքենայով։ Ջեյմսն իր հետ դանակ է վերցնում՝ հույս ունենալով հարմար պահի սպանել Ալիսային։
Շուտով մեքենան փչանում է, իսկ դատարկ տան սեփականատերը, որտեղ զույգը բնակություն է հաստատում, պարզվում է, որ սերիական մարդասպան է։ Երբ վերջինս հարձակվում է Ալիսայի վրա, Ջեյմսը նրան դանակով սպանում է։ Նրանք շարունակում են շարժվել այն ուղությամբ, որտեղ ապրում է Ալիսայի հայրը, սակայն հիմա նրանց փնտրում են երկու կին դետեկտիվներ։ Ճանապարհին նրանք ևս մեկ մեքենա են գողանում և տուրուդմփոց ստեղծում բենզալցակայանում, երբ սեփականատերը փորձում էր նրանց ոստիկանություն հանձնել։ Ալիսայի ազդեցության տակ Ջեյմսը աստիճանաբար փոխվում է։ Սերիաներից մեկում, երբ նա նստած է ոստիկանական բաժանմունքում, մտածում է, որ այլևս չի ցանկանում խենթ լինել։ Ջեյմսը սերիաներից մեկում ասել է, որ «Ալիսան ինձ ստիպեց զգալ»։
Երբ Ալիսան գտնում է հորը ծովափնյա տանը, նրանք երկուսն էլ ուրախանում են։ Սակայն շուտով պարզվում է, որ իր հայրը թմրավաճառ է և որ ևս մեկ ընտանիք և փոքր տղայի է միայնակ թողել։ Ջեյմսը հասկանում է, որ բենզալցակայանում կատարվածը նկարահանված է եղել, և որ իրենց շուտով կգտնեն։ Երկուսն էլ որոշում են հեռանալ Ալիսայի հոր նավակով, սակայն չեն հասցնում։ Քննիչներից մեկը նրանց գտնում է ծովափնյա տանը, և քանի որ այդ օրը Ջեյմսի 18-ամյակն է, նա համոզում է նրան, որպեսզի հանձնվի, հակառակ դեպքում իրենց համար ավելի վատ կլինի։ Հասկանալով, որ իրենց վաղ թե ուշ կձերբակալեն՝ Ջեյմսը որոշում է ձևացնել, որ Ալիսային առևանգողն է և ամբողջ մեղքը իր վրա վերցնել։ Նա փախչում է իրեն հետապնդող ոստիկաններից դեպի ծովափ։ Իր վերջին միտքը սա է՝ «Այսօր ես 18 տարեկան եմ, և ինձ թվում է, որ այժմ հասկանում եմ, թե ինչ նշանակություն ունեն մարդիկ միմիյանց համար»։ Դրանից հետո էկրանը սևանում է և կրակոցի ձայն է լսվում։
Դերերում
խմբագրել| Դերասան | Դեր |
|---|---|
| Ալեքս Լոուտեր | Ջեյմս |
| Ջեսիկա Բարդեն | Ալիսա |
| Ջեմա Ուիլան | դետեկտիվ Յունիս Նուն |
| Վունմի Մոսակու | դետեկտիվ Թերի Դարագո |
| Սթիվ Օրամ | Ջեյմսի հայր Ֆիլ |
| Քրիստին Բոթոմլի | Ալիսայի մայր Գվեն |
| Նևին Չոուդրի | Ալիսայի խորդ հայր Թոնի |
| Բարրի Ուորդ | Ալիսայի հայր Լեսլի |
| Ջոնաթան Արիս | գրող և սերիական մարդասպան Քլայվ Կոխ |
| Մեթ Քինգ | դետեկտիվ |
| Ալեքս Սոյեր | Թոֆեր |
Եթերաշրջաններ
խմբագրել| Եթերաշրջան | Սերիաներ | Ցուցադրման պաշտոնական ամսաթիվ | ||
|---|---|---|---|---|
| Եթերաշրջանի
սկիզմ |
Եթերաշրջանի
ավարտ | |||
| 1 | 8 | Հոկտեմբերի 24, 2017 | ||
| 2 | 8 | Նոյեմբերի 5, 2019 | ||
Ազդեցություն մշակույթի վրա
խմբագրելԾանոթագրություններ
խմբագրել- ↑ https://i-d.vice.com/en_us/article/xwn5jz/13-coming-of-age-shows-teens-to-watch
- ↑ «Режиссер The Last of Us Part 2 рассказал, что его вдохновляет на создание игр с упором на сюжет» (ռուսերեն). Վերցված է 2018 թ․ օգոստոսի 14-ին.
- ↑ «Блоги / При работе над The Last of Us Part II Нил Дракманн вдохновлялся сериалом от Netflix». PlayGround.ru (ռուսերեն). Վերցված է 2018 թ․ օգոստոսի 14-ին.
 | Վիքիպահեստն ունի նյութեր, որոնք վերաբերում են «The End Of The F***ing World (հեռուստասերիալ)» հոդվածին։ |