Բաբեկի շրջան

Բաբեկի շրջան; ադրբ.՝ Babək rayonu
Երկիր	Ադրբեջան
Կարգավիճակ	Շրջան
Մտնում է	Նախիջևանի Ինքնավար Հանրապետության կազմի մեջ
Ներառում է	36 բնակավայր
Վարչկենտրոն	Բաբեկ
Խոշորագույն քաղաք	Բաբեկ
Ամենաբարձր կետ	Բզղոն լեռն (2476 մ)
ԲԾՄ	986 մետր
Հիմնական լեզու	Ադրբեջաներեն
Բնակչություն (01․01․2017)	74.300
Խտություն	91
Տարածք	82,842
Հիմնադրված է	հոկտեմբերի 23, 1978 թ.
ISO 3166-2 կոդ	AZ-BAB
Փոստային ինդեքսներ	6700
Ավտոմոբիլային կոդ	67
	babek-ih.nakhchivan.az և babek-ih.gov.az(ադրբ.)
	Բաբեկի շրջան Վիքիպահեստում

Անվան այլ կիրառումների համար տե՛ս՝ Բաբեկ (այլ կիրառումներ)

Բաբեկի շրջան (ադրբ.՝ Babək rayonu), շրջանի կարգավիճակով վարչատարածքային միավոր Ադրբեջանի Հանրապետության կազմում գտնվող Նախիջևանի Ինքնավար Հանրապետությունում։ Վարչական կենտրոնը Բաբեկ քաղաքն է^[1]^[2]։

Պատմություն

Ժամանակակից պատմություն

Բաբեկի շրջանը ձևավորվել է 1978 թվականի հոկտեմբերի 23-ին Խորհրդային Ադրբեջանի կոմունիստական կուսակցության առաջին քարտուղար Հեյդար Ալիևի կարգադրությամբ՝ ընդգրկելով նախկին Նախիջևանի շրջանի տարածքի մեծ մասը^[1]։

Աշխարհագրություն

Վարչատարածքային նկարագիր և տեղադրություն

Բաբեկի շրջանը հյուսիսում սահմանակից է Հայաստանի Սյունիքի մարզին, հարավում՝ Իրանի Իսլամական Հանրապետության Արևելյան Ադրբեջան և Արևմտյան Ադրբեջան նահանգներին^[1]։

Բաբեկի շրջանի ընդհանուր տարածքը կազմում է 82,842 կմ²։ Վարչական կենտրոնը Բաբեկ քաղաքն է։ Բացի վարչական կենտրոնից շրջանն ունի նաև 35 գյուղ^[1]։

Լեռնագրություն

Շրջանի տարածքը զբաղեցնում են Զանգեզուրի, Վայքի լեռների բլուրները, Նախիջևանի հարթավայրը։ Շրջանի ամենաբարձր կետը Բզղոն լեռն է, որն ունի 2476 մ բարձրություն^[1]^[2]^[3]։

Ջրագրություն

Բաբեկի շրջանի տարածքով հոսում են Արաքս, Նախիջևան և այլ գետեր։ Շրջանի տարածքում են գտնվում Ուզունոբայի, Ներամի, Սիրաբի Կահաբի ջրամբարները^[1]։

Շրջանը հարուստ է հանքային ջրերով։ Դրանցից են Սիրաբի և Վայխիր հանքային ջրերի աղբյուրները^[1]։

Կլիմա

Տարվա եղանակով պայմանավորված՝ Բաբեկի շրջանի կլիման փոփոխական է։ Ամռանը կլիման չոր շոգ է, կիսաանապատային, չոր տափաստանային, իսկ ձմռանը՝ չոր ցուրտ^[1]։

Բնակչություն

2017 թվականի հունվարի 1-ի դրությամբ շրջանի բնակչությունը 74,300 է^[1]։

Տնտեսություն

Տնտեսության հիմնական ճյուղը գյուղատնտեսությունն է^[1]։

Կրթություն և գիտություն

Բաբեկի շրջանում գործում է 38 հանրակրթական դպրոց, 6 արտադպրոցական և 1 նախադպրոցական դաստիարակության հաստատություն, 5 մանկական երաժշտական դպրոց, ինչպես նաև 41 գրադարան^[1]։

Մշակույթ

Շրջանում գործում է երկու թանգարան^[1]։

Առողջապահություն

Շրջանն ունի առողջապահական մի շարք հաստատություններ, այդ թվում՝ շրջանի կենտրոնական հիվանդանոց, ծննդատուն, 2 շրջանային հիվանդանոցներ, 16 բժշկական ամբուլատորիա, 14 ֆելդշերա-մանկաբարձական կենտրոններ, 4 ֆելդշերային հենակետեր, հիգիենիկ և համաճարակաբանական կենտրոն^[1]։

Տես նաև

Նախիջևանի Ինքնավար Հանրապետության վարչական բաժանում

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 «Բաբեկի շրջանի մասին տեղեկություններ nakhchivan.az կայքում» Արխիվացված 2015-04-09 Wayback Machine (արխիվացված)։(ռուս.)
↑ ^2,0 ^2,1 Արգամ Այվազյան, «Նախիջևան։ Բնաշխարհիկ պատկերազարդ հանրագիտակ», Երևան, 1995 թվական։
↑ Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Ե., «Գեոդեզիայի և քարտեզագրության կենտրոն ՊՈԱԿ», 2007, էջ 23 — 150 էջ։

Վիքիպահեստն ունի նյութեր, որոնք վերաբերում են «Բաբեկի շրջան» հոդվածին։

[nakhchivan.az_Բաբեկի_շրջան-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 «Բաբեկի շրջանի մասին տեղեկություններ nakhchivan.az կայքում» Արխիվացված 2015-04-09 Wayback Machine (արխիվացված)։(ռուս.)

[Նախիջևան։_Բնաշխարհիկ_պատկերազարդ_հանրագիտակ-2] 2,0 ^2,1 Արգամ Այվազյան, «Նախիջևան։ Բնաշխարհիկ պատկերազարդ հանրագիտակ», Երևան, 1995 թվական։

[3] Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Ե., «Գեոդեզիայի և քարտեզագրության կենտրոն ՊՈԱԿ», 2007, էջ 23 — 150 էջ։

[1]

[2]

[3]