Իննոկենտիոս I (Հռոմի պապ)
Իննոկենտիոս I (4-րդ դար, Ալբանո-Լացիլե, Հռոմեական կայսրություն - մարտի 12, 417[1], Հռոմ, Հռոմեական կայսրություն)՝ Հռոմի Պապ 401 թվականի դեկտեմբերի 22-ից մինչև 417 թվականի մարտի 12-ը[2]:
| Իննոկենտիոս I լատին․՝ Innocentius PP. I | ||
 | ||
| ||
|---|---|---|
| 401 թվականի դեկտեմբերի 22 — 417 թվականի մարտի 12 | ||
| Եկեղեցի՝ | Հռոմեա-կաթոլիկական եկեղեցի | |
| Նախորդող՝ | Անաստաս I | |
| Հաջորդող | Զոսիմոս | |
| Մասնագիտություն | կաթոլիկ քահանա | |
| Ծնունդ | 4-րդ դար Ալբանո-Լացիալե | |
| Մահ | մարտի 12, 417[1] Հռոմ, Հռոմեական կայսրություն | |
| Թաղված է | Stiftskirche St. Anastasius und St. Innocentius | |
| Հայր | Անաստաս I (Հռոմի պապ) | |
Կենսագրություն
խմբագրելԸստ Liber Pontificalis-ի տվյալների՝ Իննոկենտիոսը ծնունդով Հռոմի մոտակայքում գտնվող Ալբանոյից էր՝ Իննոկենտիոս անունով մեկի որդին, սակայն ըստ նրա ժամանակակից Հիերոնիմոս Ստրիդոնացու՝ նա եղել է նախորդ պապ Անաստատ I-ի որդին (եթե այդպես է, ապա սա այն եզակի դեպքն է, երբ որդին փոխարինել է հորը Սուրբ աթոռի վրա)։
Իննոկենտիոս I-ը ձգտել է ամրապնդել Հռոմի եպիսկոպոսի դիրքը և Սուրբ աթոռի հեղինակությունը Արևմտյան Հռոմեական կայսրությունում։ Նա ակտիվորեն դրսևորել իրեն որպես եկեղեցիական բոլոր վեճերի կարգավորման համար վերջնական ատյան։ Այսպես, 412 թվականին նա հովանավորչական նամակ է գրել Թեսալոնիկի արքեպիսկոպոս Ռուֆին, 404 թվականին՝ Ռուանի եպիսկոպոս Վիկտրիցիոսին։ Նմանատիպ նամակներ նա ուղարկել է նաև Թուլուզի եպիսկոպոս Էքզուպերիին, Մակեդոնիայի եպիսկոպոսներին, Նոչերայի և Բրիտանիայի եպիսկոպոսներին[3]։ Պաշտպանել է Հովհան Ոսկեբերանին Թեոֆիլ Ալեքսանդրացու և Արկադիոս կայսեր հետ ունեցած հակամարտության ժամանակ։ Աջակցել է Ավրելիոս Օգոստինոսին՝ ընդդեմ դոնատիստների և պելագիոնիզմի։ Պահպանվել են Իննոկենտիոս I-ի նամակները։ Նա նամակագրություն է ունեցել Հիերոնիմոս Երանելու, Հովհան Ոսկեբերանի և Երուսաղեմի եպիսկոպոս Հովհաննեսի հետ[4]։
Ալարիկի կողմից Հռոմի գրավման Ժամանակ կայսր Հոնորիոսի հետ մեկնել է Ռավեննա։ Ըստ Սոզոմենի՝ նա հանդես է եկել որպես խաղաղարար՝ Հոնորիոսի և Ալարիկի միջև[5]։ Գոթերի կողմից Հռոմը կողոպտելուց հետո այստեղ կանգուն մնացին միայն եկեղեցական շենքերը։
Պատմիչ Զոսիմոսը իր "Նոր պատմության" (լատին․՝ Historia NovaHistoria Nova) մեջ կարծիք է հայտնում, որ Ալարիկի կողմից Հռոմի թալանի ժամանակ Իննոկենտիոսը պատրաստ է եղել ժամանակավորապես թույլատրելու հեթանոսությունը։ Սակայն Զոսիմոսը նաև ենթադրել է, որ հեթանոսներին արված այդ զիջումները այդքան էլ պահանջված չէին, քանի որ, ըստ նրա, Հռոմն այդ ժամանակ արդեն հաջողությամբ քրիստոնեացված էր։
Իննոկենտիոս I-ը մահացել է 417 թվականի մարտի 12-ին, թաղվել է Պորտուենյան ճանապարհի վրա գտնվող Պոնցիանի գերեզմանատանը։ Նրա հիշատակը նշվում է մարտի 12-ին, թեև XIII-XX դարերում այն նշվել է հուլիսի 28-ին[6]։ Նրան հաջորդել է Զոսիմոսը։
Ծանոթագրություններ
խմբագրել- ↑ 1,0 1,1 1,2 BeWeB
- ↑ Saint Innocent I // Encyclopedia Britannica
- ↑ «Catholic Encyclopedia (1913)» (անգլերեն). Արխիվացված է օրիգինալից 2012 թ․ փետրվարի 11-ին. Վերցված է 2011 թ․ փետրվարի 16-ին.
- ↑ «Созомен. ЦЕРКОВНАЯ ИСТОРИЯ Книга 8 Главы 26—28». Արխիվացված է օրիգինալից 2012 թ․ փետրվարի 11-ին. Վերցված է 2011 թ․ փետրվարի 16-ին.
- ↑ «Созомен. ЦЕРКОВНАЯ ИСТОРИЯ Книга 9 Главы 7—9». Արխիվացված է օրիգինալից 2012 թ․ փետրվարի 11-ին. Վերցված է 2011 թ․ փետրվարի 16-ին.
- ↑ Calendarium Romanum (Libreria Editrice Vaticana, 1969), p. 132; Martyrologium Romanum (Libreria Editrice Vaticana, 2001 ISBN 978-88-209-7210-3)
Գրականություն
խմբագրել- Ковальский Я. Период II. Под опекой Римской империи // Папы и папство.
Արտաքին հղումներ
խմբագրել- «Созомен. ЦЕРКОВНАЯ ИСТОРИЯ. Книга 8. Главы 26—28». Արխիվացված է օրիգինալից 2012 թ․ փետրվարի 11-ին. Վերցված է 2011 թ․ փետրվարի 16-ին.
- «Созомен. ЦЕРКОВНАЯ ИСТОРИЯ. Книга 9. Главы 7—9». Արխիվացված է օրիգինալից 2012 թ․ փետրվարի 11-ին. Վերցված է 2011 թ․ փետրվարի 16-ին.
- «Catholic Encyclopedia (1913)». Արխիվացված է օրիգինալից 2012 թ․ փետրվարի 11-ին. Վերցված է 2011 թ․ փետրվարի 16-ին.
 | Վիքիպահեստն ունի նյութեր, որոնք վերաբերում են «Իննոկենտիոս I (Հռոմի պապ)» հոդվածին։ |