Հայաստանի վիզային քաղաքականություն

Հայաստանի Հանրապետության վիզային քաղաքականությունը Հայաստանի կողմից վարվող քաղաքականությունն է Հայաստանի տարածք օտարերկրյա քաղաքացիների և քաղաքացիություն չունեցող անձանց մուտք գործելու կարգի ոլորտում։

Հայաստանի վիզային քաղաքականությունը

Հայաստանի տարածք մուտք գործելու համար պետությունների մեծ մասի քաղաքացիներին վիզայի նախնական ստացումն անհրաժեշտ չէ։ Մեծ թվով պետությունների քաղաքացիներին վիզան տրամադրվում է Հայաստան մուտք գործելու պահին։

Հայաստանի հետ ոչ վիզային ռեժիմ ունեցող երկրների ցանկ

Հայաստան մուտք գործելու համար 52 պետությունների քաղաքացիներից վիզա չի պահանջվում։

• ԱՄՆ
• Անդորա
• Արգենտինա
• Բելառուս
• Բրազիլիա (2015 թ. նոյեմբերի 25-ից, 90 օր)
• Իրան
• Ղազախստան
• Ղրղզստան
• Մոլդովա
• Մոնակո
• Չեռնոգորիա
• Չինաստան
• Ռուսաստան
• Սան Մարինո
• Վատիկան
• Վրաստան
• Տաջիկստան
• Ուկրաինա
• Ուզբեկստան
• Ուրուգվայ
• Եվրամիության և Ազատ առևտրի եվրոպական ասոցիացիայի անդամ պետությունների քաղաքացիներ (ոչ ավելի, քան 180 օրով)։

2016 թ. փետրվարի 3-ին Հայաստանի Հանրապետությունը և Մակաոն ստորագրեցին համաձայնագիր մուտքի արտոնագրային ռեժիմը փոխադարձաբար վերացնելու մասին։ Համաձայնագիրը ուժի մեջ կմտնի վավերացումից հետո։

Նախատեսվում է ոչ վիզային ռեժիմի վերաբերյալ համաձայնագրերի ստորագրում

• Սերբիա
• Մոնղոլիա

Հատուկ պայմաններ

Պետություններ, որոնց քաղաքացիներին վիզաները տրվում են ՀՀ դիվանագիտական ներկայացուցչություններում` առանց հրավերի։

• Չինաստան
• Հնդկաստան
• Իրաք

Պետություններ, որոնց քաղաքացիներին վիզաները տրվում են բացառապես ՀՀ դիվանագիտական ներկայացուցչություններում` հրավերի առկայության դեպքում։

• Սիրիա
• Եգիպտոս
• Աֆղանստան
• Բանգլադեշ
• Պակիստան
• Սաուդյան Արաբիա
• Շրի Լանկա
• Վիետնամ
• Նեպալ
• Պաղեստին
• բոլոր աֆրիկյան երկրները, բացառությամբ ՀԱՀ

Վիզայի ստացման ընթացակարգի դյուրացման նպատակով ՀՀ Արտաքին գործերի նախարարությունը կիրառում է նաև էլեկտրոնային վիզա։

Այլ պետություններ

Մյուս բոլոր պետությունների քաղաքացիները, ինչպես նաև «Հատուկ պայմաններ» բաժնում նշված պետությունների ազգությամբ հայ քաղաքացիները կարող են ստանալ 120-օրյա վիզա ՀՀ սահմանային անցակետերում։