Հեմսեդալ

Հեմսեդալ; նորվ.՝ Hemsedal
Դրոշ	Զինանշան
;	; Հեմսեդալ կոմունայի զինանշան
Երկիր	Նորվեգիա
Կարգավիճակ	Կոմունա
Մտնում է	Բուսկերուդ ֆյուլքե
Վարչկենտրոն	Թրյոիմ
Ամենաբարձր կետ	Høgeloft?
	Օդվար Գրոտե
Հիմնական լեզու	Նյունորսկ
Բնակչություն (2007);	1968 (341 տեղ)
Խտություն	3
Տարածք	753.46 (145 տեղ)
Հիմնադրված է	հունվարի 1, 1897 թ.
Սահմանակցում է	Գուլ, Օլ, Վանգ, Վեստրե Սլիդրե, Նուր Էուրդալ և Լերդալ
Ժամային գոտի	UTC+1
Փոխարինեց	Gol og Hemsedal Municipality?
ISO 3166-2 կոդ	0618
	hemsedal.kommune.no
	Հեմսեդալ Վիքիպահեստում

Հեմսեդալ (նորվ.՝ Hemsedal), կոմունա Նորվեգիայի Բուսկերուդ ֆյուլքեյում։ Կոմունայի վարչական կենտրոնը Թրյոիմ քաղաքն է։ Պաշտոնական լեզուն նյունորսկն է։ Զբաղեցնում է 753.46 կմ² տարածք։ Մայրաքաղաք Օսլոյից հեռու է 220 կմ^[3]։

Հեմսեդալն ունի բազմադարյան պատմություն։ Մարդիկ սկսել են այստեղ բնակություն հաստատել դեռևս 2500 տարի առաջ, ինչի մասին վկայում են հայտնաբերված հնագիտական առարկաները։ 13-րդ դարում այստեղ կառուցվել են եկեղեցիներ, ինբչը վկայում է, որ այդ ժամանակ կոմունայի տարածքում քրիստոնեությունը լայն տարածում էր արդեն գտել։

Հեմսեդալի զինանշանը

Հեմսեդալ կոմունայի զինանշանը հաստատվել է 1992 թվականի հոկտեմբերի 2-ին և իրենից ներկայացնում է կարմիր գույնով ներկված վահան, ներքևի մասը սուր, որի վրա պատկերված է դեղին գույնի լուսան։ Զինանշանի հեղինակն է Սթեին Դավիդսենը։ Զինանշանի վրա լուսանի պատկերումը կապված է այն հանգամանքով, որ կոմունայի տարածքում բնակվում են բազմաթիվ լուսաններ^[3]։

Տնտեսություն

Հեմսեդալ կոմունայի տնտեսության առանցքային ճյուղերը գյուղատնտեսությունն ու զբոսաշրջությունն են։

Յուրաքանչյուր տարի այստեղ են ժամանում հազարավոր զբոսաշրջիկներ, որպեսզի վայրի բնության պայմաններում տեսնեն լուսանների։ Զբոսաշրջիկների ամենամեծ ներհոսքը ապահովում է Գերմանիան, Մեծ Բրիտանիան, Ռուսաստանը, Նիդերլանդները, Դանիան և Շվեդիան։ Տարածաշրջանը հայտնի է նաև որպես լեռնագնացության կենտրոն։ Այստեղ գտնվող բազմաթիվ լեռներ ունենում են հազարավոր այցելուներ, ովքեր ոչ միայն զբաղվում են լեռնագնացությամբ, այլև արշավային տուրիզմով։

Կոմունայի տարածքում զարգացած է նաև լեռնադահուկային սպորտաձևի ենթակառուցվածքները։

Կոմունայի տարածքում զարգացած են հիմնականում անասնապահությունն ու կարտոֆիլաբուծությունը։

Բնակչություն

Համաձայն 2007 թվականի մարդահամարի տվյալների՝ Հեմսեդալ կոմունայում բնակվում է 1968 մարդ։ Կոմունայի բնակչության քանակը վերջին 60 տարում աճ է գրանցել^[3]։