Մեդոն

Մեդոն
Բնակավայր
	Մեդոն
	ֆր.՝ Meudon; ֆր.՝ Rabelais
	Զինանշան
Երկիր	Ֆրանսիա
Համայնք	Օ դը Սեն, canton of Issy-les-Moulineaux-Ouest?, Սենա և Ուազա, arrondissement of Boulogne-Billancourt? և Մեծ Փարիզ
Ներքին բաժանում	Meudon Bellevue?
Մակերես	9,9 կմ²
ԲԾՄ	103 մետր, 28 մետր, 179 մետր
Բնակչություն	▲46 342 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	92190 և 92360
Պաշտոնական կայք	meudon.fr(ֆր.)
	Մեդոն (Ֆրանսիա)
	Մեդոն (Ֆրանսիա)
	Մեդոն Վիքիպահեստում

Մեդոն^[5] ( ֆր.՝ Meudon ), քաղաք և համայնք Ֆրանսիայում՝ Սեն գետի հարավային ափին, Իլ դը Ֆրանս երկրամասի Օ դը Սեն դեպարտամենտում։ Փարիզի հարավ-արևմտյան արվարձանն է։ Զբաղեցնում է շուրջ 10 քառակուսի կիլոմետր տարածք^[6]։ Բնակչության թվաքանակը 2005 թվականի տվյալներով եղել է 44200։

Մեդոնը աճել է Բուրբոնների նստավայր-պալատի շուրջ, որը Լուի XIV-ը կառուցել է իր որդու՝ « Մեծ Դոֆինի» համար։ Գահաժառանգի մահից հետո Մեդոնի պալատը անկում է ապրել և վերջնականապես ավերվել է ֆրանս-պրուսական պատերազմի ժամանակ։ Նրա ավերակները հանձնվել են Փարիզի աստղադիտարանի մասնաճյուղի տնօրինությանը։ Նման ճակատագրի է արժանացել նաև Մեդոնում գտնվող Բելվյու / Bellevue պալատը, որը կառուցվել էր արքունի ճարտարապետ Գաբրիելի նախագծով ու ղեկավարությամբ՝ մարքիզուհի դը Պոմպադուրի համար։

Մեդոնը հավակնում է ֆրանսիական ավիացիայի ծննդավայր կոչվելու պատվին։ 1880 թվականին ինժեներ Շառլ Ռենարը Մեդոնում կառուցել է մի անգար, որի մերձակայքում փորձարկվել են առաջին թռչող սարքերը։ Հենց Մեդոնում է օդ բարձրացել La France դիրիժաբլը։

1876 թվականին Մեդոնում շարք է մտել Փարիզի աստղադիտարանի աստղաֆիզիկայի հետազոտական կենտրոնը^[7]։ ONERA- ի աերոդինամիկայի գիտահետազոտական ինստիտուտը նույնպես գործում է Մեդոնում^[8]։ 1921-1981 թվականներին այստեղ էր տեղակայված ավիացիոն թանգարանը, որն այնուհետև տեղափոխվեց Փարիզից հյուսիս ՝ Լը Բուրժե օդանավակայան։

19-րդ դարում Մեդոնը իսկական մեքքա է դարձել արվեստագետ երիտասարդների համար։ Այստեղ ապրել են Մոպասանը, Ռենուարը և Մանեն, իսկ Ռոդենի վիլլան՝ նրա գերեզմանով հանդերձ, հռչակվել է ազգային թանգարան։ Մեդոնի հետ են կապված գրողներ Ռաբլեի և Սելինի կյանքի վերջին տարիները։ Ռիխարդ Վագները այստեղ է գրել իր նշանավոր «Թռչող հոլանդացին», իսկ Մարինա Ցվետաևան՝ Ռիլկեին ձոնած ուղերձը (Ամանորյա»-ն)։

1897 թվականի փետրվարին Մեդոնում տեղի է ունեցել մենամարտ բանաստեղծ, արձակագիր և քննադատ Ժան Լորենի և գրող Մարսել Պրուստի միջև։ Մենամարտի պատճառը Պրուստի «Զվարճանքներ և օրեր» գրքի վերաբերյալ Լորենի հրատարակած խորտակիչ գրախոսությունն էր։ Պրուստի մարտավկան նրա ընկերն էր՝ իմպրեսիոնիստ նկարիչ Ժան Բերոն։

Մեդոնում է Սարտրն անցկացրել իր մանկության մի քանի տարիները։

Ռուսաստանում հեղափոխությունից հետո Մեդոնը՝ այդ ոչ մեծ ու հին քաղաքը, որը գտնվում է Փարիզի և Վերսալի միջև, անմիջապես նախընտրելի բնակավայր հանդիսացավ ռուսաստանցի փախստականների համար. այնտեղից մինչև մայրաքաղաք գնացքով ընդամենը 20 րոպե էր, իսկ բնակարաններն այստեղ ավելի էժան էին։ 1920-ականների վերջին այստեղ կառուցվել է Փրկչի հարության ուղղափառ եկեղեցին, որը պատկերազարդել է Յու . Ն.Ռեյթլինգերը 1932թ.

Քաղաքի ժամանակակից բնակիչներից ամենահայտնիներից են Ջոնի Դեփն ու Վանեսա Պարադին, Բորիս Սպասկին Մեդոնում ապրել է մոտ 40 տարի։

Ժողովրդագրություն

Պատմական բնակչություն

Տարեթիվ	Բնակ․	տ․ ±%
1793	2250	—
1800	2015	−1.56%
1806	2311	+2.31%
1821	2265	−0.13%
1831	3026	+2.94%
1836	3233	+1.33%
1841	3174	−0.37%
1846	3680	+3.00%
1851	3783	+0.55%
1856	4789	+4.83%
1861	5157	+1.49%
1866	6620	+5.12%
1872	12 037	+10.48%
1876	6425	−14.53%
1881	6080	−1.10%
1886	7621	+4.62%
1891	8005	+0.99%
1896	8892	+2.12%

Տարեթիվ	Բնակ․	տ․ ±%
1901	9702	+1.76%
1906	10 289	+1.18%
1911	12 292	+3.62%
1921	15 649	+2.44%
1926	18 123	+2.98%
1931	20 870	+2.86%
1936	20 749	−0.12%
1946	20 797	+0.02%
1954	24 729	+2.19%
1962	34 878	+4.39%
1968	50 623	+6.41%
1975	52 806	+0.60%
1982	48 450	−1.22%
1990	45 339	−0.83%
1999	43 663	−0.42%
2007	44 873	+0.34%
2012	45 107	+0.10%
2017	45 352	+0.11%

Աղբյուր՝ EHESS^[9] and INSEE (1968-2017)^[10]

Քույր քաղաքներ

Պատկերասրահ

Աստղադիտարանն ու օրանժերեան
Վալ Ֆլյորի երկաթուղային կայարանը
Կայսերական մայրին (Cèdre Impérial), որը դարձել է կայսրուհի Եվգենյայի և Վիկտորյա թագուհու հատուկ ուշադրության առարկան^[12]