Շառլ Ազնավուրի հրապարակ (Երևան)

Շառլ Ազնավուրի հրապարակ, հրապարակ Երևանի Կենտրոն վարչական շրջանում։

Պատմություն

Հրապարակն անվանվել է ի պատիվ նշանավոր ֆրանսահայ երգիչ, երգահան, կինոդերասան և հասարակական գործիչ Շառլ Ազնավուրի։ Հրապարակը նախատեսված է եղել 1924 թվականի թամանյանական գլխավոր հատակագծով։ Հրապարակի համալիրը կազմակերպվել է 1927-1958 թվականներին, երբ կառուցվել են «Երևան» հյուրանոցը, Ստանիսլավսկու անվան դրամատիկական թատրոնը, «Մոսկվա» կինոթատրոնը և Հայաստանի նկարչի տունը։

Հրապարակի կենտրոնում շրջանաձև տեղակայված են 12 համաստեղությունները խորհրդանշող շատրվանները։ «Համաստեղություն» ջրավազանի ճարտարապետն է Արսեն Մելիքյանը, քանդակագործները՝ Արարատ Հովսեփյանը և Վլադիմիր Աթանյանը^[1]։