Ուրբանոս I (Հռոմի պապ)
Ուրբանոս I (լատին․՝ Urbanus I, անհայտ, Հռոմ, Հռոմեական կայսրություն - մայիսի 19, 230[1] կամ մայիսի 23, 230, Հռոմ, Հռոմեական կայսրություն), Հռոմի պապ, ով գլխավորել է կաթոլիկ եկեղեցին 222-230 թվականներին[2]։ Ծնվել է Հռոմում։ Հաջորդել է Կալիստոս I պապին։ Ինչպես վերջինս, այնպես էլ Ուրբանոս I պապը ևս նահատակ է համարվում։ Այնուամենայնիվ վերջին պատմական հայտնագործությունները վկայում են, որ նա մահացել է բնական մահով։
| Ուրբանոս I լատին․՝ Urbanus I | |
 | |
| Մասնագիտություն | կաթոլիկ քահանա |
|---|---|
| Ծնունդ | անհայտ Հռոմ, Հռոմեական կայսրություն |
| Մահ | մայիսի 19, 230[1] կամ մայիսի 23, 230 Հռոմ, Հռոմեական կայսրություն |
| Թաղված է | Catacomb of Callixtus |
Ուրբանոս I պապը եղել է խաղողագործների և գինեգործների բարեխոս։
Կենսագրություն
խմբագրելՈւրբանոսի կյանքի մեծ մասը պարուրված է առեղծվածով, որն ուղեկցվել է բազմաթիվ առասպելներով և թյուրըմբռնումով։ Չնայած աղբյուրների սակավությանը, նա առաջին պապն էր, որի գահակալումը ստույգ թվագրություն ունի[3]։ Երկու նշանավոր աղբյուրներ կան, որոնք վերաբերվում են Ուրբանոսի պապականությանը։ Դրանք են եկեղեցական պատմիչ Եվսեբիոսի վկայությունները և մի արձանագրություն Սբ․ Կալիստոսի կատակոմբներում[2]։
Ուրբանոսը «Սուրբ Պետրոսի աթոռին» բարձրացել է հռոմեացի կայսր Էլագաբալուսի օրոք և ծառայել է Ալեքսանդրուս Սևերուսի օրոք։ Համարվում է, որ Ուրբանոսի պապականության ժամանակահատվածը խաղաղ է եղել, քանի որ Սևերուսը չի նպաստել քրիստոնյաների հետապնդմանը[2]։
Ուրբանոս I պապը դասվել է հռոմեական կաթոլիկ և արևելյան ուղղափառ եկեղեցիների սրբերի շարքը։
Պապականություն
խմբագրել
Ենթադրվում է, որ աղանդավոր Հիպպոլիտոսը քրիստոնեության առաջատար մրցակիցն էր Հռոմում, և նա հրատարակել է «Philosophumena» աշխատությունը, որում հարձակում է գործում Ուրբանոսի նախորդ Կալիստոս I Պապի վրա[4]։ Ուրբանոսը պաշտպանում էր Կալիստոսի շահերը[2]։ Սևերուսի կառավարման ժամանակաշրջանում, քրիստոնեական համայնքում հարաբերական ազատության հետ կապված, Հռոմում եկեղեցու իշխանությունն աճում էր, ինչը հանգում է այն համոզմունքին, որ Ուրբանոսը հմուտ կառավարիչ էր[4]։
Տես նաև
խմբագրելԾանոթագրություններ
խմբագրել- ↑ 1,0 1,1 1,2 Fatti F. Enciclopedia dei Papi (իտալ.) — 2000.
- ↑ 2,0 2,1 2,2 2,3 Kirsch, Johann Peter (1912). "Pope Urban I" in The Catholic Encyclopedia. Vol. 15. New York: Robert Appleton Company.
- ↑ Kung, Hans. The Catholic Church: A Short History. New York; The Modern Library, 2003, p. 41
- ↑ 4,0 4,1 PD-icon.svg Herbermann, Charles, ed. (1913). "Pope Urban I". Catholic Encyclopedia. New York: Robert Appleton Company.
| Նախորդող Կալիստոս I |
Հռոմի պապ Ուրբանոս I 222 - 230 |
Հաջորդող Պոնտիանոս |
 | Վիքիպահեստն ունի նյութեր, որոնք վերաբերում են «Ուրբանոս I (Հռոմի պապ)» հոդվածին։ |