Պատանի տիտաններ (մուլտսերիալ)

Պատանի տիտաններ (անգլ.՝ Teen Titans), ամերիկյան անիմացիոն սերիալ, որն ստեղծվել է Գլեն Մուրակամիի կողմից՝ DC Comics-ի համանուն կոմիքսների հիման վրա։ Սերիալի սյուժեն հիմնված է հիմնականում Մարվ Վոլֆմանի և Ջորջ Պերեսի համանուն կոմիքսների սյուժեների վրա։

Պատանի տիտաններ
Տեսակ	անիմացիոն հեռուստասերիալներ
Ժանր	գիտական ֆանտաստիկա հեռուստատեսությունում, էքշն սերիալ, ֆենթզի հեռուստասերիալ, արկածային հեռուստասերիալ, superhero television program? և մանկական հեռուստատեսային սերիալ
Հիմք	Պատանի տիտանները
Ստեղծող	Glen Murakami?
Ձայնագրում	Սքոթ Մենվիլ, Թարա Սթրոնգ, Գրեգ Սայփս, Հինդեն Ուոլշ, Խարի Փեյթոն, Ռոն Փերլման, Marc Worden?, Դևիդ Քիթ, Wil Wheaton?, Գլեն Շեդիքս, Դի Բրեդլի Բեյքեր, Թոմ Լորեն, Ֆրեդդի Ռոդրիգես, Քսանդեր Բերքլի, Ջեյսոն Մերսդեն, Թոմաս Քեննի, Մալքոլմ ՄակԴաուել, Հենրի Ռոլլինզ, Միքայել Ռոզենբաում, Փիթեր Օնորատի, Ռոբ Փոլսեն, Ջոն Դի Մագիո, Ջեյմս Առնոլդ Թեյլոր, Թրեյսի Ուոլթեր, Սթիվեն Ռութ, Դայան Դելանո, Գրեգ Էլլիս, Էշլի Ջոնսոն, Թոնի Ջեյ, Քեթի Կավադինի և Քևին Մայքլ Ռիչարդսոն
Կերպարներ	Beast Boy?, Starfire?, Raven?, Robin? և Cyborg?
Երաժշտություն	Լոլիտա Ռիտմանիս
Երկիր	ԱՄՆ
Լեզու	անգլերեն
Հեռուստաալիք	Cartoon Network
Եթերաշրջաններ	5
Սերիաների քանակ	65
Սցենարիստ	Adam Beechen?
Ընկերություն	DC Entertainment
Էկրաններին է	սեպտեմբերի 15, 2006-ը
Սերիայի տևողություն	22 րոպե
Հաջորդ	Teen Titans Go!?
Սփին-օֆ	Teen Titans Go!?
cartoonnetwork.com/tv_shows/titans/index.html

Անիմացիոն սերիալի պրեմիերան կայացավ Cartoon Network-ում 2003 թվականի հուլիսի 19-ին, իսկ ավելի ուշ ցուցադրվեց Kids' WB հեռուստաալիքով։ Ի սկզբանե նախատեսված էր ընդամենը չորս եթերաշրջան, սակայն շոուի հանրաճանաչության պատճառով այն երկարաձգվեց մինչև 5-րդ սեզոն։ Վերջին դրվագը հեռարձակվեց 2006 թվականի հունվարի 16-ին, չնայած հետագայում ստեղծվեց նաև լիամետրաժ անիմացիոն ֆիլմ, որը կոչվում էր «Պատանի տիտաններ, միջադեպ Տոկիոյում», որի պրեմիերան տեղի ունեցավ 2006 թվականի սեպտեմբերի 15-ին։ Սերիալը կրկին ցուցադրվել է Boomerang ալիքով։

Անիմացիոն սերիալը դարձավ Cartoon Network-ի ամենահայտնի սերիալներից մեկը և առաջադրվեց 3 Էննիի և մեկ Motion Picture Sound Editors մրցանակների։ Սերիալի մոտիվներով թողարկվել են կոմիքսներ, DVD թողարկումներ, տեսախաղեր, երաժշտական ալբոմներ և կոլեկցիոն խաղալիքներ։

Օրիգինալ սերիալի ավարտից յոթ տարի անց դրա համար ստեղծվեց սփին-օֆֆ, որը կոչվում էր «Պատանի տիտաններ, առա ՛ջ», որի պրեմիերան տեղի է ունեցել 2013 թվականի ապրիլի 23-ին։

Կերպարներ

Սյուժեն զարգանում է հինգ գլխավոր հերոսների շուրջ․ Ռոբինը (հնչյունավորել է Սքոթ Մենվիլը) թիմի խելացի և ընդունակ ղեկավարն է, Սթարֆայրը (հնչյունավորել է Հայնդեն Ուոլշը) տարօրինակ այլմոլորակային Թամարան մոլորակից է, Կիբորգը (հնչյունավորել է Խարի Փեյթոնը) կիսամարդ-կիսառոբոտ է, Ռավենը (հնչյունավորել է Տարա Սթրոնգը) զուգահեռ Ազարաթ աշխարհի աղջիկ է, ով օգտագործում է պսիոնիկական ունակությունները և Բիստբոյը (հնչյունավորել է Գրեգ Կայպեսը), որը կարող է վերափոխվել տարբեր կենդանիների։

Թիմը պայքարում է քաղաքում հանցավորության դեմ, մինչդեռ միևնույն ժամանակ սերիալը կենտրոնանում է գլխավոր դեռահաս հերոսների դժվարությունների, նրանց խնդիրների և հարաբերությունների վրա։ Թիմի գլխավոր թշնամին գերչարագործ և վարձկան Սլեյդն է, որը DC կոմիքսներում հայտնի է նաև որպես Դետստրոուկ։

Ոճ

Անիմացիոն շարքը լի է հումորային դրվագներով՝ ոճավորված որպես անիմե։ Միևնույն ժամանակ, շարքն ինքնին ստեղծվել է ճապոնական անիմացիայի մեծ ազդեցության ներքո։ Սերիալի վրա ազդել են նաև շոուի ստեղծողներ Գլեն Մուրակամիի և Բրյուս Թիմի՝ Ապագայի և արդարության լիգայի Բեթմենի նախորդ աշխատանքը։

Սերիալի երաժշտական թեմայում օգտագործվում են անգլիական և ճապոնական բառեր, իսկ հենց երգը կատարել է ջի-պոպ խումբ Puffy AmiYumi:

Գնահատական

Սերիալը ստացել է դրական գնահատական։ 2009 թվականին «Պատանի տիտանները» լավագույն մուլտերի ցանկում էր ըստ IGN-ի՝ զբաղեցնելով վարկանիշի 83-րդ տողը։

Արտաքին հղումներ

• Սերիալի մասին tv.com-ում