Պորտալ:Արվեստ



	Վիքիպորտալներ Արվեստ · Կենսագրություն · Գրականություն · Պատմություն · Դիզայն · Մշակույթ · Աշխարհագրություն · Գիտություն · Տեխնոլոգիա · Մաթեմատիկա

Արվեստ

Արվեստը հասարակական գիտակցության ձև է, մարդու ստեղծագործ աշխատանքի և հոգևոր մշակույթի տեսակ, իրականության ճանաչման յուրահատուկ եղանակ։ Արվեստը իրականության արտացոլումն է գեղագիտորեն, գեղարվեստական կերպարների միջոցով։ Արվեստի արտացոլման առարկան իրականության գեղագիտական երևույթներն են՝ կյանքի ողբերգական կամ հերոսական, վեհ կամ նսեմ և հատկապես գեղեցիկ կողմերը։

Իրականության գեղագիտական ճանաչումը, մարդու գեղարվեստական ստեղծագործությունը իրացվում է արվեստի տարբեր տեսակների միջոցով։ Գեղարվեստական երևույթները նկալվում են տարբեր միջոցներով՝ տեսողությամբ և լսողությամբ (ինչպես նաև սինթեզված՝ միաժամանակ և լսողությամբ և տեսողությամբ)։ Դրա համապատասխան արվեստը բաժանվում է տարբեր ձևերի, սակայն այդ ձևերի միջև սահմանները հարաբերական են, նրանք երբեմն միավորվում են կամ զուգակցվում են իրար։