Սոֆի Ավագյան

Վիքիպեդիայում կան հոդվածներ Ավագյան ազգանունով այլ մարդկանց մասին։

Սոֆի Հովակիմի Ավագյան (դեկտեմբերի 29, 1930(1930-12-29), Օշական, Աշտարակի շրջան, Հայկական ԽՍՀ, ԱԽՖՍՀ, ԽՍՀՄ), հայ թարգմանչուհի, ԽՍՀՄ գրողների միության անդամ 1976 թվականից։

Սոֆի Ավագյան
Ծնվել է	դեկտեմբերի 29, 1930(1930-12-29) (94 տարեկան)
Ծննդավայր	Օշական, Աշտարակի շրջան, Հայկական ԽՍՀ, ԱԽՖՍՀ, ԽՍՀՄ
Մասնագիտություն	թարգմանչուհի
Քաղաքացիություն	Օշական
Կրթություն	Երևանի պետական համալսարան (1954)
Անդամակցություն	ԽՍՀՄ Գրողների միություն
Աշխատավայր	Խորհրդային գրականություն, Գրական թերթ, Խորհրդային գրականություն և ՀԳՄ
Սոֆի Ավագյան Վիքիդարանում

Կենսագրություն

Ծնվել է Աշտարակի շրջանի Օշական գյուղում։ 1954 թվականին ավարտել է Երևանի համալսարանի բանասիրական ֆակուլտետի ռոմանո-գերմանական բաժինը։ 1956-1959 թվականներին աշխատել է «Սովետական գրականություն» ամսագրի խմբագրությունում իբրև սրբագրիչ, 1960-1964 թվականներին եղել է նույն ամսագրի արտահաստիքային գրական աշխատող, 1965-1970 թվականներին՝ ամսագրի գեղարվեստական արձակի բաժնի վարիչը, 1971-1974 թվականներին՝ «Գրական թերթի» խմբագրության ինֆորմացիայի բաժնի վարիչը, 1974-1975 թվականներին՝ «Սովետական գրականություն» ամսագրի գեղարվեստական բաժնի վարիչը։ 1975 թվականից եղել է ՀԳՄ գրական կապերի բաժնի վարիչը։

Թարգմանությունները (ֆրանսերենից և ռուսերենից)

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Անտուան դը Սենտ-Էքզյուպերի, Մարդկանց երկիրը (վիպակներ, որոնցից «Փոքրիկ իշխանը» թարգմանել է Ս. Ավագյանը), Երևան, Հայպետհրատ, 1961, 297 էջ։
• Չինգիզ Այթմատով, Երեք վիպակ (ժողովածուի մեջ մտնող «Բարդի իմ, կարմիր գլխաշորով» վիպակը թարգմանել է Ս, Ավագյանը), Երևան, «Հայաստան», 1965, 284 էջ։
• Ծաղկուն ճամփա (մոլդավական պատմվածքների ժողովածու, որի մի մասը թարգմանել է Ս. Ավագյանը), «Հայաստան», 1971, 202 էջ։
• Անրի Թրուայա, Սգավոր ձյունը (վիպակ), «Հայաստան», 1973, 101 էջ։
• Ալեն-Ֆուրնիե, Երկար Մոլնը (վեպ), Երևան, «Սովետական գրող», 1978, 204 էջ։
• Անրի Թրուայա, Էգլեթիերների ընտանիքը (վեպ), Երևան, «Սովետական գրող», 1980, 342 էջ։
• Բորիս Վիշինսկի, Ստվերներ և ծարավ, Երևան, «Սովետական գրող», 1981, 184 էջ։
• Չինգիզ Այթմատով, Եվ դարից երկար ձգվում է օրը (վեպ)։ Չալիկ շուն, որ վազում էր ծովի եզրով (վիպակ), Երևան, «Սովետական գրող», 1983, 448 էջ։
• Գի դը Մոպասան, Ձիթենու այգին (նովելներ), Երևան, «Սովետական գրող», 1985, 240 էջ։
• Անրի Վերնոյ, Մայրիկ (վեպ), Երևան, «Խորհրդային գրող», 1989, 239 էջ։
• Պոլ Գոգեն, Նոա նոա առաջ և հետո. հոդվածներ նամակներ, Երևան, «Սարգիս Խաչենց», 1994, 313 էջ։
• Անրի Մատիս, Հոդվածներ նամակներ զրույցներ, Երևան, «Սարգիս Խաչենց», 1999, 300 էջ։
• Պրոսպեր Մերիմե, Կառլոս IX-ի թագավորության ժամանակագրությունը (վեպ), Երևան, «Սարգիս Խաչենց», 2002, 324 էջ։
• Էլի Ֆոր, Արվեստի պատմություն վերածնվող արվեստ, Երևան, «Սարգիս Խաչենց. Փրինթինֆո», 2008, 330 էջ։
• Ալեն-Ֆուրնիե, Երկար Մոլնը (վեպ), Երևան, «Անտարես», 2013, 224 էջ։

Ծանոթագրություններ

Վիքիդարանն ունի նյութեր, որոնք վերաբերում են «Սոֆի Ավագյան» հոդվածին։