Վարդան Սարգսյան (ճարտարապետ)

Անվան այլ կիրառումների համար տե՛ս՝ Վարդան Սարգսյան (այլ կիրառումներ)

Վիքիպեդիայում կան հոդվածներ Սարգսյան ազգանունով այլ մարդկանց մասին։

Վարդան Խորենի Սարգսյան (Տեր-Սարգսյան) (հուլիսի 17, 1919(1919-07-17), Անապա - փետրվարի 1, 1964(1964-02-01), Երևան, Հայկական ԽՍՀ, ԽՍՀՄ), հայ ճարտարապետ։

Վարդան Սարգսյան
Ծնվել է	հուլիսի 17, 1919(1919-07-17)
Ծննդավայր	Անապա
Մահացել է	փետրվարի 1, 1964(1964-02-01) (44 տարեկան)
Վախճանի վայր	Երևան, Հայկական ԽՍՀ, ԽՍՀՄ
Կրթություն	ՀԱՊՀ (1953)
Աշխատավայր	Հայպետնախագիծ
Վարդան Սարգսյան Վիքիդարանում

Դիվանագետ, պետական գործիչ, ՀՀ 4-րդ նախագահ Արմեն Սարգսյանի հայրն է։

Կենսագրություն

Վարդան Սարգսյանը ծնվել է Անապայում։ 1946 թվականին հայրենադարձել է։ 1953 թվականին ավարտել է Երևանի պոլիտեխնիկական ինստիտուտը։ 1951 թվականից աշխատել է Հայպետնախագիծ ինստիտուտում (1961 թվականից՝ ճարտարապետական խմբի ղեկավար)։

Ստեղծագործական աշխատանք

Վարդան Սարգսյանի նախագծերով կամ համահեղինակությամբ կառուցվել են՝

• Հայկոոպի և ԱԳՆ շենքերը Երևանում,
• Պիոներական ճամբարների համալիր (1958) և մանկական առողջարան (1959) Հանքավանում,
• 1950-1960-ական թվականներին՝ բնակելի տներ Երևանում, Ալավերդիում, Ջերմուկում,
• Կինոթատրոն՝ Արմավիրում,
• Մսուր-մանկապարտեզ՝ Մարալիկում,
• «Աղթամար» հյուրանոց-ռեստորանը՝ Սևանի ափին (1962),
• Հանրախանութ՝ Մարտունիում (1959),
• Մշակույթի պալատ՝ Արտաշատում (1960),
• Հյուրանոց և առևտրի կենտրոն՝ Իջևանում (1961),
• Առաջին երկրաշարժակայուն բարձրահարկ շենքը Հայաստանում (1960, Ալավերդի),
• Հուշարձան-կոթող՝ Գորիսի «Ազատության» զբոսայգում (1960)։