Վարդգես Մովսիսյան
- Վիքիպեդիայում կան հոդվածներ Մովսիսյան ազգանունով այլ մարդկանց մասին։
Վարդգես (Վարդան) Կարապետի Մովսիսյան (նոյեմբերի 10, 1935, Լենինական, Հայկական ԽՍՀ, ԱԽՖՍՀ, ԽՍՀՄ - դեկտեմբերի 7, 1988, Լենինական, Հայկական ԽՍՀ, ԽՍՀՄ[1]), հայ դրամատուրգ, լրագրող։ ԽՍՀՄ գրողների միության անդամ 1978 թվականից։ ԽՄԿԿ անդամ 1967 թվականից։
Վարդգես Մովսիսյան | |
|---|---|
| Ծնվել է | նոյեմբերի 10, 1935 |
| Ծննդավայր | Լենինական, Հայկական ԽՍՀ, ԱԽՖՍՀ, ԽՍՀՄ |
| Վախճանվել է | դեկտեմբերի 7, 1988 (53 տարեկան) |
| Վախճանի վայր | Լենինական, Հայկական ԽՍՀ, ԽՍՀՄ |
| Մասնագիտություն | դրամատուրգ և լրագրող |
| Քաղաքացիություն |  ԽՍՀՄ |
| Անդամակցություն | ԽՍՀՄ Գրողների միություն |
| Կուսակցություն | ԽՄԿԿ |
| Աշխատավայր | Գյումրիի Վարդան Աճեմյանի անվան պետական դրամատիկական թատրոն |
| Վարդգես Մովսիսյան Վիքիդարանում | |
Կենսագրություն
խմբագրելՎարդգես Մովսիսյանը ծնվել է 1935 թվականի նոյեմբերի 10-ին, Լենինականում։ 1954 թվականին ավարտել է Լենինականի Շիրվանզադեի անվան միջնակարգ դպրոցը։ 1956-1958 թվականներին աշխատել է Լենինականի Ասքանազ Մռավյանի անվան դրամատիկական թատրոնում՝ որպես բեմի բանվոր, 1958-1962 թվականներին՝ հաղորդավար «Լենինականյան կյանք» ռադիոհաղորդումների խմբագրությունում, 1969-1973 թվականներին՝ նույն խմբագրությունում խմբագիր, 1973-1978 թվականները «Տեքստիլագործ» բազմատպաքանակ թերթի խմբագիր Լենինականում։ 1978 թվականի հոկտեմբերից աշխատել է Լենինականի «Բանվոր» թերթում։ 1966 թվականին Լենինականի Ա. Մռավյանի անվան դրամատիկական թատրոնը բեմադրել է նրա «Կանչող հեռուներ», 1972 թվականին՝ «Կապույտ լճակներ», 1973 թվականին՝ «Ախ, այդ Շուշանը» պիեսները։ Վերջինս բեմադրվել է նաև Ստեփանավանի, Իջևանի, Ախալքալաքի, Արթիկի, Շամշադինի, Կիրովականի ժողովրդական թատրոններում։ 1975 թվականին Լենինականի պետական տիկնիկային թատրոնը բեմադրել է Մովսիսյանի «Կանաչ լապտերիկ» և «Մեզ չմոռանաք» հեքիաթ-պիեսները[2][3]։
Մահացել է 1988 թվականի դեկտեմբերի 7-ին՝ ավերիչ երկրաշարժից։
Երկեր
խմբագրել- Կանչող հեռուներ (Պիեսներ), 1987։
- Եղիցի երկիր, Լույս, 1991, 246 էջ[4]։
Ծանոթագրություններ
խմբագրել- ↑ Նշվեց Վարդգես Մովսիսյանի հոբելյանը
- ↑ Գրական տեղեկատու։ Երևան։ «Սովետական գրող»։ 1986։ էջ 325։
- ↑ «Koha online catalog › Entry». haygirk.nla.am. Վերցված է 2019 թ․ փետրվարի 11-ին.
- ↑ Մովսիսյան, Վարդգես Կարապետի (1991 թ․ հունվարի 1). Եղիցի երկիր. Լույս. ISBN 9785545008032.
 | Վիքիդարանն ունի նյութեր, որոնք վերաբերում են «Վարդգես Մովսիսյան» հոդվածին։ |