Աննա Մուգլալիս
Աննա Մուգլալիս (ֆր.՝ Anna Mouglalis, ապրիլի 26, 1978[1][2], Ֆրեժյուս[3]), կինոյի և թատրոնի ֆրանսիացի դերասանուհի։
| Աննա Մուգլալիս | |
|---|---|
.jpg) | |
| Ծնվել է | ապրիլի 26, 1978[1][2] (46 տարեկան) |
| Ծննդավայր | Ֆրեժյուս[3] |
| Քաղաքացիություն |  Ֆրանսիա |
| Ազգություն | ֆրանսիացիներ և Greeks in France? |
| Կրթություն | Բարձրագույն ազգային դրամատիկ արվեստների կոնսերվատորիա |
| Մասնագիտություն | դերասանուհի, մոդել, թատրոնի դերասանուհի և կինոդերասանուհի |
 Anna Mouglalis Վիքիպահեստում | |
Կենսագրություն և կարիերա
խմբագրելԱննա Մուգլալիսը ծնվել է Նանտ քաղաքում, սակայն նրա պատանեկությունն անցել է Վար դեպարտամենտում, մինչև որ ընտանիքը կրկին տեղափոխվում է Նանտ։ Մուգլալիսի հայրը ազգությամբ հույն է, մասնագիտությամբ՝ բժիշկ, իսկ ֆրանսուհի մայրը մերսող է։ Մինչև 2001 թվականը Աննան սովորել է Փարիզի դրամատիկական արվեստի ազգային բարձրագույն կոնսերվատորիայում[4]՝ Դանիել Մեսգիչի դասարանում։ Բացի ֆրանսերենից, Աննան ազատ տիրապետում է անգլերեն, իտալերեն, իսպաներեն և մասամբ հունարեն լեզուներին։ 1997 թվականին նա սկսում է դերասանական գործունեությունը Փարիզում բեմադրված «La Nuit du Titanic» ներկայացման մեջ։ Նույն թվականին Ֆրանսիս Ժիրոն նրան ընտրում է «Տերմինալ» ֆիլմի համար։ 2000 թվականին Աննան և Իզաբել Հյուպպերը նկարահանվում են Կլոդ Շաբրոլի «Շնորհակալություն շոկոլադի համար» (Merci pour le chocolat) ֆիլմում՝ կատարելով գլխավոր դերերը։ 2002 թվականին նկարահանվելով Ժան Պիեռ Լիմոզինի «Նովո» ֆիլմում, նա Ռոբերտո Անդոյի կողմից ընտրվում է «Կեղծ անունով» թրիլլերի համար։ 2003 թվականին նա խաղում է Ասա Մադերի «Մահվան հիվանդություն» սև ու սպիտակ ֆիլմում, որը ներկայացվում է Վենետիկի կինոփառատոնում։ Նույն թվականին նա նկարահանվում է Փանոս Կուտրասի «Իրական կյանք» հունական ֆիլմում, կատարելով գլխավոր դերը։ 2005 թվականին նա նկարահանվում է միանգամից երկու իտալական ֆիլմերում՝ Միքելե Պլաչիդոյի «Ռոմանտիկ հանցագործը» և «Մուգ ծով», որտեղ նրա խաղընկերն էր Լուիջի Լո Կաշոն։ Իլան Դյուրան Կոհենի «Ֆլորի սիրեկանները» հեռուստատեսային ֆիլմում Մուգլալիսը մարմնավորել է Սիմոնա դը Բովուարին[4]։ ֆիլմում նրա խաղընկերն էր Լորեն Դոյչը, որը մարմնավորել է Ժան Պոլ Սարտրին։ Այդ գրական դեմքերին մարմնավորելու համար երկու դերասաններն էլ արժանանում են հանրության և կինոքննադատների դրվատանքին, իսկ վերջիններս գովելով նրանց դերասանական վարպետությունը, արձանագրում են երկու դերասանական կարիերաների ծնունդը։ Դերասանուհու իր կարիերային զուգընթաց Մուգլալիսը հաջողությամբ սկսում է զբաղվել նաև մոդելային գործունեությամբ։ 2002 թվականին Կարլ Լագերֆելդը ընտրում է նրան «Amateur Allure de Chanel» օծանելիքի գովազդի համար և նշում, որ Աննան «դարձել է իր մուսաներից մեկը»[4]՝ Շանելի պայուսակները, զարդերը և ժամացույցները գովազդելու համար։ 2009 թվականին Մուգլալիսը ընտրվում է Յան Կոյնենի «Կոկո Շանել և Իգոր Ստրավինսկի» ֆիլմում Կոկո Շանելին մարմնավորելու համար[5]։ Ֆիլմն ընտրվում է 2009 թվականի Կաննի կինոփառատոնի փակման հանդիսության համար[6]։
Անձնական կյանք
խմբագրել2007 թվականի մարտի 7-ին Աննան ունենում է իր առաջնեկին՝ Սաուլ անունով դստերը, որի հայրն էր ֆրանսիացի ռեժիսոր և գրող Սամյուել Բենշետրիտը[4]։ 2015 թվականից ի վեր հանդիպում է ֆրանսիացի երաժիշտ Բենժամին Բյոլեի հետ։
Ֆիլմագրություն
խմբագրել- 1998 — Տերմինալ
- 2000 — Շնորհակալություն շոկոլադի համար (ֆր.՝ Merci pour le chocolat) ֊Ժաննա Պոլլե
- 2000 — Հնագույն պատմություն (ֆր.՝ De l'histoire ancienne) — բուժքույր
- 2000 — Գերուհին (ֆր.՝ La Captive) — Իզաբել
- 2002 — Նոր կյանք (ֆր.՝ La Vie nouvelle) — Մելանյա
- 2002 — Առանց հիշողության (ֆր.՝ Novo) — Իրեն
- 2002 — Գայլը արևմտյան ափին (ֆր.՝ Le loup de la côte Ouest) — Մայ
- 2002 — Մեկ տարի
- 2003 — Լեոն խաղում է«Տղամարդկանց ընկերությունում»
- 2003 — Մահվան հիվանդություն
- 2003 — Ցանկության գինը
- 2004 — Իրական Կյանք
- 2004 — Տարօրինակ հանցագործություն
- 2004 — Երբ մենք հեռացանք
- 2005 — Ջրհեղեղին սպասելիս
- 2005 — Իկարոսի երազանքը (հունարեն՝ Το ονειρο του Ικαρου) — հոգևորականի կին
- 2005 — Քրեական սիրավեպ (իտալ.՝ Romanzo Criminale) — Պատրիցիա
- 2006 — Մուգ ծով (իտալ.՝ Mare nero) — Վերոնիկա
- 2006 — Ֆլորի սիրեկանները (ֆր.՝ Les amants du Flore) — Սիմոնա դը Բովուար
- 2008 — Ես միշտ եմ ցանկացել գանգստեր դառնալ (ֆր.՝ J'ai toujours rêvé d'être un gangster) — մատուցողուհի Սյուզի
- 2009 — Կոկո Շանել և Իգոր Ստրավինսկի — Կոկո Շանել[7]
- 2010 — Գենսբուր. հերոսական կյանք — Ժուլիետ Գրեկո
- 2013 — Խանդ (La Jalousie)
Ծանոթագրություններ
խմբագրել- ↑ 1,0 1,1 Discogs — 2000.
- ↑ 2,0 2,1 Roglo — 1997. — ed. size: 10000000
- ↑ 3,0 3,1 3,2 Deutsche Nationalbibliothek Record #136454917 // Gemeinsame Normdatei (գերմ.) — 2012—2016.
- ↑ 4,0 4,1 4,2 4,3 https://www.telegraph.co.uk/culture/film/7868735/Anna-Mouglalis-stars-as-Coco-Chanel.html
- ↑ Rees, Jasper (2009 թ․ մարտի 29). «The Sunday Times: Audrey Tautou and Anna Mouglalis star as Coco Chanel». The Sunday Times. London. Արխիվացված է օրիգինալից 2011-06-16-ին. Վերցված է 2010 թ․ ապրիլի 25-ին.
- ↑ «Festival de Cannes: Coco Chanel & Igor Stravinsky». festival-cannes.com. Արխիվացված է օրիգինալից 2011 թ․ ապրիլի 9-ին. Վերցված է 2009 թ․ մայիսի 15-ին.
- ↑ Анна Муглалис в роли Коко Шанель Արխիվացված 2009-02-08 Wayback Machine на сайте AlloCiné
Արտաքին հղումներ
խմբագրել- Աննա Մուգլալիս (անգլ.) Internet Movie Database կայքում
- Анна Муглалис на Biggest Stars(չաշխատող հղում)
 | Վիքիպահեստն ունի նյութեր, որոնք վերաբերում են «Աննա Մուգլալիս» հոդվածին։ |